Bildiyiniz kimi, dələduzların nə istirahət günləri var, nə də vicdanı. Onlar istifadəçilərin etibarını qazanmaq üçün illərlə işlənmiş sxemlərdən istifadə edirlər. Sizi qacınılmaz səhvlərdən və peşmanlıqlardan qorumaq üçün son vaxtlar ən çox yayılmış hallar barədə məlumat topladıq.
Dələduzlar daim yeni fırıldaqçılıq sxemi düşünürlər. Ancaq bəzən hər yenilik, sadəcə yetərincə unudulmuş köhnədir. Vağzalda xoş görünüşlü bir qəribin göz yaşı içində mobil telefonunuzdan zəng etməyi və hətta SİM kartı daxil etməyinizi xahiş etdiyi vaxtları xatırlayırsınız? Bax elə sosial şəbəkələrdə yeni fırıldaqların kökləri də oradan gəlir.
Deməli, sizə tanışlıq təklifi gəlir. Çox vaxt fırıldaqçılar Telegram-ı seçirlər, lakin bu, bildiyiniz hər hansı sosial şəbəkə ola bilər. Hər şey zərərsiz görünür: sizin ortaq maraqlarınız və hətta tanışlarınız var. Bir müddət sonra bir sorğu gəlir: dostunuzun iPhone-unun oğurlandığı məlum olur, ən azı foto arxivini xilas etmək lazımdır və bunun üçün hesabınızdan çıxıb onun Apple ID və şifrəsini daxil etməlisiniz.
Vəssalam. Bu andan etibarən siz öz cihazınız üzərində nəzarəti itirirsiniz. Ekranda hesaba pul köçürmək üçün sorğu görünəcək…
Yazışmanın mənbəyi – Appleinsider.ru.
Kilidi yeniləmək və ya yan keçmək əksər hallarda faydasızdır. Apple servis çox güman ki, heçnə edə bilməyəcək, çünki siz özünüz “hesabınızdan” çıxıb başqasına daxil olmusunuz. Bəlkə elə siz özünüz dələduzsunuz?
Belə vəziyyətdə nadir hallarda kömək etmək mümkün olur. Amma cəhd etməyə dəyər.
- Dələduzlara pul köçürməyə tələsməyin, ələlxüsus da məbləğ böyükdürsə. Blokun açılacağına zəmanət yoxdur.
- Apple servisə müraciət edin, lakin cihazın modeli və alınma tarixi qeyd olunan fiskal qəbzi təqdim edərək telefonun sahibi olduğunuzu sübut etməyə hazır olun. Hər bir konkret vəziyyətdə, nəticə fərqli ola bilər. Yeri gəlmişkən, bu, cihazı yalnız markanın rəsmi nümayəndələrindən almaq üçün tutumlu bir səbəbdir.
- Polisə müraciət edin və dələduz haqda bildiyiniz bütün məlumatı onlara bildirin.
Unutmayın! Başqasının Apple ID-sini öz iPhone-unuza qətiyən daxil etməyin. İstisna yalnız sizin yaxınlarınızdır və yalnız bu xahişi şəxsən təsdiqlədikdən sonra. Başqasının məlumatlarını daxil etməklə özünüzünküləri itirmək riski yaradırsınız.
Bu hadisələri ailəniz, dostlarınız və həmkarlarınızla paylaşın. Ayıq olun və dələduzların hiylələrinə qapılmayın.
Sizin iSpace.
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
