IPhone-da abunəliyi necə ləğv etmək olar: ətraflı təlimat

İstifadəçilərin çoxu abunəlikdən necə imtina edəcəyini bilmir. Xidmət ödənişli olduqda bu problemə çevrilir. Həm də lazımsız tətbiqlər ölü yük kimi qalaraq cihazın yaddaşında yer tutur.

Bu gün App Store-da abunəliyi ləğv etməyin yollarından danışacağıq. İcmalın sonunda ən səbrli oxuyucuları bonus gözləyir: App Store-da səhvən edilmiş alışa görə ödənilmiş vəsaiti qaytarmağın yolu ilə paylaşacağıq.

iPhone-da “Settings” vasitəsilə abunəlikdən necə imtina etmək olar?

1. “Settings” tətbiqini açın.
2. Apple ID-nizi klikləyin.
3. “Subscriptions” bölümünü açın.
4. Tətbiqlər siyahısından ləğv etmək istədiyinizi seçin.
5. “Cancel Subscription” düyməsini sıxın. Hazırdır!

Abunəlikdən App Store vasitəsilə necə imtina edək?

1. App Store tətbiqini işə salın.
2. Sağda yuxarı küncdə profilinizin işarəsinə klikləyin.
3. Subscriptions seçin. Bütün aktiv və vaxtı keçmiş abunəliklərin siyahısını görəcəksiniz.
4. Abunəliyindən imtina etmək istədiyiniz xidməti seçin.
5. Səhifənin sonunda Cancel Subscription seçin.

iPhone-da abunəliyə görə ödənilən vəsaiti necə geri qaytaraq?

Rəqəmsal maqazin olan App Store-da alış-veriş etmək asan və rahatdır. O dərəcədə ki, bəzən abunəlik xəbərimiz olmadan həyata keçir. Həmin an hesabınızdan pul çıxır, amma alış-verişlə tələsdiyinizi gec anlayırsınız.
 
Lakin siz abunəliyi ehtiyatsızlıqdan etdiyiniz, hətta aldığınız kontentdən razı qalmadığınız halda App Store pulunuzu qaytarmaqdan boyun qaçırmır. Bunu etmək üçün rəsmi prosedurdan keçmək lazımdır.
 
Cihazın brauzerində

1. Cihazın brauzerində reportaproblem.apple.com səhifəsinə keçmək.
2. Apple ID və şifrənizlə daxil olun.
3. “What can we help you with?” qrafasında “Request a refund” cavabını seçin.
4. ”Tell us more“ qrafasında pulun geri qaytarılmasını istəməyinizin səbəbini qeyd edin.
5. Ödənişli abunəliyinizi ləğv etmək istədiyiniz xidməti seçin və “Submit” üzərinə klikləyin.  

Sorğu göndərərkən, pulun artıq hesabdan silindiyindən əmin olmalısınız. Ödəniş gözlənilirsə, geri qaytarma sorğusu aktiv olmayacaq. Ödəniş artıq başa çatdıqdan sonra onu yenidən təqdim etmək olar.

Son bir məsləhət: yalan söyləməyin və yalan hekayələr uydurmayın. Nadir hallarda Apple ilə əlaqə saxlayaraq pulun geri qaytarılmasını tələb edirsinizsə, şansınız çox yüksəkdir. Ancaq hiylənin üstü açılsa, daha onların köməyinə ümid etməyin.

İndi siz Apple abunə idarəetməsinin necə işlədiyini bilirsiniz. Daha çox layfxakları bizim “Bloqda” axtarın. Əgər siz Apple cihazları ilə işləmək haqqında dərin biliklər əldə etmək istəyirsinizsə, mütəxəssislərimizlə fərdi və qrup təlimlərinə yazılın.