Yeni iPhone 12 əldə etməyi planlaşdırırsınız? Hansı yaddaşı seçmək sualı ilə qarşılaşa bilərsiniz. Smartfona nə qədər yaddaş həcmi kifayət edəcəyini müzakirə edəcəyik.
Bu yaxınlarda iPhone 12 haqqında ilk təəssüratları bölüşdüyümüz icmal hazırlamışdıq. Əminik ki, sizə marazlı olacaq.
iPhone 12 mini və iPhone 12 modellərində daxili yaddaşın həcmi 64 – 256 GB, qabaqcıl iPhone 12 Pro və iPhone 12 Pro Max smartfonlarında isə 128 – 512 GB arası dəyişir. Yaddaşa görə əlavə pul ödəmək və ya əksinə, qənaət edib sonra peşman olmamaq üçün məhsul əldə etməzdən öncə yaxşıca fikirləşmək lazımdır.
Musiqi, video, şəkillər və gündəlik istifadə etdiyiniz digər məlumatlar, məhz daxili yaddaşda qalır. Əgər boş yer tükənirsə, onun həcmini artırmaq mümkün olmayacaq: ya lazım olmayan məlumatı silməlisiniz, ya da iCloud – da əlavə yer əldə etməlisiniz.
Başlıqlar
64 GB yaddaş kifayət edəcək, əgər…
… məlumatlarınız azdır, yaxud şəkil, musiqi və sənədləri iCloud – da saxlayırsızsa. Böyük ehtimal siz smartfonu daha çox ünsiyyət, sosial şəbəkə, şəkil və yüksək keyfiyyət tələb etməyən videolar, audio və onlayn videolara baxmaq üçün istifadə edirsiniz.
Unutmayın ki, bu əsas həcmdir və əlavə 5 GB iCloud həcmi belə aktiv istifadə zamanı sürətlə dola bilər. Cihaz daha asta işləyəcək, hətta donmağa başlayacaq.
128 GB yaddaş kifayət edəcək, əgər…
… özünüz üçün əlverişli variant axtarışındasınızsa. Bir çox istifadəçilər üçün bu yaddaş həcmi yaxın bir neçə ilə kifayət edəcək. Müxtəlif tətbiqlər, audio, şəkillərlə yanaşı 4K videoları da yaddaşda saxlaya biləcəksiniz. Bir çoxları oyunlar da yükləyir – smartfonun məhsuldarlığı donmalar olmadan oynamağa imkan verir.
Yadda saxlamaq lazımdır ki, tətbiqlərin və oyunların həcmi zaman keçdikcə artır. Məsələn, Telegram kimi ən məşhur tətbiqlərdən birinin həcmi 100 MB – dır. Səsli mesajlar, sənədlər, videolar kimi müvəqqəti fayllar yaddaşın həcmini tez doldurur. Yaddaşı boşaltmaq isə yalnız keşi təmizləmək yolu ilə mümkün olacaq. Misal üçün: messencer tətbiqlər, sosial şəbəkələr, bank tətbiqləri, yemək çatdırılması keşlə birlikdə 8-10 GB yer tutacaq.
256 GB yaddaş kifayət edəcək, əgər…
… sizə genişlik lazımdırsa. Siz əlavə problem olmadan smartfona musiqi, film, video dərslər, tətbiqlər yükləyə bilərsiniz. Şəbəkəyə daxil olmaq həmişə mümkün deyil, buna görə məlumatları birbaşa cihazda saxlamağa üstünlük verirsiniz.
Bu cür yaddaş həcmi çoxlu şəkil və video çəkilişi edənlər, eləcə də hazır materialı iPhone – da peşəkar proqramlarda redaktə edənlər üçün kifayət edəcək. İstifadəçinin bunun üçün nə qədər yaddaş həcminə ehtiyac duyduğunu hesablamaq çətindir. Bəziləri yalnız şəkillər, bəziləri video çəkir, digərləri isə hər ikisini edir və çəkilmiş materialı hazır layihə halına gətirir. Ortalama məlumatlar belədir: orta hesabla bu cür əməliyyatlar üçün istifadəçiyə 20 – 30 GB kifayət edir. Lakin burada məhdudiyyət yoxdur.
512 GB yaddaş kifayət edəcək, əgər…
… smartfonun yaddaşı barədə heç narahat olmaq istəmirsizsə. Smartfonda tətbiqlər kitabxanası, eləcə də musiqi və film kolleksiyasını saxlaya və rahat istifadə edə bilərsiniz.
