Yeni ilə nə hədiyyə edək? iSpace ekspertlərinin seçimi 

Yeni ilə hədiyyə seçimini son ana saxlamaq heç də yaxşı fikir deyil. Bayram günləri yaxınlaşdıqca işlər çoxalır, qayğılar artır: axtarmağa vaxtınız yetməyə bilər. Yaxşısı budur işinizi ehtiyatlı tutun və öncədən hədiyyələri gözdən keçirin. 

Seçim etməkdə iSpace ekspertləri sizə kömək edəcəklər. Ailənizin və dostlarınızın hansı hədiyyələrdən daha çox məmnun olacağını dəqiq bilirik. Spoiler: təbii ki, bu, Apple avadanlığı və aksesuarları olacaq. Xəyallar gerçəkləşməlidir. Yeni ildir axı! 

Sevgiliniz üçün hədiyyələr  

Xanımınız üçün. Sevdikləriniz üçün qənaət etmək yaxşı deyil. Birincisi – sevdiyiniz insanların arzularını gerçəkləşdirmək doğrudan da xoş olur. İkincisi isə, bu, strateji cəhətdən daha düzgündür, axı hədiyyəni tək siz deyil, sizin üçün də seçirlər. 

Yepyeni iPhone 15 – qadınlar üçün hədiyyələr arasında favoritdir. Bütün parametrlərinə görə bu Apple tarixində ən yaxşı baza iPhone modelidir. Gözəl korpus rəngləri, parlaq OLED ekran, zirək A16 Bionic çipi, müxtəlif foto və video rejimləri olan əla kamera. Yeri gəlmişkən, iPhone 15 Plus həmin xüsusiyyətlərə malikdir, bir də ekranı daha böyükdür və batareya ömrü daha uzundur. 

Daha irəliləmiş istifadəçilər üçün isə iPhone 15 Pro və ya iPhone 15 Pro Max almağı tövsiyə edirik. Yerinə düşəcək, əmin olun. Onlar əlavə qrafik nüvəyə və təkmilləşdirilmiş performansa malik olan ən son A17 Bionic çipi ilə təchiz olunmuşdurlar. Ən əhəmiyyətli fərq telefoto obyektivlərə aiddir. iPhone 15 Pro 3x 12 meqapiksellik telefoto kameradan, iPhone 15 Pro Max isə 5x telefoto kameradan istifadə edir ki, bu da görüntü keyfiyyətini itirmədən obyektlərə daha da yaxınlaşmağa imkan verir. 

Yeri gəlmişkən, yeni iPhone-larda indi artıq Lightning əvəzinə USB-C konnektorudur. Bu o deməkdir ki, indi iPhone, Mac və iPad-inizi bir adapterlə şarj edə biləcəksiniz. Artıq evdən harasa çıxarkən çantanızda onlarla blok və kabel daşımağa ehtiyac qalmayacaq və bu çox rahatdır.

Bəyiniz və ya həyat yoldaşınız üçün. Əlbəttə ki, iPhone bir gənc üçün böyük bir sürpriz olacaq. Ancaq texnologiyadan başı çıxırsa, çox güman ki, Mac-ə daha çox sevinəcək.  

Bu, sadəcə gözəl bir hədiyyə deyil, həm də çox sərfəli bir investisiyadır. Mac hər hansı digər marka dan olan “maşınlardan” daha uzun müddət xidmət edir, nadir hallarda xarab olur, pulsuz yenilənir və təkrar satış zamanı yüksək qalıq dəyərinə malikdir. 

2023-cü ilin 14,2 düymlük MacBook Pro-sunu alsanız ürəyindən xəbər verəcəksiniz. Touch Bar, ən son Apple M3 Max prosessoru, 36 GB RAM və 1 TB daxili yaddaş əsl kişi üçün ən yaxşı avadanlıqdır. Belə bir notbuk ən azı daha 5–7 il aktuallığını qoruyacaq və bütün adi tapşırıqlar daha sürətli yerinə yetiriləcəkdir. 

Apple-ın inanılmaz dərəcədə geniş kompüterlər xətti var. MacBook Pro texnologiyadan həqiqətən ciddi tapşırıqlar üçün istifadə edən və eyni zamanda hərəkət azadlığını dəyərləndirən real mütəxəssislər üçün tapıntıdır. MacBook Air texniki göstəricilərə olan tələbləri bir az daha aşağı olanlar üçün ideal seçimdir. iMac monobloku isə bir neçə il ərzində stolüstü kompüterə və əla performans ehtiyatına ehtiyacı olanlar üçün nəzərdə tutulmuşdur. 

Əlbəttə ki, hər işdə fasilə lazımdır və hər bir model həm də əyləncə üçün mükəmməldir. Parlaq ekranlarda film izləmək xoşdur, yüksək səsli dinamiklərdən yüksək keyfiyyətli balanslaşdırılmış səs gəlir, notbuka gəldikdə isə onun batareyası uzun müddət şarjsız işləyir. 

Daha cənab Google-dan həyat yoldaşınıza Yeni ildə nə hədiyyə edəcəyinizi soruşmaqdan vaz keçin. Birbaşa bizim kataloqa üz tutaraq 100% bəyənəcəkləri hədiyyəni seçin. 

Valideynlər üçün hədiyyələr 

Anaların, ataların başları həmişə işlərə qarışır və özləri heç yada düşmürlər. Onlar nadir hallarda özlərinə nəsə alırlar və hər zaman qarşılıq gözləmədən bölüşməyi adət ediblər. Buna görə də sizdən gələn hədiyyə onları çox təəccübləndirəcək və xoşbəxt edəcək – hədiyyə nə olursa olsun. Ancaq biz valideynlərinizə Yeni ildə nə hədiyyə edəcəyinizi yaxşı bilirik . Əgər bu, iPad-dirsə, sevinc dolu anlar yaşayacağınızdan əmin olun. 

Ananız video reseptlərlə yemək bişirə biləcək, atanız isə ən son xəbərləri və elektron kitabları oxuya biləcək. Üstəlik, onlarla həmişə əlaqə saxlaya biləcəksiniz. Yeni ili bir-birindən uzaqda qarşılayanlar üçün bu çox önəmlidir. iPad-də görüntü və səs keyfiyyəti o qədər realdır ki, məsafə və sərhədlər yox olur. Qalan iş xırda məsələdir: ən uyğun Apple planşet modelini seçmək qalır. 

Yeni il üçün ananıza hədiyyə edə biləcəyiniz başqa bir seçim daha: bu, yüz ilə yaxın yaşı olan məşhur Skandinaviya brendi Bang & Olufsen–in audio cihazlarıdır. Bütün bu illər ərzində dizaynerlər və mühəndislər premium dizaynı, yüksək komplektasiya keyfiyyətini və aydın səsi uğurla bir araya gətirmişdirlər. İstənilən Bang & Olufsen qadceti gözəl hədiyyə olacaq. 

Bayram ab havası yaratmaq və sevimli Yeni il kompozisiyalarını səsləndirmək vəzifəsini ürəklə innovativ Beosound Balance simsiz dinamikə etibar etmək olar. O, basları gücləndirən, aydın səs bəxş edən və səsi balanslaşdırılmış şəkildə bütün otağa yayan unikal 7 dinamikli akustik konfiqurasiyaya malikdir. Bundan əlavə, dinamikin harada yerləşməsindən asılı olmayaraq, səsin istiqaməti fərdi olaraq təyin edilə bilər. 

Kataloqda Bang & Olufsen audio qadcetlərinin geniş seçimi təqdim olunmuşdur. Hansını seçəcəyinizdən asılı olmayaraq, yaxınlarınıza möcüzə dolu anlar bəxş edəcəksiniz. 

Uşaqlara hədiyyə 

Böyüklərin xoşuna gəlməyə bilər, lakin kompüter texnologiyası uşaq və yeniyetmələrin həyatının ayrılmaz hissəsinə çevrilmişdir. Qadcetlərin köməyi ilə onlar əylənir, öyrənir, faydalı vərdişlər formalaşdırır və hətta həmyaşıdları arasında öz mövqelərini nümayiş etdirirlər: uşağınızın iPhone 15, iPhone 14, iPhone 13, iPhone 12 və ya məsələn, iPhone 11–ə sahib olub-olmaması gənclik subkulturasında vacibdir. Möhkəm korpus, yüksək keyfiyyətli kamera və sosial şəbəkələrə giriş minimumdur. Amma sonda Yeni il üçün uşaqlara nə hədiyyə seçəcəyiniz Yeni il hədiyyələrinə ayrılan büdcənizdən asılı olacaq. 

Qız üçün. Müasir dünyada, uşaq olsan belə, qadcetsiz yaşamaq həqiqətən çətindir, razılaşın ki, onlarla həyat daha rahat və maraqlıdır. Yeni il üçün bir qıza nə hədiyyə edəcəyinizi düşünməkdən yorulmusunuzsa, o zaman kataloqumuza nəzər salın. Orada Apple AirPods və ya Apple AirPods Max simsiz qulaqlıqları da daxil olmaqla bir çox variant tapa bilərsiniz. O, mütləq musiqi, mühazirə və podkastlara qulaq asmağı bəyənəcək! 

Bütün AirPods modelləri dəbli dizayna və rahat forma faktoruna malikdir. Onlar asan qoşulur, uzun müddət işləyir, tez şarj olunur və tam hərəkət azadlığı verir. Ən vacibi isə odur ki, onlar möhtəşəm səslənirlər. İstifadəçi əlavə olaraq ekvalayzer parametrləri vasitəsilə səsi öz istəklərinə uyğunlaşdıra bilər. 

Yeri gəlmişkən, onlar tək iPhone-la deyil Android sistemi ilə çalışan istənilən smartfonla da əla işləyir. 

Oğlan üçün. Oğlan uşaqları üçün Yeni il hədiyyəsi ideyaları da verəcəyik. Apple Watch saatları – sadəcə dəbli və gözəl aksesuar deyil, onlar həm də ağıllı köməkçidir. Onlar, hər zaman əl altındadır, daha dəqiq desək – biləyinizdədir. Hətta yağışlı havada gəzinti zamanı və ya hovuzda üzərkən onlarla ayrılmağa ehtiyac yoxdur. İkinci seriyadan yeni olan bütün Apple Watch modelləri suya davamlıdır. Apple Watch Ultra, Apple Watch Ultra 2, Apple Watch Series 9-la isə akvalanqla suya dalmaq olar, təsəvvür edirsiniz? 

İdmanla məşğul olan və sadəcə sağlamlığının qeydinə qalan oğlanlar üçün ağıllı saat ən yaxşı hədiyyə olacaq. Onlar əsas sağlamlıq göstəriciləri ilə təchiz olunmuşdur: EKQ, nəbzölçən, termometr, həmçinin yuxu və stressə nəzarət funksiyaları ilə. Apple Watch həmçinin avtomobil qəzalarını aşkarlaya və təcili yardım xidmətlərinə zəng edə bilər. Ancaq ümid edirik ki, buna ehtiyacınız olmayacaq. 

Onlarla siz zənglər və SMS vasitəsilə əlaqə saxlaya, musiqi dinləyə, internetdə gəzə və Siri səsli köməkçisi ilə danışa bilərsiniz. Ümumiyyətlə, Apple Watch fərdi məşqçi, məsuliyyətli köməkçi və sadəcə xoş bir yoldaşdır. 

Həmkarlarınız və dostlarınız üçün hədiyyələr 

Dürüst olaq: hər bir həmkarınıza və ya yaxın dostunuza bir iPhone hədiyyə etsəniz, müflis ola bilərsiniz. Təbii ki, biz sizə kredit planı təklif etməyə hazırıq, amma yenə də. Dostlarınızı diqqətsiz qoymaq istəmirsiniz, lakin müflis olmaq da planlarınıza daxil deyilsə nə etmək olar? 

Belə bir hal üçün iSpace kataloqunda çoxlu orijinal, praktik və sərfəli həllər var – Mac, iPad, iPhone, Apple Watch, AirPods, Apple TV üçün aksesuarlar. Məsələn, xarici batareya, simsiz şarj, adapter, kabel, klaviatura, qoruyucu şüşə, plyonkalar və keyslər. 

Daha bir hədiyyə ideyası – iSpace mağazalarından alış–veriş sertifikatıdır. Seçimindən əmin olmayan, lakin qəşəng, faydalı hədiyyə vermək istəyənlər üçün mükəmməl variantdır. Mövcud nominallar – 250 AZN, 500 AZN, 1000 AZN. Sertifikat 12 ay ərzində istifadə edilə bilər.