Bang & Olufsen Beoplay Portal: ideal oyun qarnituru 

Geymerlər bayram edir: Danimarkanın Bang & Olufsen brendi yüksək səviyyəli simsiz oyun qulaqlıqlarını buraxdı. Beoplay Portal Bluetooth bağlantısını və Xbox konsolunuzla qüsursuz əlaqəni dəstəkləyir. Bunlar heç də insanların oyun dedikdə ağlına gələn cılız, bucaqlı, parlaq rəngli qulaqlıqlar deyil.  

Rahatlığınızı düşünərək 

Qulaqlığa göz ucu nəzər saldıqda belə aydın olur: bu, premium məhsuldur. Alüminium konstruksiya bambuk lifindən olan rahat hava keçirən və xoş toxunuşlu parça ilə örtülmüşdür. Qulaq yerləri yaddaş effektli köpük və yumşaq qoyun dərisindən hazırlanmışdır.  

Qulaq hissəsində yerlərləşən və üzərində brend loqosu olan alüminium disklər xüsusi yaraşıq verir. Onlar o qədər yaxşı cilalanmışdır ki, onlarda öz əksinizi görməyə cəhd edə bilərsiniz. Bundan əlavə, disklər ətrafdakı işığı oynaq şəkildə əks etdirir, sanki ətrafdakı ab havaya uyğunlaşırlar. 

Bütün bu materiallar sadəcə gözəl deyil, həm də davamlıdır. Özü də rahat və yüngüldürlər: qarniturun çəkisi sadəcə 282 qram təşkil edir! Siz Beoplay Portal qulaqlıqlarını hələ uzun müddət və böyük zövqlə istifadə edəcəksiniz. 

Xbox ilə birgə işlənib hazırlanmışdır 

Yenilik məhdud saylı unikal aksesuarlar seriyasının bir parçasıdır. Qulaqlıqlar Xbox Series X və Xbox Series S-ə dərhal qoşulur, həmçinin kompüterinizə və smartfonunuza da. Xbox Wireless protokolu vasitəsilə əlaqə sayəsində səs keyfiyyəti çox yüksəkdir və gecikmə minimaldır – bu oyunçular üçün önəmli bir detaldır. 

Beoplay Portal-ın iki rejimi var. Normal rejimdə qulaqlıqları Bluetooth və standart 3,5 mm çıxış vasitəsilə qoşursunuz. Oyun rejimində isə – Xbox simsiz bağlantı və ya USB-C vasitəsilə, bu halda Bang & Olufsen tətbiqi konkret oyun üçün ekvalayzer parametrlərini seçməyi təklif edir. 

3,5 mm audio kabel USB-C ilə birlikdə dəstə daxildir. Onun köməyi ilə siz Beoplay Portal-ınızı 3 saat ərzində şarj edə bilərsiniz. Yeri gəlmişkən, 1200 mAh batareya 24 saatlıq batareya ömrü üçün nəzərdə tutulmuşdur – özü də, aktiv gurultu əngəlləmə ilə. Xbox Wireless vasitəsilə qoşulduqda vaxt 12 saata qədər azalır. 

Həcmli səs: hadisələrin mərkəzində olun 

Bang & Olufsen qulaqlıqlarının tək görünüşü deyil, səslənməsi də premiumdur. Akustik olaraq, onlar bu yaxınlarda bir icmalda təqdim etdiyimiz brendin digər yeniliyi olan Beoplay HX ilə eynidir. Beoplay Portal 40 mm-lik drayverlər, 5.1 Bluetooth çipi və aktiv gurultu əngəlləməni dəstəkləyən prosessor ilə təchiz olunmuşdur. 

Qulaqlıqları taxmaqla siz aydın səslənmədən həzz ala və ətrafdakı səslərdən uzaqlaşaraq, oyuna və ya filmə tam fokuslana bilərsiniz. Qulaqlıqdakı səs o qədər zəngin, təfərrüatlı və həcmlidir ki, sanki indi orada, bütün hadisələrin tam mərkəzindəsiniz! Bu effekt Dolby Atmos texnologiyasının dəstəyi sayəsində əldə edilmişdir: səs o qədər realdır ki, sanki tüstülənən silah-sursat anbarı yanınızda partladı və düşmənlərin səsləri arxanızdan gəlir. 

Yeri gəlmişkən, digər oyunçularla da əngəlsiz danışa bilərsiniz. Beoplay Portal müasir daxili mikrofonlardan istifadə edir – daha qəribə çıxıntılı qollar və ya bum mikrofonları yoxdur. Onlar fon səslərini əngəlləyərək sizin səsinizi gücləndirməyə yönləndirilmişdir. Oyunçu dostlarınız sizi qüsursuz və aydın eşidəcək. 

Beləliklə, nəticə özünü göstərir: bu, rahat bir həyat üçün yaradılan həmin o qulaqlıqlardır. Bang & Olufsen Beoplay Portal oyun oynamaq, telefon danışıqları aparmaq, musiqi dinləmək və filmlər izləmək üçün mükəmməl aksesuardır. Onlar rahat oturur, şık görünür, parlaq səslənir və kənar səsləri mükəmməl şəkildə əngəlləyir. 

Bang & Olufsen Beoplay Portal simsiz qulaqlıqlarını üç klassik rəngdə ala bilərsiniz: qara, açıq boz və tünd göy. Mağazalarımıza gəlin və ya qapınıza qədər çatdırılma ilə onlayn sifariş verin.