iPhone 12 əldə etməyə hazırlaşırsınızsa, nəzərə alın ki, onu dərhal şarj etmək mümkün olmayacaq. Apple qidalanma adapteri və qulaqlıq dəstə daxil olmayan smartfonları satışa çıxardı. Bir çox istifadəçilər üçün bu gözlənilməz oldu. Bütün bunların səbəbi var.
Oktyabr təqdimatında şirkət 4 smartfondan ibarət iPhone 12 seriyasını dünyaya təqdim etdi. Yeni nəsil smartfonlar dizaynla bərabər dəstdə də dəyişikliyə uğradı. Qutuda smartfondan əlavə USB-C/Lightning kabeli olacaq. Kabel sürətli şarj üçün yeni nəsil adapter və smartfonun MacBook-a qoşulması üçün nəzərdə tutulub.
Əgər çoxdan Apple texnikasından istifadə edirsinizsə, istifadə illəri ərzində yəqin ki, iPhone, iPad və digər cihazların adapter kolleksiyasını toplamısınız. Naqilsiz şarj cihazları ilə isə bir çox istifadəçilər standart adapter və kabelləri unudublar.
Qulaqlıqlara gəldikdə isə yəqin razılaşınız ki, EarPods artıq keçmişdə qalıb. Onları isə ayrıca əldə edə biləcəyiniz müasir AirPods və AirPods Pro əvəz edib.
Apple öz səylərini ekologiyaya qayğı ilə izah edir. Bunun sayəsində qutu daha yığcam oldu, bu isə daha az materialın istehlakı deməkdir.
Standart qablaşdırmadan istifadə etmək faydalı qazıntıları, mineralları boş yerə sərf etmek deməkdir. Şirkət mütəxəssislərinin hesablamalarına əsasən bu cür tədbirlər ildə karbon qazının 2 milyon metrik tona qədər azaldır – bu, yollardan 450 000 maşının çıxarılması deməkdir.
Apple bunu ilk dəfə Apple Watch Series 6 və Apple Watch SE modellərində sınaqdan keçirdi. Digər Apple smartfonları – iPhone 11, iPhone SE II, iPhone XR da adapter və qulaqlıqdan məhrum edilə bilər. iPad və MacBook dəsti barədə hələ məlumat yoxdur.
Çıxış yolu kimi nə təklif edə bilərik? İstifadəçilər əvvəlki cihazlardan qalan qulaqlıq və qidalanma cihazından istifadə edə bilərlər. almastore.az saytında bu aksesuarları münasib qiymətə tapa bilərsiniz.
Apple kifayət qədər miqdarda etibarlı qidalanma adapteri istehsal edir. Məsələn, 110 AZN-lik 30 Vt Apple USB-C adapteri ilə iPhone, MacBook, iPad və digər cihazları şarj edə bilərsiniz. Daha büdcəli variant üçün 60 AZN-ə Apple USB-C adapterini təklif edirik.
Eləcə də saytımızda digər brendlərin məhsullarını da tapa bilərsiniz.
Bir neçə cihazı eyni anda şarj edəcək birini axtarırsınızsa, Prestigio brendinin istehsalı olan ReVolt A1 dok-stansiyası uyğun olacaq. Stansiyanın gücü – 10 Vt, cihaz iPhone, Apple Watch və AirPods qulaqlıqlarını şarj etməyə imkan verəcək. Bu barədə icmalı oxumağı məsləhət görürük.
Yeri gəlmişkən, istehsalçı Fransada alıcılar üçün istisna hal etdi. Orada iPhone 12 qidalanma adaptersiz, lakin qulaqlıqlarla satılır. Yerli qanunvericilik istehsalçılardan smartfonu qulaqlıqlarla birlikdə göndərməyi tələb edir. Bu, smartfonu qulağa yaxınlaşdıran zaman insanları sağlamlığa mənfi təsir göstərə biləcək elektomaqnit və radio dalğalarından qorunmaq zəruriyyətindən irəli gəlir.
Sonda qeyd etmək istərdik ki, qutunun ölçüsü içdə olan məhsulların keyfiyyətinə təsir etmir.
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
