Suya düşmüş iPhone-u necə xilas etmək olar? 

Telefonunun yerə və ya suya düşməsi hər bir istifadəçinin qorxulu yuxusudur. Amma bu hər zaman cihazla düzgün rəftar olunmaması ilə bağlı olmur. Bəzən həyatın dinamik tempi və daimi olaraq  harasa tələsmək də buna səbəb yarada bilər. Səhər yeməyi zamanı telefonunuzu yanınıza qoymaq, iş haqqında mesajı qaçırmamaq üçün onu istirahət zamanı özünüzlə aparmaq və ya onu çantanızın üst cibinə yerləşdirmək.  Bu hallar sizə tanış səslənir? 

Biz sizə həyatınızı necə yavaşladmağı öyrədə bilmərik. Ancaq gəlin xilasetmə işinə qoyulaq və iPhone suya düşərsə nə edə bilcəyiniz haqqında danışaq. Gəlin həm də bəzi üsulların niyə faydasız olması, hansı smartfonların sudan qorxmaması və digər faydalı məlumatlardan  bəhs edək. 

Telefon suya düşdü: ilk yardım lazımdırsa nə etməli? 

Bu mərhələdə cihazı bərpa etmək üçün operativlik olduqca vacibdir.   

1. iPhone-u dərhal sudan çıxarın. 
2. Cihazı yumşaq, quru parça və ya nəmi yaxşı özünə hopduran salfet ilə silin.
3. Cihazı qoruyan keys və örtüyü çıxarın 
4. Smartfonunuzu silkələyin. Bunu diqqətlə və konnektoru aşağı tutaraq edin. 
5. Cihazı ən azı 6 saat söndürün. Günəş işığından uzaq, sərin və quru yerdə qurumağa qoyun. 

Vacibdir! Telefonun üzərinə kimyəvi maye düşübsə, onu əlavə olaraq su ilə yaxalayın. 

Maraqlıdır ki, Apple mütəxəssisləri 2006-cı ildən sonra istehsal olunan modelləri xüsusi LCI indikatorui ilə təchiz ediblər. O, maye ilə təmas barədə xəbərdarlıq edir. Təhlükəsiz (quru) vəziyyətdə onun rəngi gümüşü və ya ağ, suya məruz qaldıqda isə qırmızı olur. 

iPhone suya düşüb? Nə olsun, qurusun düzələcək. 

Bəli, amma bu sadəcə ilk təcili tədbirdir. Cihaz düzgün işləyirsə belə, mütəxəssislərin yoxlaması yaxşı olacaq. Hər zaman yaxşı düşünməliyik. Amma bu kiçik korpusda nə qədər su olduğunu və hansı nəticələrin gözlənildiyini əlbəttə ki, bilə bilmərik. Buna görə də onu söndürmək və qurutmaq bunun tam həlli deyil. 

Unutmayın ki, smartfon da elektrik cihazıdır. O, sönülü halda olduqda belə, batareyası  qoşulu halda olur. Su yalnız elektrik cərəyanını mükəmməl keçirmir, həm də metalı oksidləşdirir. 

Hətta çox kiçik miqdarda maye belə cihazın elektron komponentləri üçün ciddi və bəzən geri dönməz nəticələrə səbəb ola bilər. Burada benzin, spirt və digər zərərli kimyəvi maddələrdən danışmağa belə dəyməz. 

Cihaz tez bir zamanda qurudulmayıbsa, sizi bəzi sürprizlər gözləyə bilər:   

• Su ilə təmasdan sonra iPhone ekranında yaranan zolaq və ləkələr; 
• Yanlış görüntü ötürülməsi; 
• Toxunuş zamanı reaksiyanın olmaması;
• Dinamiklərin, səsin zəif və ya fasiləli işləməsi; 
• Enerjinin tez bir zamansa bitməsi, gec doldurulması və ya ümumiyyətlə doldurulmanın görünməməsi;
• Zəif kamera performansı. 

Telefonun dinamik və ya enerji konnektoruna su daxil olub. Gəlin vəziyyəti xilas edək. 

iPhone-un enerji konnektoruna daxil olan su adapter və cihazın kabeldən ayrıldığının birbaşa göstəricisidir.  

Məsələn, iPhone XS, iPhone XS Max, iPhone XR və daha yeni modellər kabeldə, birləşdiricidə və ya qoşulmuş aksesuarın içərisində mayenin olması  haqqında xəbərdarlıq edir. Bu halda, telefon bütün elementləri tamamilə quruyana qədər enerji cihazının işləməsinə icazə verməyəcək. 

İşılandırmanı qurutmaq üçün cihazı konnektoru aşağı olacaq şəkildə saxlayın və su dancılarının düşməsi üçün onu silkələyin. Sonra cihazı quruması üçün yarım saatdan bir günə qədər havalandırılan bir otaqda saxlayın. 

Dinamikdə su varsa, telefonu silkələmək və təxminən 6 saat sönülü şəkildə saxlamaq lazımdır. App Store-da səsi titrəyişi sayəsində suyu dinamikdən çıxaran xüsusi tətbiqlər var. Səs yoxa çıxdıqda və quruduqdan sonra belə olmadığı halda cihazı ustaya aparmaq lazımdır. 

Təmir nə vaxt qaçılmazdır? Spoiler: demək olar ki, həmişə 

Telefonunuz suya düşüb, yanmırsa və bu halda nə edəcəyinizi bilmirsinizsə, dərhal zəng edin və ya Apple-ın xüsusi xidmət mərkəzinə yaxınlaşın. Bu halda gecikmək olmaz. Nə qədər operativ davransanız,  cihazınızı qurtarmaq üçün şansınız bir o qədər artacaq.   

Əgər bu hallar baş veribsə, kömək üçün dərhal mütəxəssislərlə əlaqə saxlamalısınız: 

• Telefona dəniz suyu daxil olub; 
• Kimyəvi maye bulaşıb; 
• Smartfon yarım dəqiqədən çox suda qalıb; 
• Korpusda zədələnmə var. 

“Su problemləri” üçün zəmanət  

Təəssüf ki, nə kimyəvi maye, nə də suyun daxil olması halları iPhone-nun zəmanətinə daxil edilmir. Ancaq bu, heç bir köməyin olmaması demək deyil. Xidmət mərkəzimizin mütəxəssisləri hər zaman cihaznızı xilas etməyə hazırdılar.  

Xidmət mərkəzində nə etmək olar? 

iSpace mühəndisləri zərərçəkmiş cihazı sözün əsl mənasında yenidən həyata qaytarır. Zəruri hallarda onu söküb, qalan nəmi çıxarıb və qısaqapanmanın qarşısını almaq üçün diaqnostika aparılır. İş ciddidirsə, komponentin dəyişdirilməsi tələb oluna bilər. 

Lakin bu bir qayda deyil. Mütəxəssislər problemin həddinə əsaslanaraq hərəkət edirlər. Bəzən diaqnostika hətta korpusu açmadan belə aparıla, bəzən isə yalnız xidmət mərkəzlərində mövcud olan xüsusi alətlər tələb oluna bilər. Bunlar cihazın diaqnostikası/sökülməsi üçün alətlər, kompressorlu  qurutma cihazı, korroziyaya qarşı qoruyucu vasitələr və xüsusi məcunlardır. 

iPhone-un ekranınındakı suyu aradan qaldırmaq üçün ənənəvi üsullar işə yarayırmı? 

Düzünü düsək, bu  üsulların işə yaraması sadəcə şans nəticəsində baş verə bilər. Onlar hər  zaman istifadə olunub və olunacaq. Lakin  cihazı riskə atmamaq cəhətdən xidmət mərkəzinə müraciət etmək məsləhətlidir. 

Əgər siz köməkdən uzaq bir yerdəsinizsə, onu özünüzün qurutmağından başqa şansınız qalmır. Bu halda xüsusi bir qurutma cihazına sahib olmaq ideal olardı.   

Bəziləri içərisinə su daxil olmuş cihazı xilas etmək üçün bəzən düyü və ya qarabaşaq yarmasından istifadə olunmasını məsləhət görürlər. Yeganə arqumenti isə onların nəmi hopdurmasıdır. Bəli, onlar nəmi hopdurur. Lakin burada kiçik hissəciklər enerji bağlayıcısını tıxaya bilər. Buna görə də Apple bu qurutma üsulunun istifadəsini qadağan edir. 

Yalnız qurutma cihazından istifadə qadağan olunmayıb. Lakin burada çox vacib bir nüans var. Qurutma cihazının isti rejimi və smartfona yaxın təması təhlükəlidir. Çünki smartfonun komponentləri istiliyə həddindən artıq həssasdır. Buna görə də,  qurutma cihazını yalnız soyuq rejimdə və uzaq tutaraq istifadə etmək lazımdır. 

Smartfonunuzu qurutmaq üçün qadağan olunmuş 5 metod 

 iPhone-a su daxil olarsa, nə edəcəyinizi təsvir etdik. İndi isə gəlin əsas qadağalara keçək. 

1. Telefon suya düşüb və yanmırsa, heç vaxt korpusu özünüz sökməyin.

2. Yaş smartfonun enerji cihazına qoşulması yolverilməzdir. Qısa qapanma təhlükəsi yalnız cihaz üçün deyil, həm də sizin üçün təhlükəlidir.

3. Yuyucu vasitələr, nəm salfetlər, pambıq çubuqlar və bərk əşyaların istifadəsi də cihaza zərər yetirə bilər.  

4. Nə batareya, nə günəş şüaları, nə də digər istilik mənbələri qurutma üçün uyğun deyil.

5. Qarabaşaq, düyü və digər taxıllar telefonun birləşdiricilərini tıxayır. Duz və şəkər isə əriyir və cihazın vacib hissələrini zədələyir.

Profilaktik tədbirlər: iPhone-u sudan necə qorumaq olar? 

Ən azından istehsalçının istismar təlimatlarına məsuliyyətlə əməl edin. Məsələn,  suyun daxil olmaması üçün iPhone-u hamam, sauna və duş da daxil olmaqla, yüksək rütubətli yerlərə özünüzlə aparmayın. 

Gündəlik həyatda sürüşməyən materiala sahib keys telefonun əlinizdən düşməsinin qarşısını alacaq. Tətildə isə xüsusi suyadavamlı keysdən istifadə edə bilərsiniz. 

Və əlbəttə ki,  yemək zamanı telefonu yaxına qoymamaq məsləhətdir. Bu, gigiyena, etiket və  təhlükəsizlik baxımından düzgün olacaq. 

Sudan qorxmayan modellər 

Ən son Apple modelləri xüsusi suyadavamlılıq dərəcəsinə malikdir. Bunların hamısı IP  (International Protection) standartına görədir . Məsələn, IP67 işarəsində 6 rəqəmi tozdan, 7 isə nəmdən qorunmaq deməkdir. 

Standartın son rəqəmi olan 7 və ya 8 smartfonun təmiz suda qala biləcəyini göstərir.  

iPhoneXR, iPhoneX, iPhoneSE (2-ci nəsil), iPhone8,8Plus, iPhone7, 7Plus IP67 xüsusiyyətini özündə daşıyır. Bu, təcrübədə cihazların yarım saat ərzində 1 metr suya batırılmasına davamlı olması deməkdir. 

iPhone11, iPhone11Pro, iPhone11ProMax, iPhoneXS,  iPhoneXSMax və daha yeni modellər IP68 xüsusiyyətinə malikdir. Bu xüsusiyyət telefonun 30 dəqiqə, modeldən asılı olaraq 2-6 metr suya batırıla biləcəyini göstərir. 

“Davamlıdır” və “olar” ifadələri heç vaxt problemin tam həlli deyil. Buna görə də, həmişə əsas şeyi xatırlayın:  

• Telefonun işləmə müddəti korpusun möhürlənməsinə təsir edir. Xüsusilə də əgər cihaz ən azı bir dəfə yerə düşüb və ya sökülübsə. 
• Nəmlik müqaviməti üçün parametrlər yalnız şirin suda sınaqdan keçirilir. Dəniz suyu, içkilər və digər mayelər oksidləşmə və hissələrin məhv olma təhlükəsi baxımından təhlükəlidir. 
• Cihazların korpusları yalnız kiçik su damcılarından və qısa müddətli nəmlikdən etibarlı şəkildə qorunur. Məsələn, iPhone XR və daha yeni modellər üzərinə çay tökülsə belə işlək vəziyyətdə olacaq.Lakin telefon uzun müddət gölməçədə qalmaq üçün dözümlü deyil.  

Buna görə kiçik korpusda birləşən bu cihazın gətirdiyi faydaları və köməyi nəzərə alın. İstənilən, hətta İP indeksi baxımından ən davamlı cihazı belə ehtiyatla istifadə edin. Əgər hər hansı problem baş verərsə, iSpace-ə müraciət edin!   

Səlahiyyətli iSpace xidmət mərkəzi  

Biz Apple cihazları ilə yanaşı, professional təmir xidmətimizi də sizə təqdim edirik. Yalnız brend məhsullar üzrə ixtisaslaşmış peşəkar mühəndislərimiz sevimli cihazlarınızı Apple standartlarına uyğun olaraq yenidən canlandıracaq, onun təmiri üçün əllərindən gələni edəcəklər. Burada rəsmi istehsalçıdan peşəkar avadanlıq, alətlər və orijinal detalların mövcudluğu da böyük rol oynayır. Biz öz işimizə güvənirik, ona görə də gördüyümüz işlərə tam zəmanət veririk. 

HƏMÇİNİN OXUYUN

Apple cihazlarının yenidən yüklənməsi: necə, nə vaxt və, ən əsası – niyə?

iPad-i orijinal olmayan kabellə şarj etmək təhlükəsizdirmi?