Qırılmış Apple Watch: təmir etmək və ya yenisini almaq? 

Apple Watch-un sınmağı ağır gəlir. Hələ onları təzəcə almısınızsa. Ancaq ehtiyatsızlığınıza görə özünüzü qınamaq artıq mənasızdır. Gəlin nəticələrlə məşğul olaq. 

Apple Watch sınıb. Necə olacaq? 

Apple Watch ən populyar ağıllı saatlardan biridir. Onların köməyi ilə sağlamlığınıza və məşqlər zamanı fiziki aktivliyinizə nəzarət edə bilərsiniz. Həmçinin, vacib bildirişi qaçırmaz, zəngə və ya ismarışa cavab verərsiniz – bu, smartfonunuz əlinizin altında olmayanda çox rahatdır. 

Eyni zamanda, ağıllı saatlar, hər hansı bir saat kimi, olduqca həssas bir aksesuardır. Demək olar ki, hər zaman keyslər və qoruyucu şüşələrlə təchiz edilən iPhone-dan fərqli olaraq, saatlar daha çox ilkin formada istifadə olunur. Bir çox istifadəçi sadəcə olaraq Apple Watch-u böyük bamperlərdə gizlətmək və ya filmlərlə örtmək istəmir. 

Dizaynerlər və mühəndislər korpusun və ekranın hazırlanmasına neçə illər sərf etmişdirlər. Onlar üçün ən davamlı materiallar seçir və müxtəlif şəraitlərdə sınaqdan keçirirdilər. Ancaq saatınızdan nə qədər ehtiyyatla istifadə etsəniz də, Apple Watch-un ekranını sındırmaq o qədər də çətin deyil. Həmişə onları divara və ya qapı kəndarına çırpmaq şansı var, xüsusən də hərəkətlərinizə diqqət yetirmədikdə. 

Bəs nə etmək olar?

Şübhəsiz ki, qırılan Apple Watch dilxorluq üçün bir səbəbdir. Ancaq əvvəlcə fəlakətin miqyasını dəyərləndirin. Xəsarət yalnız çərçivəyə dəyibsə və məsələ sadəcə çatdırsa, o zaman Apple Watch ekranına qara çərçivəli qoruyucu şüşə yapışdırmaq olar. O, çatı ört-basdır etməyə və ekranı gələcəkdə daha ciddi zədələrdən qorumağa kömək edəcək. Lakin, unutmayın ki, nəm və su damcılarına qarşı davamliliq zədələnmiş ola bilər: qolunuzda saatla əllərinizi yumaq və ya hovuza getmək artıq məsləhət deyil. 

Ekranın düz mərkəzində kiçik qopuqlar, cızıqlar və aşınmalar görünsə, əlinizi üzməyə tələsməyin. Cənubi Koreyanın WhiteStone brendinin inqilabi şüşələrinin köməyi ilə bu nüansları gizlədə bilərsiniz. Onlar digər məhsullara oxşamir. Dəstə ekranın səthinə bərabər paylanan və hətta dərin cızıqlara da nüfuz edən şəffaf optik maye yapışqan daxildir. Ultrabənövşəyi lampanın təsiri altında polimer bişirilir və qoruyucu şüşəni üstündə sabitləyir. 

WhiteStone Dome Glass bütün nüansları gizlədəcək, cihazı etibarlı şəkildə qoruyacaq və eyni zamanda toxunmağa yüksək həssaslığını saxlayacaq. Apple Watch üçün qoruyucu şüşəni siz iSpace mağazalarında ala bilərsiniz. Yapışdırma xidməti daxil olmaqla aksesuarın qiyməti 34 AZN təşkil edir. Şüşəni özünüz yapışdırmaq istəsəniz belə alınmaz: bunun üçün ultrabənövşəyi lampa lazımdır, o da dəstə daxil deyil. 

Saatın ekranı parça-parça olubsa və siz ləkələr və ya zolaqlar görürsünüzsə, belə cihazdan istifadə etməyə davam etmək hətta təhlükəli ola bilər. Bizim servis mərkəzimizə mürəciyət edin ki, mütəxəssislərimiz sizin Apple Watch-un vəziyyətini qiymətləndirsin. 

Apple Watch-un şüşəəsini dəyişdirmək mümkündürmü?

Apple Watch, fərdi komponentləri dəyişdirilə bilməyən bütöv bir konstruksiyadır. Bu səbəbdən Apple öz ağıllı saatları üçün orijinal hissələr istehsal etmir. Yeri gəlmişkən, bazarda heç bir nüsxəsi də yoxdur.  

Apple Watch-unuzu sındırmısınızsa, bir neçə seçiminiz var. 

Birinci. Heyifsilənmək. Sizə sədaqətlə xidmət edən cihazı xoş sözlə anmaq. Sonra isə istənilən iSpace mağazasından yeni Apple Watch almaq. 

İkinci. Servis mərkəzinə müraciət etmək və sınmış saat əvəzinə, yeni saat sifariş etmək. Seriyadan asılı olaraq, bu, hətta yenisini almaqdan bir az daha sərfəli ola bilər. Bununla belə, qeyd etmək lazımdır ki, bu halda dəyişdirmə yalniz sizdə olan modellə mümkündür. Bundan əlavə, bütün prosedur xeyli vaxt apara bilər. 

Təəssüf ki, Apple Watch-da şüşəni ayrıca əvəz etmək mümkün deyil. 

Məsləhətçilərimiz sizə yeni ağıllı saat modelini seçməkdə kömək etməkdən məmnun olacaqlar. Amma bu dəfə sığortalanmaği və ekranin üzərinə qoruyucu şüşə və ya plyonka yapışdırmaqla onu qorumağı tövsiyə edirik. Bu sadə hərəkət pulunuzu, vaxtınızı və əsəblərinizi qoruyacaq. 

Özünüzü, Apple Watch–unuzu və sevimli brendinizdən olan digər cihazları qoruyun.