iSpace Gəncə Mall-da ilk mağazasını açır

Gəncə sakinləri üçün Apple dünyasını kəşf etməyə yeni məkan açılır. Artıq 22 oktyabrda Gəncə Mall-da şəhərin ilk Apple Authorised Reseller statuslu texnika və aksesuar mağazası olan iSpace fəaliyyətə başlayır. Mağaza ticarət mərkəzinin birinci mərtəbəsində hər gün 10:00-dan 22:00-dək fəaliyyət göstərəcək. Açılış münasibətilə qonaqları şən əhval-ruhiyyə, DJ çıxışları, hədiyyələr və Apple texnikasına xüsusi təkliflər gözləyir. 

Gəncədə ilk iSpace 

Artıq Gəncə sakinlərinin Apple yenilikləri ilə tanış olmaq və ekspert məsləhəti almaq üçün başqa şəhərə getməsinə ehtiyac yoxdur. Bütün bunlar artıq şəhərin mərkəzində yerləşən yeni iSpace mağazasında mümkün olacaq. iSpace-də Apple cihazları açıq şəkildə nümayiş olunur. Siz onları əlinizə götürə, sınaqdan keçirə və modelləri bir-biri ilə müqayisə edə bilərsiniz. Bu, seçim etmək üçün ən rahat yollardan biridir. Mağaza əməkdaşları isə bütün suallarınızı cavablandıracaq və sizin üçün uyğun ödəniş variantını seçməyə kömək edəcəklər. 

Açılışa özəl təkliflər 

Gəncədə ilk iSpace mağazasının açılışı bayram əhval-ruhiyyəsində keçiriləcək. DJ və aparıcı gün ərzində qonaqlar üçün xüsusi atmosfer yaradacaq. Qonaqları xoş təəssüratlar, ekspertlərlə ünsiyyət və əlbəttə ki, sərfəli alış-veriş gözləyir. 

Xüsusi təkliflər 22–25 oktyabr tarixlərində qüvvədə olacaq: 

• iSpace loyallıq kartı ilə 7% endirim. Kartı Wallet tətbiqinə elə indi əlavə edə bilərsiniz. Qeydiyyat cəmi bir neçə dəqiqə çəkir, kart isə tamamilə pulsuz və rəqəmsaldır. 
• 18 ayadək 0% hissə-hissə ödəniş. Bu gün alın, ödənişi rahat şəkildə sonradan edin. 

• iPhone 18 Pro və ya iPhone 18 Pro Max alarkən Trade In ilə əlavə 200 AZN-dək bonus. Bu məbləğ cihazınızın qiymətləndirilmiş dəyərinə əlavə olunacaq. 
• İlk 50 alıcı üçün hədiyyələr. Simsiz enerji yığma qurğusu, avtomobil tutacağı, adapter, Aqara kamera və digər sürprizlər qazanmaq imkanı.  
• Aksesuarlara 60%-dək endirim. Portativ kolonlar, simsiz enerji yığma qurğuları, Mac üçün çantalar, Apple Watch qayışları və digər məhsullar kampaniyada iştirak edir. 

iSpace kimdir? 

iSpace Apple texnikası və aksesuarları üzrə beynəlxalq mağazalar şəbəkəsidir. Hazırda Bakıda 6 iSpace mağazası fəaliyyət göstərir. İnsanlar bura yalnız yeni cihaz almaq üçün deyil, həm də peşəkar məsləhət almaq, cihazlarını sazlamaq, uyğun aksesuar seçmək və zəmanət dəstəyi əldə etmək üçün müraciət edirlər. Müştərilərə alışdan əvvəl, alış zamanı və alışdan sonra dəstək göstərmək bizim əsas üstünlüklərimizdəndir.‌ 

iSpace-də yalnız zəmanətli, yeni və orijinal Apple məhsulları təqdim olunur. Burada sizə modellər arasındakı fərqləri izah edəcək, ehtiyaclarınıza uyğun cihaz seçməyə kömək edəcək və yeni cihazınızın imkanlarından maksimum istifadə etməyi göstərəcəklər. 
İstəyən müştərilər genişləndirilmiş zəmanət və əlavə sığorta proqramlarından da yararlana bilərlər. Servis xidmətləri isə iSupport səlahiyyətli servis mərkəzində həyata keçirilir. Bundan əlavə, Trade In, hissə-hissə ödəniş və kredit imkanları da mövcuddur. Mağazaya gələ bilmirsinizsə, sifarişinizi Azərbaycanın istənilən nöqtəsinə çatdırılma ilə rəsmiləşdirə bilərsiniz. 

Yeni mağaza əsl kəşflər məkanıdır. Onu Gəncədə, Heydər Əliyev prospekti 433 ünvanında kəşf edin. Yeni təəssüratlar, Apple cihazları və bayram əhval-ruhiyyəsi üçün sizləri gözləyirik. Açılışda görüşməkdən məmnun olarıq!