Magic Trackpad trekpadı simsiz işləyir və təkrar şarj edilə bilir. O, bütün Multi‑Touch jestləri dəstəkləyir və Force Touch texnologiyasına malikdir. Səthinin altında yerləşən və minimal basqı gücü fərqinə belə həssas olan sensorlar trekpadla idarəetmə imkanlarını daha da genişləndirir. O, tamamilə şüşədən olan geniş səthə malikdir. Bu isə sevimli kontentinizi həmişəkindən daha effektiv və rahat şəkildə sürüşdürməyə və vərəqləməyə imkan verir. Magic Trackpad Mac-ınıza avtomatik olaraq qoşulur və dərhal işə hazır olur. Şarj edilə bilən batareya onu bircə şarjla təxminən bir ay və ya daha çox müddətdə enerji ilə təmin edir. O, USB-C portuna malikdir və komplektə həmçinin cihazı Mac-dakı USB-C portu üzərindən qoşmağa və şarj etməyə imkan verən hörülmə USB-C şarj kabeli daxildir. Odur ki siz bütün sevimli cihazlarınızı bircə kabellə şarj edə bilərsiniz.