Apple öz smartfonlarının kamera sistemini mütəmadi olaraq təkmilləşdirir. Özü də təkcə ən qabaqcıl məhsullarının deyil. Həmçinin yeni iPhone 14 və iPhone 14 Plus linzaları da əla təkmilləşdirilib və hər şəraitdə heyranedici fotolar çəkə bilir.
Məsələn, selfi. Gəlin dürüst olaq: siz də bunları edirsiniz! Bəzən – qızmar, parlaq günün altında övladlarınızla gəzərkən, bəzən də – qaranlıq bir bardakı axşam qonaqlığında. Ancaq nəticə adətən elə olur ki, onu öz instaqram səhifənizdə paylaşmağa utanırsınız.
Geniş diafraqması və avtofokuslu TrueDepth ön kamerası sayəsində iPhone 14 ilə mükəmməl selfi çəkə biləcəksiniz.
Məlumat üçün. Yeni məhsul FACE ID sensorları və selfi-kamera üçün kəsiklər daxil olmaqla özündən əvvəlki nəslin dəbli dizaynını qoruyub saxlayıb. Həmçinin seriyanın hər 2 kiçik modeli keçənilki A15 Bionic çipsetinə sahibdir. iPhone 14-ün ekran ölçüsü 6.1 düym, iPhone 14 Plus-da isə 6.7 düymdür, elə tam da adına uyğun olaraq. Yeri gəlmişkən, Apple özünün Plus modelinin iPhone tarixinin ən avtonom modeli olacağı barədə zəmanət verib. Bu isə 26 saata qədər video izləmə və 100 saata qədər səs dinləmə mənasına gəlir.
Kamera və onun yeni özəllikləri xüsusilə diqqətəlayiqdir. Məsələn, ilk dəfə olaraq 12-meqapikselli TrueDepth ön kamerası avtomatik fokuslanmanı dəstəkləyir. O, artıq birdən çox əşyanı sürətlə tanıya və dəqiq şəkildə üzərinə fokuslana bilir. Nəticədə qrup şəklindəki selfilərdə bulanıq ruhlar əvəzinə, siz və sevdikləriniz olacaqsınız.
TrueDepth həmçinin böyük diafraqmaya sahibdir. f/1.9 diafraqması iPhone 14/14 Plus kamerasına ötən ilin sevimlisi iPhone 13 Pro-nun ön kamerası ilə müqayisədə işığı 38% daha çox tutmaq imkanı yaradır. Bu, parlaqlığı və təfərrüatı artırır, eləcə də qaranlıqda çəkilmiş fotoşəkillərdəki qarışıqlığı azaldır.
Aşağıdakı karuseldə siz iPhone14/iPhone 14 Plus rəsmi press-relizindən fotolar görəcəksiniz. Adi gözlə baxdıqda belə iPhone 13 Pro-nun ön kamerası ilə fərqi müəyyən edə bilərsiniz. İlk olaraq təfərrüatların heyrətamizliyini vurğulamaq lazımdır. İkincisi, fokus nöqtəsi artıq sabit deyil və müxtəlif məsafələrdə işləyir: lakin daha öncə kameranı üzə xeyli yaxınlaşdırın – bulanıq bir çərçivə əldə edəcəksiniz.
Ön kameranın yeni xüsusiyyətləri istifadəçiləri xoş mənada təəccübləndirir. Xüsusilə, Apple-ın son yenilənməsinin 2019-cu ilə, iPhone 11-in çıxdığı vaxta təsadüf etdiyini nəzərə alsaq.
Lakin iPhone 14-ün əsas kamerasına əlavə olunmuş maraqlı xüsusiyyətlər də az deyil. Məsələn, Action Mode rejimi olduqca heyrətləndiricidir. İndi siz hərəkətdə olarkən belə qüsursuz videolar çəkə bilərsiniz: şəkil xarici stabilizatordan istifadə edərkən olduğu kimi daha qüsursuz olacaq. Növbəti icmallarda bu rejimdən daha ətraflı bəhs edəcəyik.
Videonu çəkərkən və ya montaj edərkən fokus nöqtəsini sərbəst şəkildə dəyişməyə imkan verən kinematoqrafik rejim də mövcuddur. Bəli, biz onunla iPhone 13 seriyasının təqdimatı zamanı tanış olmuşduq. Amma indi saniyədə 24 və ya 30 kadr sürətində, 4K təsvir ölçüsündə çəkilişlər aparmaq mümkündür. Bu kadr sayı filmlərdə gördüklərinizlə eynidir.
Və ümumiyyətlə, iPhone 14/iPhone 14 Plus-ın əsas kamerası daha böyük sensor və diafraqmaya malikdir. Bunun sayəsində 49% daha çox işıq ötürülür. Yeni Photonic Engine alqoritmi kadrın ayrı-ayrı hissələrinin kompozisiyalarını geniş bucaqlı obyektivdə 3 dəfəyə qədər, əsas kamerada isə 2 dəfəyə qədər yaxşılaşdırır.
Nəticə? Əgər siz professional video və ya foto işləri üçün Apple ProRAW və Apple ProRes funksiyalarından istifadə etmirsinizsə, ən qabaqcıl smartfonu almağınız çox da vacib deyil. Yeni seriyanın baza modelləri də əla çəkiliş edir və qiymət baxımından da daha münasibdirlər: iPhone 14 qiymətləri 2 339 AZN-dən, iPhone 14 Plus – isə 2 649 AZN-dən başlayır.
Ən qısa zamanda yeni Apple seriyasından bir smartfon sahibi olmaq istəyirsinizsə, almastore.az saytından sifariş verin. Yox əgər ətraflı tövsiyələr almaq və demo nümunələri öz əllərinizdə tutmaq istəyirsinizsə, sizi pərakəndə mağazalarımızda görməkdən məmnunluq duyarıq.
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
