M2 çipli tam yeni MacBook Air: 22 iyuldan etibarən satışda!

Bir çox insan bu yenilikləri gözləyirdi. Apple populyar notbuku MacBook Air-i tam təkmilləşdirdi. Görünüş, təchizat, kamera, səs. Demək olar ki, hər şey yaxşılaşıb. 22 iyuldan etibarən isə artıq Azərbaycanda da satışda olacaq! 

Sizin üçün ən vacib yenilikləri bu məqalədə topladıq.

Tamamilə yeni dizayn – 2008-ci ildən bəri ilk dəfə.

Apple bu populyar ultrabukunun dizaynını 2008-ci ildən bəri çox dəyişdirməyib. Təqdimat zamanı Stiv Cobs kağız zərfdən ilk MacBook Air-i çıxararaq sıçrayış etmişdi. İnsanların həyəcanını başa düşmək asandır: o zaman notbuklar böyük, ağır plastik canavarlara bənzəyirdi. Onların fonunda qalınlığı 2 sm-dən az olan və kənarları incə MacBook Air futuristik görünürdü.

İndi düz 14 il sonra Apple əfsanəvi cihazı yenidən dizayn etdi. Ancaq onun yüngülliyünü və öz aurasını da saxladı. M2 şipli yeni MacBook Air-in çəkisi cəmi 1,24 kq-dır. Qalınlığı isə 1,13 sm-dir. Alt paneldəki “ayaqlar” daha hündürdür və Mac-ı yerdən daha çox qaldırır.

Yeni rənglər də əlavə olunub. İndi palitramızda bu rənglər də var:

• Space Gray;
• Silver;
• Midnight (tünd göy);
• Starlight (solğun qızılı).

Ciddi işlər üçün məhz M2 çipi

M2 – Apple Silicon-un ikinci nəslidir. Çip yenilənmiş 5 nanometr texnologiyasından istifadə edilməklə istehsal edilib və təxminən 20 milyard tranzistordan ibarətdir ki, bu da M1-dən 25 % çoxdur.

MacBook Air M2-də CPU 8 nüvədən ibarətdir: 4 yüksək performanslı və 4 enerjiyə qənaət edən. GPU 10 nüvədən (əsas versiyada 8) ibarətdir və 24 GB-dək birləşmiş yaddaşı dəstəkləyir. Maksimum SSD konfiqurasiyası 2 TB-dir.

Apple şirkətinin məlumatına görə, M2 çipindəki CPU M1 ilə müqayisədə 18 %, GPU isə 35 % daha məhsuldar olub. Təkmilləşdirilmiş 5 nanometr texnologiyalı nüvələrlə yeni notbuk daha yüksək saat sürətlərində istifadə oluna bilər.

M2-də həmçinin sürətləndirilmiş kodlaşdırma və dekodlaşdırma üçün güclü ProRes video mühərriki də var. Beləcə MacBook Air əvvəlkindən daha çox 4K və 8K videogörüntü göstərə biləcək. Məsələn, Final Cut Pro-da bir işi M1 çipli MacBook Air-dən təxminən 40% daha sürətli görə biləcəksiniz.

İncə çərçivələrlə təkmilləşdirilmiş Liquid Retina displey

Daha bir yenilik isə böyüdülmüş displeydir. Yeni MacBook Air-in ekran diaqonalı adi 13,3 əvəzinə 13,6 düymdür. Notbukun öz ölçüləri ilə eynidir! Apple nuna nail olmaq üçün indiki iPhone və ya 14 və 16 düymlük MacBook Pro-larda olduğu kimi ekranın ətrafındakı çərçivələri azaldıb və kameranı gizlədib.

Yenilik həm də 2560×1664 piksel təsvir ölçüsünə malik təkmilləşdirilmiş Liquid Retina displeyi ilə təchiz edilib. Maksimum parlaqlıq indi 400 əvəzinə 500 nit təşkil edir. Bu, əvvəlki modeldən 25% daha parlaqdır. Yeni ekran 1 milyard rəng və True Tone texnologiyasını dəstəkləyir.

Foto və videolarınız düzgün kontrast və incə detallarla daha parlaq görünəcək.

Distant iş üçün hər şeyə sahibdir: kamera, mikrofon və dinamiklər

MacBook Air M2 1080p FaceTime HD kamerasına malikdir. Yeni 14 düymlük MacBook Pro ilə eynidir. M1 çipli MacBook Air-dəki kameradan iki dəfə çox işıq tutur. Bundan əlavə, görüntü sistem tərəfindən emal edilir. Uzaqdan işləyirsinizsə və həmkarlarınızla tez-tez videozənglər edirsinizsə, bu notbuk idealdır. Çünki siz həmişə mükəmməl görünəcəksiniz.

Yeniliklərin içərisində qabaqcıl şüa yaratma alqoritmləri olan 3 mikrofon da var. Dostlarınız sizi həm yüksək səslə və həm də aydın eşidəcəklər.

Səs sistemi 4 dinamikdən ibarətdir. Spatial Audio və Dolby Atmos-u dəstəkləyir. Müqayisə üçün: əvvəlki versiyada cəmi iki dinamik var idi.

Bütün günü şar etmədən işləmək imkanı

M2 çipli Apple MacBook Air-də batareya indi daha güclü oldu: 52,6 Vt∙s. M1-dəki sələfi 49,9 Vt∙s batareya ilə təchiz olunmuşdu. İndi notbuk 18 saata qədər fasiləsiz video baxışına tab gətirə bilir. Bu, bütün günü təbiət qoynunda rahat işləmək və şarj barədə düşünməmək üçün kifayətdir.

Yeni ultrabuk sürətli enerji doldurmanı da dəstəkləyir: batareyanın 50 %-i 30 dəqiqə ərzində doldurula bilir. Lakin bu, 35 Vt və ya 67 Vt gücündəki enerji təchizatı istifadəsinə tabedir. MacBook Air M2-nin sadə versiyasını 2 Type-C portu ilə birlikdə gələn 30 Vt güclü adapteri ilə birgə əldə etmək olar.

Yeri gəlmişkən, notbuk korpusunda MagSafe 3 maqnit konnektoru üçün yer mövcuddur. Siz cihazı həm ondan, həm də USB-C portlarından doldura bilərsiniz.

Yeni 2022 MacBook Air M2 sələfi ilə eyni port dəstinə malikdir: müxtəlif aksesuarları birləşdirmək üçün iki Thunderbolt 4 portu və yüksək empedanslı qulaqlıqları dəstəkləyən 3,5 mm audio giriş.

Magic Keyboard klaviaturası funksional diapazona malikdir. Touch ID sensoru və geniş Force Touch trekpad.

Nəticə

Apple MacBook Air M2 almağınız üçün üçün hər şeyi etdi. Brendin ən populyar notbuku indi daha da yaxşılaşıb. Bu, sadəcə yeniləmə deyil, M2 çipinin imkanlarından istifadə ilə tam yeni dizayndır.

• MacBook Air indi tam fərqli görünür, həmçinin daha incə və daha yüngüldür.

• Yeni rənglər – “midnight” və “starlight”.

• M2 çipli mərkəzi prosessor M1 ilə müqayisədə 18 % daha məhsuldardır. Qrafika isə düz 35 %.

• Ekranın ölçüsü 13,3 düymdən 13,6 düymə kimi artıb.

• Maksimum parlaqlıq 500 nitə kimi artırılıb.

• Təkmilləşdirilmiş kamera, eyni anda 3 mikrofon və 4 səsgücləndirici.

• Güclü batareya, MagSafe və sürətli şarj dəstəyi.

• RAM 24 GB-a, SSD isə 2 TB-dək artırılıb.

Apple performans, yığcamlıq və uzunömürlülük baxımından mükəmməl tarazlığı tapdı. Buna görə də M2 çipli MacBook Air qrafika, video və səslə peşəkar şəkildə işləyənlər üçün mükəmməldir.

Bununla belə, bütün potensialına baxmayaraq yeni Mac həm də yüngül və portativ olaraq qalır – distant işləyənlər və ya tez-tez özləri ilə kompüter aparanlar üçün idealdır – ofisə, tətilə və ya səyahət zamanı hansısa bir ölkəyə.

M2 çipli MacBook Air neçəyədir?

M2 çipli MacBook Air notbukunu “Alma Store” mağazalarından almaq olar. Üstəlik rəsmi zəmanətlə! Notbuk 22 iyulda satışa çıxarılacaq. Apple MacBook Air M2 üçün qiymətlər sadə versiya üçün 2 999 AZN-dən başlayır.

MacBook Air M2 ən çox satılan cihazlardan birinə çevrilə bilər. Əgər onu almaq istəyirsinizsə, sizə elə indi sifariş etməyi məsləhət görürük. Onlayn şəkildə öncədən sifariş verməklə siz özünüz üçün notbuk rezerv edəcək və Azərbaycan üzrə bu möhtəşəm yeniliyin ilk sahiblərindən biri olacaqsınız.