Apple M3 Çipləri Ailəsi: M3, M3 Pro və M3 Max arasındakı fərq nədədir? 

Oktyabrda Apple M3 prosessorlarının yeni seriyasını təqdim edərək daha bir inqilab etdi. O, 3 nanometrlik arxitekturadan və əvvəlki illərin mütərəqqi işlərindən istifadəsi ilə tərtib edilmişdir. İnanılmazdır, amma ilk Apple Silicon M1 sisteminin artıq üç yaşı var! 2020-ci ildə isə o, çox səs-küy yaratdı. 

İndi təsəvvür edin ki, yeni nəsil M1-dən 50% daha güclüdür. Bu qədər təsir edici artıma necə nail olmaq mümkün oldu? Bu gün biz Apple M3, M3 Pro və M3 Max çipləri arasında olan fərqlərdən və özünüz üçün ideal sistemi necə seçəcəyinizdən danışacağıq. 

Apple M3 Prosessorlar Seriyası: Xüsusiyyətlər 

Bütün M seriyası 3nm texnoloji proses üzərində qurulmuşdur. O, əsas və qrafik prosessorlarla, eləcə də güclü 16 nüvəli daxili neyron mühərriki ilə təchiz olunmuşdur. CPU nüvələri effektivliyin artırılması üçün təkmilləşdirilmiş filial proqnozu əldə etmişdir. Performans nüvələri daha geniş deşifrə mexanizminə malik oldu, səmərəlilik nüvələri isə – daha dərin icra mexanizminə. Bütün bunlar ümumi performansı və effektivliyi əhəmiyyətli dərəcədə artırır. 

Neyron “mühərrik” maşın öyrənmə tapşırıqlarına cavabdehdir, yəni kompüterin mürəkkəb tapşırıqları nə qədər tez və effektiv şəkildə həll edəcəyindən məsuldur. Belədir ki, əvvəlki nəsillərlə müqayisədə yeni çiplər bunu 60% daha cəld edir. 

Həmçinin, yeni M3 prosessorları təkmilləşdirilmiş media mühərrikinə malikdir. O, H.264, HEVC, ProRes, ProRes Raw və AV1 üçün aparat dəstəyinə cavabdehdir. Sadə dildə desək, məsələn Apple TV+, YouTube, Netflix kimi striminq platformalarında axın videolarına baxmaq. 

M3-ü ilk nəsil M1 prosessorları ilə müqayisə etsək, yeni çip eyni performansı göstərərkən öz gücünün yalnız dörddə bir hissəsini istifadə edir, enerji istehlakı isə iki dəfə azdır! Onun potensialını təsəvvür edin! 

İstehsalçının eyni anda üç çip konfiqurasiyası buraxması əbəs yerə deyil. Təbii ki, məsələ təkcə istifadəçilərin büdcəsində deyil, həm də iş üçün irəli sürdükləri tələblərindədir. Buna görə də, irəlidə hansı çipin hansı tapşırıqlar üçün nəzərdə tutulduğunu daha ətraflı təhlil edəcəyik. 

M3 hər kəs üçün əla bazadır 

Birincisi, qeyd edək ki, Apple rəsmi olaraq 13 düymlük M2 MacBook Pro-nun istehsalini dayandırdı. Yeni MacBook Pro M3 onu layiqincə əvəz edəcək. Onun haqqında nəyi bilmək vacibdir?

Apple M3-ün texniki göstəriciləri: 

• 24 GB-a qədər vahid yaddaş;
• 25 milyard tranzistor;
• 8 nüvəli CPU (4 performans nüvəsi və 4 səmərəlilik nüvəsi) – M1 çiplərindən 35%-ə qədər və M2 çiplərindən 20% daha sürətli;
• Yeni nəsil arxitektura, dinamik keşləmə, şəbəkə kölgəsi və şüa izləməsinə malik 10 nüvəli GPU – M1 çiplərindən 65%-ə qədər və M2 çiplərindən 20%-dək daha sürətli.

Sadə dildə desək, M3 sizin Mac üçün əla baza “içlikdir”. Çip ofis işçiləri, qrafik dizaynerlər və fotoqraflar üçün idealdır. Photoshop, Figma, Canva və digər proqramlar “uçacaq”. 

Üstəlik, MacBook Pro M3-ə bir xarici displey qoşaraq intensiv qrafikadan istifadə edən oyunlar oynaya bilərsiniz – misal üçün Baldur’s Gate III və ya Myst oyunlarında inanılmaz dərəcədə realistik kölgələr, əksolunmalar və işıqlandırma görəcəksiniz. Təcrübəli oyunçular üçün yeni çiplərin imkanları haqqında daha ətraflı icmal hazırlamışıq. 

Əgər bundan əvvəl siz MacBook Air M2 istifadə edirdinizsə, onda MacBook Pro M3 aldıqda siz kulerlər və təkmilləşdirilmiş performans əldə edəcəksiniz. Daha əvvəlki modellərdən keçirsinizsə fərqi daha çox hiss edəcəksiniz. 

M3 Pro – yeni xəttdə qızıl orta 

Bax bu artıq, həqiqətən dözümlü və məhsuldar bir “çapardır“. Əgər işiniz sizdən ciddi resurs tutumlu tapşırıqları yerinə yetirməyi tələb edirsə, M3 Pro ilə MacBook Pro-nu nəzərdən keçirin. 

Burada mərkəzi və grafik prosesorların nüvələrinin sayı daha çoxdur və RAM-i genişləndirmək imkanı var. Bunun sayəsində yüksək performans, keyfiyyətli qrafika və istənilən komandaların cəld və dəqiq cavablandırılmasını istiyənlər üçün yeni çip mükəmməl seçimdir. Vizuallarla işləyirsinizsə və ya oyun oynayırsınızsa, heç şübhəniz olmasın. 

Apple M3 Pro-nun texniki xüsusiyyətləri: 

• 36 GB-a qədər vahid yaddaş;
• 37 milyard tranzistor;
• 12 nüvəli prosessor (6 performans nüvəsi və 6 səmərəlilik nüvəsi) – M1 Pro çiplərindən 30%-ə qədər daha sürətli;
• Yeni nəsil arxitektura, dinamik keşləmə, şəbəkə kölgəsi və şüa izləməsinə malik 18 nüvəli GPU – M1 Pro çiplərindən 40%-ə qədər və M2 Pro çiplərindən 10%-dək daha sürətli.

M3 Max – maksimum ehtiyacı olanlar üçün 

Çipin adı artıq özünü ifadə edir: M3 Max çipseti yeni MacBook Pro-dan maksimum fayda əldə etməyə imkan verəcək. Apple tranzistorların sayını artırdı və performansını yeni səviyyəyə qaldırdı. Sürətə heyran qalacaqsınız – birinci nəsil M1 Max çipsetindən 80% daha sürətli. Bunun sayəsində siz videoları tez və rəvan emal edə bilərsiniz. Süni intellektlə işləmək üçün 128 GB-a qədər vahid yaddaş dəstəyi nəzərdə tutulmuşdur. 

M3 Max çipi peşəkar videomeykerlər, proqramçılar və 3D dizaynerlər üçün maraqlı olacaq ən yaxşı çipdir. Bu, şübhəsiz ki, uzun illər üçün ehtiyatı olan çox perspektivli bir alışdır. 

Apple M3 Max-ın texniki xüsusiyyətləri: 

• 128 GB-a qədər vahid yaddaş;
• 92 milyard tranzistor;
• 16 nüvəli CPU (12 performans nüvəsi və 4 səmərəlilik nüvəsi) – M1 Max çiplərindən 80%-ə qədər və M2 Max çiplərindən 50% daha sürətli.
• Yeni nəsil arxitektura, dinamik keşləmə, şəbəkə kölgəsi və şüa izləməsinə malik 40 nüvəli GPU – M1 Max çiplərindən 50%-ə qədər və M2 Max çiplərindən 20% daha sürətli.

Yeri gəlmişkən, MacBook Pro 14 üçün üç çipdən birini seçə bilərsiniz, lakin MacBook Pro 16 üçün –yalnız M3 Pro və ya M3 Max mövcüdur.  Yeni Space Black rəngi yalnız M3 Pro və ya M3 Max modellərində mövcuddur. Sözsüz ki, M3 çiplər ailəsinə daha yaxından nəzər salmağa dəyər, konkret birinin seçimi isə sizin tapşırıqlarınızdan və büdcənizdən asılıdır. 

Yaxşı xəbər var: iSpace-də yeni məhsulların satışı artıq başlayıb! MacBook Pro M3-ün qiyməti 3999 AZN. 

MacBook Pro M3 almaq asandır: ispace.az saytında sorğu yerləşdirin və ya iSpace mağazalarından birinə gəlin. Alışları hissə-hissə həyata keçirmək imkanı təklif edirik. 

HƏMÇİNİN OXUYUN: 

M3 çipli MacBook Pro oyunlar üçün uyğundurmu?