Bu payız sizi isidəcək 10 film: axşam nə izləməli? 

Bir fincan isti çay və insana xoş ovqat bəxş edən filmlər – payız axşamını xoş keçirmək üçün əla seçimdir. Sizin üçün müxtəlif illərdə çəkilmiş, yüksək reytinq qazanmış və payızı sizə daha da sevdirəcək 10 film seçmişik. Onları Apple TV tətbiqində axtara bilərsiniz. Apple TV və Apple Arcade xidmətlərindən isə yenilənmiş iCloud+ abunəliyi çərçivəsində yararlanmaq mümkündür. İstər evdə, istər yolda, istərsə də işə ara verib qəhvə içərkən sevdiyiniz filmlərdən zövq alın. 

Payız axşamı üçün 10 film 

Göy üzünü buludlar bürüyüb küçələrə duman çökəndə payızın ab-havasına uyğun, insana xoş ovqat bəxş edən filmlər izləməyin əsl vaxtıdır. Sizin üçün romantik hekayələrdən mistik əhvalatlara qədər müxtəlif janrlarda 10 möhtəşəm film seçmişik: 

1. «Harri Salli ilə tanış olanda» (IMDb: 7,7). Kino tarixinin ən yaxşı romantik filmlərindən biri hesab olunur. Harri ilə Salli on il ərzində bir neçə dəfə qarşılaşırlar. Yalnız bundan sonra bir-birləri üçün nə qədər önəmli olduqlarını anlayırlar. Hadisələr Nyu-Yorkda cərəyan edir. Şəhərin məşhur məkanları, Mərkəzi Parkın payız mənzərələri və hadisələrin aramla inkişaf etməsi – xoş bir axşam keçirmək üçün bundan gözəl nə ola bilər? 
2. «Mona Lizanın təbəssümü» (IMDb: 6,6). Bəs 1950-ci illərdə Uelsli Kollecində hökm sürən ab-havanı hiss etməyə necə baxırsınız? Həmin dövrdə cəmiyyət qadının uğurunu əsasən ailə qurması ilə ölçürdü. Lakin kollecə yeni gələn incəsənət tarixi müəlliməsi tələbələrinin həyata fərqli gözlə baxmasını istəyir. O, gənc qızlara öz hüquqları, maraqları və fikirləri olan müstəqil şəxsiyyət kimi yaşamağın vacibliyini başa salmağa çalışır. 
3. «Məni xatırla» (IMDb: 8,4). Meksikada Ölülər Günü qeyd olunur. 12 yaşlı Migel gözlənilmədən ailəsinin bir sirrini öyrənir və bu sirr onu macəralarla dolu səyahətə aparır. Bu hekayə bizə xatırladır ki, insanlar onları xatırladığımız müddətdə yaşamağa davam edirlər. 
4. «Mistress America» (IMDb: 6,7). Treysi və Bruk xaraktercə bir-birindən tamamilə fərqlənən, tezliklə ögey bacı olacaq iki gənc qızdır. Amma onların ortaq bir cəhəti var: hər ikisi daha yaxşı gələcəyə inanır. Qızlar macəra axtarır, kitab yazır, özlərini kəşf etməyə çalışırlar. Bütün bunlar Nyu-Yorkun payız mənzərələri və Manhettenin özünəməxsus ab-havası fonunda baş verir. 
5. «Tapmaca» (IMDb: 8,1). Bu cizgi filmi insanın əsas duyğularından bəhs edir. Rayli valideynləri ilə birlikdə başqa şəhərə köçür və onun daxili aləmi alt-üst olur. Sevinc və Kədər qızın daxili aləmində maraqlı bir səyahətə çıxırlar. Nəticədə həm təsirli, həm gülməli, həm də düşündürücü bir hekayə alınır. Film bizə vacib bir həqiqəti xatırladır: neçə yaşınız olursa olsun, bəzən kədərlənməyin də təbii olduğunu qəbul edin. 
6. «Culi və Culiya» (IMDb: 7,0). Bu filmə baxdıqdan sonra mütləq dadlı bir şey bişirmək istəyəcəksiniz! Culi Pauell məşhur Culiya Çayldın kitabındakı 524 yeməyin hamısını bir il ərzində hazırlamağa qərar verir. Film boyu paralel inkişaf edən iki hekayəni izləyirik. Hər iki hekayədə yemək bişirmək həvəsinin arxasında dayanan kədəri, sevinci və həyat eşqini görürük. O qədər səmimi və ürəkaçan filmdir ki, mütləq baxmağa dəyər. 
7. «Misilsiz cənab Foks» (IMDb: 7,9). Kadrların ustalıqla qurulması, rəngarəng obrazlar və gözoxşayan rəng çalarları – bütün bunlar Ues Andersonun filmlərinə xasdır. Kukla animasiyası texnikası ilə çəkilmiş film hiyləgər bir tülkünün ailəsindən və onların payız meşəsində başına gələn macəralardan bəhs edir. 
8. «Sirkəçi qaydaları» (IMDb: 7,4). Payızda həzin əhvali-ruhiyyəyə qapılır, dram filmlərini sevirsinizsə, bu filmə də mütləq baxın. Homer Yeni İngiltərədəki bir fermada işə düzəlir. Burada sidr hazırlamaq üçün alma yığır, aşiq olur, xəyal qırıqlığına uğrayır, həyata baxışı dəyişir və məsuliyyət daşımağı öyrənir. 
9. «Fantastik məxluqlar və onların məskunlaşdığı yer» (IMDb: 7,2). Soyuq havalar başlayanda sehrli aləm üçün darıxırsınızsa, Harri Potterin sehrli dünyasında cərəyan edən bu filmə baxın. Hadisələrin mərkəzində 1920-ci illərdə Nyu-Yorka gələn və qəribə sehrli hadisələrlə qarşılaşan yazıçı Nyut Salamander dayanır. 
10. «Bədheybətlər tətildə» (IMDb: 7,1). Payızı qorxulu məxluqlarsız və bir az mistikasız təsəvvür etmək çətindir. Drakulanın qızı yetkinlik yaşına çatmasını qeyd edir və bu münasibətlə bütün bədheybətlər otelə toplaşırlar. Belə bir məclisdə bədheybətlərin toplaşması heç də təəccüblü deyil. Bəs otelə qəfildən bir insan gəlib çıxsa, nə baş verər? 

Payızda izləyə biləcəyiniz filmlər bununla bitmir. Apple TV tətbiqində sizi həm kövrəldəcək, həm güldürəcək, həm də soyuq payız günlərinə xüsusi rəng qatacaq başqa filmlər də tapa bilərsiniz. Seriallara üstünlük verirsinizsə, «Ted Lasso»nu izləyin. Hazırcavab zarafatları və özünəməxsus personajları ilə seçilən bu səmimi serial payız axşamlarınıza mütləq hərarət qatacaq. Yeri gəlmişkən, dördüncü mövsümün son bölümü artıq Apple TV-də yayımlanıb. 

Film izləmək və əylənmək üçün hansı Apple cihazını seçməli? 

Apple TV striminq xidmətindən müxtəlif cihazlarda istifadə etmək mümkündür. Filmləri iPhone, Mac, PlayStation, eləcə də Apple TV tətbiqini dəstəkləyən digər istehsalçıların ağıllı televizorlarında, məsələn, Samsung televizorlarında izləyə bilərsiniz. 

Film izləməyə cəmi yarım saat vaxtınız olduqda, məsələn, evə qayıdarkən və ya kafedə dostunuzu gözləyərkən iPhone xüsusilə əlverişlidir. Hazırda satışda olan bütün iPhone modelləri HDR formatlı videoları dəstəkləyir. Bunun sayəsində görüntülər olduqca canlı və təbii görünür. Bu smartfonların batareyası da uzun müddət işləyir. Yeni iPhone 18 Pro Max isə bu göstəriciyə görə rekord qırır: bir dəfə enerji doldurmaqla 45 saata qədər video izləməyə imkan verir. 

iPad bel çantasına və ya əl çantasına asanlıqla yerləşir. Üstəlik, ekranı iPhone ekranından daha böyükdür. Axşam yeməyi hazırlayarkən və ya səfər zamanı film izləmək üçün planşetdən istifadə etmək çox rahatdır. iPad Air 11 və ya 13 düymlük Liquid Retina ekranla təchiz olunub. Əksolunmanı azaldan örtük ekrandakı işıq əkslərini minimuma endirir, batareyanın enerjisi isə 10 saata qədər video izləməyə kifayət edir. 

Həm işləmək, həm də istirahət etmək üçün bir cihaz axtarırsınızsa, MacBook əla seçimdir. İşlərinizi bitirdikdən sonra evdə, oteldə və ya səfərdə sevdiyiniz filmi izləyə bilərsiniz. Bəzi modellərdə batareyanı bir dəfə doldurmaqla 24 saata qədər video izləmək mümkündür. MacBook Air-in Liquid Retina ekranı geniş P3 rəng gamutunu dəstəkləyir, True Tone texnologiyası isə ekranın rəng temperaturunu ətrafdakı işıqlandırmaya uyğunlaşdırır. Beləliklə, görüntülər daha təbii görünür və gözlər daha az yorulur. 

Daha dolğun və əhatəli səsdən zövq almaq üçün məkan səsi texnologiyasını dəstəkləyən AirPods qulaqlıqlarını qoşun. Bu funksiyaya malik modellər başınızın hərəkətlərini izləyərək səsin istiqamətini uyğunlaşdırır. Beləcə, özünüzü sanki filmdəki hadisələrin içində hiss edirsiniz. 

Apple TV və Apple Arcade iCloud+ abunəliyində 

2026-cı ilin sentyabrından etibarən yenilənmiş iCloud+ abunəliyi bulud yaddaşı ilə yanaşı, Apple TV və Apple Arcade xidmətlərini də əhatə edir. Bir abunəliklə Apple Original filmlərinə və seriallarına, eləcə də yüzlərlə reklamsız oyuna çıxış əldə edirsiniz. Ailə Paylaşımı funksiyasının şərtləri dəyişməyib: abunəliyinizi daha beş nəfərlə paylaşa bilərsiniz. 

Apple TV-də dram, fantastika, komediya, triller və animasiya kimi müxtəlif janrlarda maraqlı ekran əsərləri təqdim olunur. Yeri gəlmişkən, axşam izləmək üçün seçdiyimiz filmləri də Apple TV tətbiqində axtara bilərsiniz. Filmə baxarkən cihazı dəyişmək də mümkündür: yolda iPhone-da izləməyə başlayın, evə çatanda isə daha böyük ekranda qaldığınız yerdən davam edin. 

Film izləmək üçün iPhone və ya noutbuku haradan almaq olar? 

iSpace-də istehsalçının rəsmi zəmanəti ilə satılan orijinal Apple cihazlarını – iPhone, iPad, Mac və AirPods modellərini əldə edə bilərsiniz. Bakıda yerləşən mağazalarımıza baş çəkin və ya Azərbaycanın istənilən bölgəsinə çatdırılma ilə onlayn sifariş verin. 

Seçim etməkdə çətinlik çəkirsinizsə, mütəxəssislərimizdən məsləhət alın. Onlar ehtiyaclarınıza və istifadə vərdişlərinizə uyğun cihaz seçməyinizə kömək edəcəklər. Trade In proqramı çərçivəsində köhnə cihazınızı təhvil verərək onun dəyəri qədər yeni cihazın qiymətində endirim əldə edə bilərsiniz. Hissə-hissə ödəniş və kredit imkanları sayəsində isə alış məbləğini bir neçə hissədə ödəyə bilərsiniz. iSpace-in yeniliklərindən və tədbirlərindən xəbərdar olmaq üçün Community icmamıza qoşulun və Instagram səhifəmizi izləyin. 

FAQ 

1. Payız axşamı nə izləməli? 
   Romantik əhval-ruhiyyə üçün «Harri Salli ilə tanış olanda», ev rahatlığını hiss etmək üçün «Culi və Culiya», bir az kövrəlmək üçün isə «Sirkəçi qaydaları» filmlərini seçin. Uşaqlarla birlikdə film izləməyi planlaşdırırsınızsa, «Məni xatırla», «Tapmaca» və ya «Misilsiz cənab Foks» filmlərinə baxın. 
2. Apple filmlərini və seriallarını harada izləmək olar? 
   Filmləri və serialları uyğun cihazlarda Apple TV tətbiqi və ya tv.apple.com saytı vasitəsilə izləyə bilərsiniz. Azərbaycanda Apple TV xidmətindən istifadə imkanı yenilənmiş iCloud+ abunəliyinə daxildir. 
3. Film izləmək üçün hansı Apple cihazı daha rahatdır? 
   Xüsusilə yolda film və video izləməyi sevirsinizsə, iPhone əlverişli seçimdir. iPad də yığcamdır, lakin daha böyük ekranı sayəsində film izləmək üçün daha rahatdır. Mac-in böyük ekranı isə filmə daha yaxşı köklənməyinizə imkan verir. 
4. Film izləmək üçün hansı AirPods modelini seçmək olar? 
   Daha dolğun və əhatəli səs üçün məkan səsi texnologiyasını dəstəkləyən model seçin. Məsələn, AirPods 5 bu funksiyanı dəstəkləyir və aktiv səs-küyün azaldılması (ANC) texnologiyası sayəsində ANC funksiyalı AirPods 4 ilə müqayisədə ətrafdakı səs-küyü 50%-ə qədər daha çox azaldır. 
5. Apple TV+ nə üçündür? 
   Apple TV+ Apple TV striminq xidmətinin əvvəlki adıdır. Burada orijinal filmlər, seriallar, sənədli layihələr və bütün ailə ilə izləyə biləcəyiniz ekran əsərləri təqdim olunur. Kataloqda geniş seçim var. 

BUNLARI DA OXUYUN: 

iCloud-dan necə istifadə etmək olar: quraşdırma, ehtiyat nüsxələr və əlavə yaddaş almaq

iCloud-da fotolar: şəkilləri iCloud-a necə köçürmək və iPhone yaddaşında yer boşaltmaq olar?