MacBook-u açıb ekranda qəribə zolaqlar, ləkələr, parıltı və ya hər hansı digər qüsur görəndə keyfimiz pozulur. Onlar nədən əmələ gəlir? Əksər hallarda istifadəçinin özünün ehtiyatsız hərəkətləri səbəbindən. Lakin belə hallar da olur ki, buna səbəb istehsal qüsuru olur. Bütün ehtimallar haqda danışaq.
Başlıqlar
Macbook Pro ekranında artefaktlar
Artefaktlar – kompüterin rahat istifadəsinə mane olan ekrandakı zolaqlar, dalğalar və ya digər təhriflərdir. Mac-da onlar ən çox təsadüfi yerlərdə zolaqlar və ləkələr kimi görünür. Onlar yoxa çıxa və sonra yenidən görünə və ya yalnız müəyyən məqamlarda görünə bilər. Məsələn, “ağır” proqramlarda işlədiyiniz zaman Mac isindikdə.
Artefaktlar müxtəlif səbəblərdən yarana bilər. Onlardan biri Mac-ın müntəzəm olaraq həddindən artıq isinməsi səbəbindən video çipin sıradan çıxmasıdır. Bu, ən azı ildə bir dəfə soyutma sisteminizə texniki qulluq etmədiyiniz təqdirdə baş verir. Bundan əlavə, Pro versiyalar ən çox professional istifadəçilər tərəfindən istifadə olunur. Onlar tez-tez və uzun müddət qrafika, video və video çipin cavabdeh olduğu digər məsələlərlə əlaqəli resurs tələb edən proqramlarda işləyirlər. Təəccüblü deyil ki, yetərsiz soyutma şəraitində çox günlük sınaqlara məruz qalaraq, həddindən artıq isinmə səbəbindən, o, sadəcə “yanır”.
Macbook Pro ekranında parıltı
Macbook Pro ekranında problemlərin yaranmasının başqa bir səbəbi brakdır. Apple-ın yüksək keyfiyyəti təkcə innovasiyalar və yaxşı yığılma ilə bağlı deyil. Bu həm də satışdan sonrakı mərhələdə xidmətdə özünü göstərir. Şirkət hətta cihazın satışından bir neçə il keçsə də öz səhvlərini qəbul edib onları düzəltməkdən çəkinmir. Məsələn, problem aşkar olunduqda şirkət onu aradan qaldırır və artıq buraxılmış qacetlərin zəmanət müddətini uzadır.
2016-cı ilin oktyabrından 2018-ci ilin fevralına qədər buraxılmış bəzi MacBook Pro modelləri ilə bağlı vəziyyət də belə idi. Onların sahibləri qeyd edirdilər ki, bir müddətdən sonra ekranın aşağı hissəsindəki işıqlandırma bərabər yanmamağa başlayırdı, sanki “səhnə işığı” kimi yanırdı sonra isə tamamilə sıradan çıxırdı. Problemə qeyri-rəsmi Flexgate adı verilmişdi. Məlum oldu ki, problem dizayn qüsurundadır: matris kabeli qısa və incədir. İstifadəçilər hər dəfə “problemli” notbuku açıb-bağladıqca kabel sürtünür və vaxt keçdikcə köhnəlir və arxa işıq tamamilə sıradan çıxırdı.
Apple bu qüsuru qəbul edərək Mac nəsli üçün zəmanət müddətini uzatdı. Öz hesabına təmir edən istifadəçilərə isə təzminat üçün müraciət etməyi təklif etdi. Və əlbəttə ki, kabelin dizaynını yeniləyərək bu nəsil notbuklarda dəyişikliklər etdi.
Ləkələr nədən əmələ gəlir
Mac ekranında ləkələr zərbələr və ya xarici təsir nəticəsində yaranır. Bunun üçün notbuku yerə salmaq şərt deyil. Bəzən onu içində dəyirmi əşyalar (foblu açar, elektron siqaret mayesi, siçan) olan bel çantasına qoyub sıxmaq kifayətdir: məsələn divara və ya oturacağın kürəyinə söykənərək.
Daha bir geniş yayılmış situasiya – istifadəçi klaviaturanın üzərində və ya klaviatura ilə ekran arasındakı boşluqda qalan obyekti görmədən Mac-ı bağlayır. Bu qulaqlıq, siçan, karandaş – nə desəniz ola bilər. Həmçinin ləkələr maye ilə təmas nəticəsində əmələ gələ bilər.
Hər iki halda matris sıradan çıxır.
MacBook-da ölü piksellər
Bu, monitorda rəngi düzgün göstərməyən bir və ya bir neçə nöqtədir. Onlar ağ, qara və ya rəngli ola bilər. Çox vaxt ölü piksellər klaviatura ilə displey arasına düşən mikrohissəciklər səbəbindən görünür, məsələn, toz və sərt xırda qırıntılar. Siz notbukun ekranını bağladıqda bu hissəciklər Mac ekranına sıxılaraq ekran piksellərini sıradan çıxarırlar. Yeri gəlmişkən, onlar oleofob səthi də zədələyir.
Ölü piksellərin sayı çox deyilsə qorxulu deyil. Lakin, onlar özü özündən (xaricdən mikrohissələrlə təmas olmadan) sizin yeni Mac-ın ekranında əmələ gəlirsə bu matrisdə olan qüsurdan xəbər verə bilər. Belə halda modulun zəmanətlə əvəz edilməsi üçün Apple Rəsmi Servis mərkəzinə müraciət etmək gərək.
MacBook Pro ekranında zolaqlar
MacBook ekranında zolaqlar matris, şleyf və ya videoçip zədələndikdə əmələ gəlir. Zolaqlar şaqulidirsə və qapağın bucağı dəyişdikcə təhrif olunurlarsa, problem zədələnmiş matris dekoderində ola bilər. O, qoruyucu şüşə təbəqəsi altında və ya alüminium çərçivədə olmasına baxmayaraq, mexaniki təsirə olduqca həssasdır. Dekoder ana platadan gələn video siqnalı ekran matrisinə ötürür. Siqnal nazik film şleyf ilə ötürülür: ekranda zolaqların görünməsi üçün onun keçdiyi yerə yüngül zərbə və ya təzyiq kifayətdir.
Bənzər “simptomlar” əsas matris şleyfi zədələndikdə də əmələ gəlir. Belə halda tək şaquli deyil, həm də qapağın açılma bucağından asılı olaraq dəyişən üfüqi zolaqlar da görünür. Kabel ekranın aşağı hissəsində (çərçivənin altında) yerləşir. Sadəcə klaviatura ilə ekran arasındakı boşluğa ilişib qalmış əşya ilə birlikdə notbuku bağlamaqla onu asanlıqla zədələmək olar. Həmçinin, kabel mexaniki aşınma səbəbindən sıradan çıxa bilər.
Mac ekranında zolaqların yaranmasının daha bir səbəbi video çipin həddən artıq isinməsidir. Təkrar edək: əgər termopastanın yenilənməsi ilə profilaktik təmizlik etmirsinizsə soyutma sisteminin səmərəliliyi azalır. Vaxt keçdikcə notbukun havalandırma dəlikləri tozla tıxanır, bu da korpusun daxilində temperaturun yüksəlməsinə, komponentlərin qızmasına və kristal quruluşunun dəyişməsinə səbəb olur.
MacBook ekranında zolaqlar və ya ləkələr göründükdə nə etməli
Servis mərkəzinə müraciət edərək problemin dəqiq səbəbini müəyyən etmək, təmirin həcmini və qiymətini təyin etmək lazımdır. Məsələn, şleyfi və ya dekoderi ayrı-ayrılıqda əvəz etmək mümkün deyil, onlar ekranın ayrılmaz hissəsidir. Bu səbəbdən sıradan çıxdıqda bütöv modul, arxa qapaq və ekran dəyişilir. Ekran zədələnməyibsə sadəcə şüşəni əvəz etməklə kifayətlənmək olar. Bəzən də təmir praktik olmaya bilər. iSpace-də sizə bu haqda dürüst məlumat veriləcək və bundan sonra nə etməli olduğunuz barədə məsləhət veriləcək.
Problemlərdən necə qaçınmaq olar?
Mac-dan ehtiyatla istifadə edin: onu qutuda daşıyın, üzərində qəhvə və ya digər içkilər içməyin və təsadüfən cihazın üzərinə əyləşə biləcəyiniz yerə qoymayın. Məsələn çarpayının üstündə yorğanların arasına. MacBook-ü örtmədən öncə üstünü yoxlmağı vərdiş edin. Və əlbəttə ki, belinizdəki çantada notbuk olduqda oturacağa söykənməyin.
iSpace mühəndisləri Mac-a “texniki qulluğa” laqeyd qalmamağı məsləhət görürlər. İldə bir dəfə onu soyutma sisteminin profilaktik baxımına aparın: bu sadə prosedur həqiqətən də kompüterin ömrünü uzadır. Bu məqalənin dərc edildiyi vaxt, iSpace-də istınilən MacBook modelinin təmizlənməsi 50 azn-ə başa gəlir.
Nəticə: Mac ekranındakı artefaktlar olduqca geniş yayılmış bir problemdir. Çox vaxt bu, istifadəçinin özünün ehtiyatsız hərəkətləri nəticəsində baş verir. Lakin elə də olur ki, səbəb istehsal qüsuru olur. Dəqiq səbəbi iSpace xidmət mərkəzində müəyyən edə bilərsiniz. Mühəndislərimiz cihazın diaqnostikasını aparacaq və həllini təklif edəcəklər.
Geriyə zəng üçün və ya mesencerdə xidmət mərkəzi ilə əlaqə saxlamaq üçün linkə keçin.
HƏMÇİNİN OXUYUN
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
