Videomontaj işini öyrənmək və ya artıq əldə edilmiş bacarıqları üçün yeni istifadə imkanı tapmaq istəyən hər kəs üçün güclü MacOS videomontaj proqramları.
Başlıqlar
MacOS videomontaj proqramları
Premiere Pro
Adobe Systems-dən peşəkar qeyri-xətti videomontaj proqramı. O, Adobe Premiere-in davamçısıdır.
Premiere Pro sektorun standartı hesab olunur. Bir montaj proqramı axtararkən çox vaxt xüsusi olaraq bu proqramda işləyən mütəxəssislər axtarırlar. Burada işləməyi öyrənmək heç də çətin olmadığı halda, istənilən mürəkkəblikdə layihələr yarada bilərsiniz. İnternetdə çoxlu kurslar və digər tədris materialları pulsuz mövcuddur.
Proqram çox sayda formatı dəstəkləyir və videonu redaktə etmək və nəticəni saxlamaq üçün ən geniş alətlər çeşidini təklif edir. Premiere Pro-da açılan layihə faylları effektlər və ya səs emalı üçün asanlıqla digər Adobe məhsullarına eksport edilə bilər. Bundan əlavə, redaktorun artıq geniş funksionallığı müxtəlif plaginlər vasitəsilə təkmilləşdirilə bilər.
DaVinci Resolve
Sektorda fəal şəkildə istifadə olunan başqa bir innovativ redaktor. Rəng korreksiyası və qeyri-xətti videomontajı üçün idealdır. Qeyri-xətti videoredaktoru eyni zamanda bir neçə trekdə fayl yerləşdirə biləcəyiniz bir videomontaj proqramıdır.
DaVinci Resolve, Premier Pro-dan daha az eksport formatını dəstəkləyir və onun başlıqlarla işləmək kimi bəzi xüsusiyyətləri yoxdur. Ancaq bu proqram rəng korreksiyası üçün ən yaxşı vasitə hesab olunur. Həmçinin ən yaxşı tərəfi isə istifadə etmək üçün tamamilə pulsuz olmasıdır.
DaVinci Resolve-un pullu versiyası plaginlər üçün dəstək və 3D video ilə işləmək üçün bəzi əlavə funksiyaları ehtiva edir. Digər bonus odur ki, lisenziya aldıqdan sonra digər istifadəçilərlə birgə layihələr yarada bilərsiniz.
Final Cut Pro
MacOS videomontaj proqramları arasında ən peşəkarı.
Apple tərəfindən hazırlanmış proqram peşəkar videomontajı üçün güclü redaktordur. Onun imkanları öz sinfində ən yaxşılardan biri hesab edilmək üçün kifayət qədərdir.
Final Cut Pro həm də sadə, sürətli və çox hamar interfeysi ilə rəqiblərindən dərhal seçilir. Nə etməli olduğunuzu dərhal başa düşəcəksiniz. Proqram yalnız Mac sahibləri üçün mövcuddur, Windows və Linux versiyaları yoxdur.
FilmoraPro
Filmora peşəkar MacOS videomontaj proqramları nın gözəl xüsusiyyətləri və istifadə rahatlığı arasında balans təklif edir. Daxili redaktə funksiyaları, eləcə də hazır tərtibatlar sayəsində video yaradılması çox vaxt və əmək tələb etmir. Proqramı hətta yeni başalayanlar belə asanlıqla mənimsəyəcəkdir.
1200-dən çox pulsuz musiqi və səs effektləri, əyləncəli başlıqlar, sinematik keçidlər, girişlər və sonluqlar mövcuddur.
Pulsuz versiyada FilmoraPro-nun bütün xüsusiyyətləri var, lakin proqram videolara watermark əlavə edir. Onu silmək üçün pullu versiyanı almaq lazımdır.
Shotcut
Pulsuz açıq mənbəli videomontaj proqramı. Həvəskar montaj üçün lazımlı olacaq bir çox əsas alətlər və effektlər təklif edir. İstifadəsi asandır: əksər əməliyyatlar bir neçə klik və ya “isti” düymələrin köməyi ilə həyata keçirilir. Bundan əlavə, proqram 4K da daxil olmaqla çoxlu sayda formatları dəstəkləyir.
“Settings” menyusunda videonun aparat işlənməsi (GPU Processing) üçün dəstək tapa bilərsiniz. Bu rejim GPU resurslarından maksimum istifadəni təmin edir və bu, avadanlıqlarınıza resurs tutumlu əməliyyatları daha məhsuldar yerinə yetirməyə kömək edir.
Video və ya audio treki ilə hər hansı bir hərəkət geri qaytarıla və ya redaktə edilə bilər. Bu isə o deməkdir ki, səhv etsəniz, hər şeyi yenidən başlamaq məcburiyyətində deyilsiniz. Ümumiyyətlə, Shotcut digər MacOS videomontaj proqramları na yaxşı bir alternativdir.
HƏMÇİNİN OXUYUN:
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
