Mac, iPad və iPhone-a necə qulluq etməli?  

Apple öz cihazlarını möhkəm materiallardan hazırlayır. Lakin, hətta onlar da diqqətli rəftar və düzgün qulluq tələb edir. Ekspertlərimizin tövsiyələri ilə yolunuz xidmət mərkəzinə düşməyəcək və onlar Mac, iPad və iPhone-un ömrünü uzatmağa kömək edəcək. 

Apple texnikasını təmizləmədən öncə nəyi bilmək lazımdır? 

Ekranı və korpusu təmizləmək üçün yumşaq xovsuz parçadan istifadə etmək lazımdır. Sərt xovlu parçalar, dəsmallar, o cümlədən kağız dəsmallar bunun üçün uyğun deyil. Ekran, klaviatura və digər səthləri təmizləmək üçün ən yaxşı vasitə 70% etil spirti məhlulu olan salfetlər və ya xüsusi dezinfeksiyaedici salfetlərdir – məsələn, Clorox.  

Sprey aerozollar, həlledicilər, yuyucu vasitələr və tərkibində ağardıcı, aseton və ya hidrogen peroksid olanların istifadəsi son dərəcə təhlükəlidir! Hətta keyslərin və digər aksesuarların tekstil və dəri səthlərini, o cümlədən avadanlıqları dezinfeksiyaedici məhlullarla silmək olmaz. 

Həmçinin cihazın deşiklərinə nəmin daxil olmasından çəkinin. Lakin cihazınızın içərisinə maye daxil olarsa, düşünmədən Azərbaycandakı səlahiyyətli Apple xidmət mərkəzinə müraciət etməyinizi tövsiyə edirik. 

Mac, iPad və iPhone–un ekranını necə təmizləməli? 

Apple cihazınızda hər hansı bir əməliyyatı yerinə yetirməzdən əvvəl onu söndürün və elektrik adapterdən ayırın. Bütün periferik qurğular da söndürülməli, keyslər və digər aksesuarlar çıxarılmalıdır. 

Parçanı su və ya xüsusi təmizləyici ilə yüngülcə isladın. Vasitəni ekranın özünə sıçratmayın, əks halda maye ekranın daxilinə sıza və onu zədələyə bilər.  

Yumşaq, xovsuz bir parça istifadə edin. İdeal seçim mikrofiber parçalardır. Ekranı çox diqqətlə silməlisiniz, ona zərər verməmək üçün təzyiq minimal olmalıdır. 

Ekranda həddindən artıq toz yığılmışsa, onu dərhal silməyə çalışmayın. Əvvəlcə kiçik cızıqların əmələ gəlməməsi üçün tozu üfürün və ya xüsusi süpürgə ilə süpürün. 

Yeri gəlmişkən, müasir cihazların displeylərində barmaq izlərinə davamlı olan oleofob örtük var. Vaxt keçdikcə o köhnəlir – və bu, cihazın istifadəsinin təbii nəticəsidir. Ancaq düzgün qulluq edilmədikdə, örtük daha tez köhnəlir. 

Apple cihazını necə təmizləmək olar? 

Ümumiyyətlə, MacBook, iPad və ya iPhone korpusunun təmizlənməsi üçün eyni ekrana aid tövsiyələr keçərlidir: yumşaq parça, az nəm, cihaza yumşaq toxunuş. Xüsusi bir məhsuldan istifadə edərək, korpusun kirini təmizləmək heç də çətin olmayacaq. 

Texnologiyanın, xüsusən də Mac-in qatı düşməni tozdur. Daim havada uçur və yalnız müntəzəm təmizlik onun miqdarını azaltmağa kömək edir. Ancaq bu da tozdan canınızı qurtarmır. Onun hissəcikləri istər-istəməz MacBook korpusunun içərisinə daxil olur və hissələrin üzərinə qonur. Bu, istilik ötürülməsini zəiflədir: kompüter həddindən artıq isinir, səs-küy salmağa və daha yavaş işləməyə başlayır. Xüsusilə irəliləmiş hallarda bəzi komponentlər sıradan çıxa bilər. Məsələn, video çip həddindən artıq isinməyə həssasdır. 

Sıradan çıxmasının qarşısını almaq üçün ildə ən azı bir dəfə Mac-inizin soyutma sistemində təmizlik edilməlidir. Bunu etmək özünüz üçün son dərəcə çətindir: peşəkar alətlər və dizayn xüsusiyyətləri haqqında bilik lazımdır. Bir yanlış hərəkət ilə siz klaviaturanı lövhəyə birləşdirən kabeli asanlıqla zədələyə bilərsiniz. 

Klaviatura mexanizminə daxil olan toz və qırıntıları özünüz təmizləyə bilərsiniz. Bu, kompüter qarşısında yeyənlərin tez-tez rastlaşdığı problemdir. Düymələri quru parça və ya yumşaq fırça ilə silin. Klaviaturanı üfürmək üçün sıxılmış hava balonundan istifadə edin. Əl altında olan vasitələrdən tozsoran, soyuq hava ilə fen və ya şırınqa işinizə yarıyar.  

Siz iSpace xidmət mərkəzində Mac-ı tozdan tez və səliqəli şəkildə təmizlədə bilərsiniz. Mühəndislərimiz daxili elementləri tozdan, qırıntılardan və pişik tükündən səliqəylə təmizləyəcək və sizə kompüterə qulluq haqqında məsləhətlər verəcək. 

iSpace xidmət mərkəzləri aşağıdakı ünvanlarda yerləşən mağazalarımızda mövcuddur: