2023-cü ilin payızında çıxan yeni iPhone 15 USB-C çıxışı olan ilk Apple smartfonu oldu. Ekspertlər və sadə pərəstişkarlar arasında həmin an müzakirələr başladı: cihazı şarj etmək üçün öz USB-C kabelindən yox, Android cihazlarınınkılardan istifadə etsək nə olar?
Mübahisələrin məğzi nədir?
Hər şey nədən başladı? Son zamanlara qədər iPhone-un dəstində Lightning-USB kabeli daxil idi. Apple, iPhone 14 xəttinə aid və ondan daha öncəki modelləri məhz onunla şarj etməyi tövsiyə edir. Ucuz çin analoqlarından fərqli olaraq, orijinalda cihazı elektrik gərginliyinin qəfil artmasından qoruyan mikrosxemlər var.
MFİ işarəli sertifikatlaşdırılmış aksesuarlar, həmçinin, istifadə üçün təhlükəsizdirlər. MFi – Made For iPod, iPhone and iPad – 2005-ci ildə Apple tərəfindən başladılan sertifikatlaşdırma proqramıdır. Onun iştirakçıları şirkətin lisenziyasına sahibdirlər və onun yüksək standartlarına uyan məhsullar istehsal edirlər. Belə kabellər zəmanətli şəkildə Apple cihazları ilə düzgün işləyəcək.
İndi isə əsas məsələ. Ən yeni iPhone 15 xəttində Apple mühəndisləri Lightning-USB çıxışı daha geniş yayılmış USB-C ilə əvəz etdilər. Yeni kabellərdə isə Lightning-USB-də istifadə olunan mikrosxemlər yoxdur. Burada da istifadəçilər seçim qarşısında qalırlar: iPhone 15-i şarj etmək və məlumat ötürmək üçün evdə olan Android cihazlarına aid USB-C kabellərindən istifadə etmək olarmı? Hər şey ola bilər: öz kabeli itə bilər və ya səliqəsiz istifadə nəticəsində sıradan çıxar.
Apple özü nə deyir?
İstifadəçilərin şübhələrini anlamaq olar. Bir tərəfdən, satıcılar iddia edirlər ki, iPhone 15-dəki Type-C-də Android smartfonlarına nisbətən kontaktlar arasında daha kiçik boşluq var – və bu, cihazın həddindən artıq isinməsinə səbəb ola bilər. Digər tərəfdən, hətta DualSense gamepad-ın kabeli ilə iPhone və iPad-i təhlükəsiz şəkildə şarj edən istifadəçilərin şəxsi təcrübəsi. Kimə inanasan?
Gəlin konspirasiya nəzəriyyələri yaratmayaq və apple.com saytındakı sənədə müraciət edək. Əlbəttə ki, rəsmi Apple dəstəyi şirkətə aid kabellərdən istifadə etməyi tövsiyə edir, lakin sənəddə iPhone 15 üçün üçüncü tərəf şarj cihazlarının qadağan edilməsi ilə bağlı bir söz yoxdur.
Texnoloji tendensiyaların ekspert təhlili ilə məşğul olan nüfuzlu Arstechnica internet nəşri bu məlumatı təsdiqləyir. Apple qeyri-orijinal kabellər üçün USB-C interfeysinin imkanlarını həqiqətən məhdudlaşdırmayıb. Yeni iPhone 15 istənilən Type-C kabellərinə tam uyğundur.
Yeri gəlmişkən, bütün iPhone 15 modellərini tez şarj etmək üçün adapter ən azı 18 Vt gücə malik olmalı və Power Delivery (PD) protokolunu dəstəkləməlidir. Hal-hazırda yalnız iPhone 15 Pro və iPhone 15 Pro Max tərəfindən dəstəklənən 10 Gbps-ə qədər sürətlə məlumat ötürmək üçün kabel USB 3 və ya daha yüksək standarta uyğun olmalıdır.
Phone 15 üçün ən yaxşı USB-C kabellərin siyahısı
Belə çıxır, əsas odur ki, bir sadə qaydaya riayət edəsiniz: keyfiyyətsiz kabellər almayasınız. Onların yeganə üstünlüyü – ucuz qiyməti – sizin üçün böyük problemlərə çevrilə bilər: smartfonunuz düzgün işləməyə bilər, akkumulyatoru sıradan çıxara bilər, yana və hətta sağlamlığınıza düzəlməz ziyan vura bilər.
Problem ondadır ki, vizual olaraq kabelin etibarlılığını müəyyən etmək demək olar ki, mümkün olmur. Buna görə, orijinal Apple kabellərini və ya üçüncü tərəf, lakin etibarlı istehsalçıların kabellərini almağı məsləhət görürük.
iSpace kataloqunda siz iPhone 15-i şarj etmək üçün istifadə edə biləcəyiniz yalnız etibarlı brendlər və yüksək keyfiyyətli aksessuarlar tapa bilərsiniz. Apple özü onlardan istifadə etməyi tövsiyə edir: Anker, Satechi, Ugreen, Native Union, Ubear, VLP.
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
