M4 və M4 Pro çiplərinə sahib Mac mini — sizi təəccübləndirəcək mini-kompüter 

Apple şirkətinin növbəti yeniliyi — M4 və M4 Pro prosessorlarına əsaslanan Mac mini mini-kompüteri PC dünyasında əsl inqilab etdi. İnanılmaz güc, kompaktlıq və ultra nazik dizayn, Apple Intelligence neyron şəbəkə dəstəyi — bu yeni cihaz hər kəsi təəccübləndirməyi bacarır. Məqaləmizdə Mac mini-nin maraqlı xüsusiyyətləri haqqında danışacağıq. 

Hər detalda miniatur dizayn 

Əgər kiçik forma-faktorunda çox güclü bir fərdi kompüter axtarırsınızsa, Mac mini sizin kriteriyalara tam cavab verəcək. Bu cihazı ayrıca monitora və digər avadanlıqlara qoşmaq mümkündür, özü isə asanlıqla ovuc içinizə yerləşəcək. 

2024-cü ilin yeni mini Mac–i ultra-kompaktlığı ilə fərqlənir. Onun ölçüləri cəmi 127 mm en və uzunluq, 50 mm isə hündürlük təşkil edir. Cihaz ölçülərinə görə Apple TV ilə oxşardır, görünüşcə isə Mac Studio-ya bənzəyir. Belə bir cihazı özünüzlə aparmaq çox rahatdır. Üstəlik, iş masasının üstündə yer üçün narahat olmağa ehtiyac yoxdur — Mac mini mütləq sığacaq. 

Daha bir yenilik isə təkmilləşdirilmiş soyutma sistemidir. İstehsalçı havalandırma dəliklərini cihazın alt hissəsində yerləşdirib. Güc düyməsi də aşağıda yerləşir. 

Fantastik performans 

Kompakt dizayn 2024-cü ilin yeniliyinə məlumatları eyni qiymət sinifində olan kompüterlərdən altı dəfə daha sürətli emal etməyə mane olmur. Bu imkanlar Apple brendi tərəfindən hazırlanmış prosessor ailəsinin ən yüksək performanslı üzvləri olan M4/M4 Pro çipləri sayəsində mümkün olub. 

• Əsas Mac mini M4. 10 nüvəli CPU və GPU ilə təchiz olunub. Minimal komplektasiyada istifadəçiyə 16 GB RAM və 256 GB SSD təklif olunur. 
• M4 Pro ilə Mac mini. Bu cihaz bir neçə versiyada təqdim edilir. 
• Birinci versiya: 12 nüvəli mərkəzi prosessor və 16 nüvəli qrafik prosessor. 
• İkinci versiya: 14 nüvəli CPU və 20 nüvəli GPU. Minimal RAM 24 GB, SSD isə 512 GB təşkil edir. İstəyə uyğun RAM 64 GB-a, yaddaş isə 8 TB-a qədər artırıla bilər. 

Hansı versiyanı seçməyinizdən asılı olmayaraq, bu kompüter bütün tapşırıqlarla mükəmməl şəkildə öhdəsindən gələcək: adi ofis proqramlarından 3D qrafika emalına, video montajdan foto retuşuna, proqram kodlaşdırmasından tutmuş digər mürəkkəb proseslərə qədər. Mac mini macOS Sequoia əməliyyat sistemi ilə işləyir, bu da cihazla rahat şəkildə qarşılıqlı əlaqədə olmağı təmin edir. 

M4 çipi M1 ilə müqayisədə hesablama proseslərində əhəmiyyətli üstünlüklərə malikdir: CPU 1,8 dəfə, GPU isə 2,2 dəfə daha sürətlidir. 

M4-ü daha əvvəlki modellərlə müqayisə etdikdə fərq daha da nəzərə çarpır: 

Pro — daha güclü və daha məhsuldar çip 

Pro çipi “ağır” tapşırıqlar və peşəkar proqramlarla işləmək üçün mükəmməl seçimdir. Bu prosessor sələflərini bütün göstəricilərdə geridə qoyur. 

M4 Pro, hətta son zamanlar çıxan modellər arasında da liderdir. 

M4 və M4 Pro çiplərinin başqa bir üstünlüyü isə aparat sürətləndirməsi ilə şüaların izini izləməni (ray tracing) dəstəkləməsidir. Bu, işıqlandırma, əks olunmalar və kölgələr kimi elementləri reallığa maksimum yaxın edir. Bu xüsusiyyət sayəsində həm oyun qrafikası, həm də 3D layihələrin renderinqi əhəmiyyətli dərəcədə yaxşılaşıb. 

Bundan əlavə, M4 ailəsi çipləri Apple Intelligence neyron şəbəkələri ilə fantastik məhsuldarlığı təmin edir. M1 ilə müqayisədə, M4 Pro-nun neyron nüvələri 2 dəfə daha sürətli işləyir. Çipin keçirmə qabiliyyəti 273 GB/s təşkil edir ki, bu da AI dəstəkli hər hansı digər kompüterlə müqayisədə 2 dəfə yüksəkdir. Belə xüsusiyyətlər neyron şəbəkələrlə qarşılıqlı əlaqəni sürətləndirir və 3D-renderinq kimi vəzifələrin icrasını əhəmiyyətli dərəcədə optimallaşdırır.  

Apple Intelligence funksiyalarından artıq ingilis dili versiyaları üçün istifadə etmək mümkündür, lakin bunun üçün macOS Sequoia 15.1 əməliyyat sistemini quraşdırmaq lazımdır. Neyron şəbəkələrin yeni imkanları dekabr ayında təqdim ediləcək. 

Əlavə qurğuların qoşulması 

2024-cü ilin yeni Mac mini cihazına bir çox periferik qurğu qoşula bilər. Beləliklə, siz tam funksional masaüstü kompüter əldə edirsiniz. 

Yeni Mac mini-nin portları: 

• DMI çıxışı. Cihazı adapter istifadə etmədən televizora və ya monitora qoşmaq mümkündür. M4 çipli cihaz iki 6K və bir 5K monitora, M4 Pro çipli isə üç 6K monitora (60 Hz) dəstək verir.
• Audio çıxışı. Qulaqlıq qoşmaq üçün nəzərdə tutulub. 
• İki USB-C (ön hissədə) USB 3 dəstəyi ilə. 
• Thunderbolt portları (arxa hissədə). 
• M4 çipi üçün: üç Thunderbolt 4 portu. 
• M4 Pro çipi üçün: Thunderbolt 5 portları (keçirmə qabiliyyəti 120 Gb/s). 

Bundan əlavə: 

• Gigabit Ethernet. Modem və ya router üçün nəzərdə tutulub, 10 Gb/s-a qədər təkmilləşdirilə bilər
• Wi-Fi 6E və Bluetooth 5.3. Bu standartlar eyni anda internetə qoşulmaq, filmlərə baxmaq və periferik qurğuları simsiz şəkildə istifadə etməyə imkan yaradır. 

Kimlər üçün uyğundur? 

Yeni Mac mini tələbələrə, onlayn çalışanlara, dizaynerlərə, memarlara, musiqiçilərə, biznes sahiblərinə və IT mütəxəssislərinə uyğun gəlir. Bu universal cihaz ofis, ev, universitet və ya istənilən başqa məkanda istifadə edilə bilər. 

Mac mini evdə tam funksional kompüter, multimedia serveri və ya tam hüquqlu media mərkəzi ola bilər. Həmçinin, oyun üçün də ideal seçimdir. 

Rəsmi olaraq yeniliyi haradan almaq olar 

Tezliklə siz Mac mini-ni Azərbaycanda ala biləcəksiniz. Satışın başlanması barədə əlavə məlumatı saytımızda və sosial şəbəkələrimizdə paylaşacağıq. Vacib xəbərləri qaçırmamaq üçün Instagram səhifəmizə abunə olun. 

Xatırladırıq ki, iSpace-də Trade-in proqramı mövcuddur — öz Apple cihazlarınızı təhvil verin və yeni cihazları sərfəli qiymətlərlə əldə edin. Bundan əlavə, bizdə kompüterlər üçün lazım olan bütün aksesuarları da tapa bilərsiniz: Magic Keyboard, Magic Trackpad və Magic Mouse.. 

HƏMÇİNƏ OXUYUN

macOS Sequoia-nın ən yaxşı xüsusiyyətləri, dərhal yoxlamaq lazımdır 

Ən tələbkar istifadəçilər üçün: yeni MacBook Pro M4, M4 Pro və M4 Max çipləri ilə 

Yeni iMac: Apple Intelligence dəstəyi, super güclü prosessor və digər inqilabi yeniliklər

Apple Apple Intelligence dəstəyi ilə iPad mini 7-ni təqdim etdi 

iPad və Mac Tandemi: Planşeti İkinci Monitor Kimi Qoşuruq