App Store-da müxtəlif tapşırıqlar üçün minlərcə tətbiqlər var. Onların hamısını yükləmək mümkün deyil, ona görə də biz sizə hansılarının həqiqətən faydalı olduğundan qısaca danışacağıq.
Bu məqaləyə xəritələr, sosial şəbəkələr, messencerlər və ya oyunlar kimi baza tətbiqlər daxil edilməyəcək. Siz planşeti qutudan çıxaran kimi onsuz da bütün bunları quraşdıracaqsınız. Bu mətnin məqsədi sizi həyat tərzinizi şaxələndirməyə kömək edəcək maraqlı iPad proqramları ilə tanış etməkdir.
1. I am. Gündəlik affirmasiyalar
Keyfiniz heç yoxdursa, iddia və iradlarınızı bir kənara qoyub özünüzü rahat buraxın. Bu işdə sizə I am tətbiqi kömək edəcək: o, hər gün sizə affirmasiyalar olan bildirişlər göndərəcək.
Affirmasiyalar – şüur ilə təhtəlşüur arasındakı əlaqəni gücləndirən ifadələrdir. Onları gündəlik ritualınızın bir hissəsinə çevirsəniz, özünüz də fərqində olmadan neqatif düşüncə şablonlarınız pozitiv olnalarla əvəz olunacaq. Hər şeyin həqiqətən mümkün olduğunu pozitiv şəkildə təsdiqləməyə başladıqda qarşınızda bütün imkanlar dünyası açılır. Buddanın dediyi kimi: “İnandığınız nədirsə, o, olursunuz”.
2. Pinterest. Sonsuz ilham mənbəyi
Bu tətbiq tükənməz bir ilham mənbəyidir: təmir, interyer dizaynı, fotoqrafiya, bağ dizaynı üçün ideyalar, həmçinin dəb, idman, səyahət, avtomobil, yemək və daha nələr-nələr haqda sonsuz foto kataloqudur. Bütün bunlar müəyyən bir mövzuya aid şəkillərin əlavə olunduğu lövhəyə bənzəyir.
Bəyəndiyiniz şəkillərə şərh yaza, onları yadda saxlaya və ya dostlarınızla paylaşa bilərsiniz. Məsələn, fotosessiya üçün ideyaları saxlaya və bu “lövhəni” fotoqrafınızla paylaşa bilərsiniz. Pinterest-dəki bütün sancaqlar veb saytlarla əlaqələndirilmiş vizual əlfəcinlərdir. Buna görə də, təsvirin obyekti haqqında əlavə məlumat əldə edə bilərsiniz: bəyədiyiniz qabları haradan almaq olar və ya tətilə getdiyiniz yerdə bu məftunedici restoran hansıdır.
Sınamağa dəyər. Yeni il üçün balkonu çələnglə necə bəzəyəcəyinizə baxın, interyer dizaynından, döymə eskizlərindən ilham alın, uşaq geyimləri üçün biçimlərə baxın – axtarışa sizi maraqlandıran mövzunu daxil edin – bundan sonra baş verənlər başınızı döndürəcək.
3. Freeform. Hər şey nəzarət altındadır
Freeform iş və yaradıcılıq üçün Apple-ın özəl tətbiqidir. Bu, çevik funksionallığa malik virtual lövhədir. Bütün növ fayllar dəstəklənir: mətn, fotoşəkillər, videolar, keçidlər, PDF sənədlər, səs yazıları, stikerlər, rəsmlər, qrafiklər. Demək olar ki, bütün bunların yerini, ölçüsünü və hətta şəffaflığını dəyişdirərək ayarlarını dəyişdirmək olar. Ümumiyyətlə, sanki bir neçə proqram bir aradadır – düşünülmüş və intuitiv aydın.
Freeform fotosessiyaya hazırlıq, məktəb üçün və ya biznes layihənin hazırlanması, universitet tədqiqatı üçün mudbord qismində və ya elan lövhəsi və s. kimi istifadə oluna bilər. Bu, ideyalar vizualizasiyası üçün əla vasitədir.
İstəsəniz, layihəni qohumlarınız, ailə üzvləriniz və ya həmkarlarınızla paylaşaraq birlikdə istifadə edə bilərsiniz. Birbaşa FaceTime zəngi zamanı birlikdə işləyə bilməyiniz də çox rahatdır! Həmçinin işinizin təkcə iPad-də deyil, iPhone və Mac-də da əlçatan olması çox əlverişlidir. Freeform tətbiqinin istifadəsi barədə ətraflı buradan oxuya bilərsiniz.
4. Дневник Day One. Öz hisslərinizdə fokuslanmağın yolu
Beynimizin quruluşu elədir ki, o, “tamamlanmamış dövrlərdən” yorulur. Onlar gün ərzində yaranan mənfi hisslərimizi və emosiyalarımızı görməzdən gəldikdə meydana çıxır. Biz onları yaşamadıqda, narahat hisslər üzə çıxmağa davam edir. Bu səbəbdən şəxsi gündəliyin aparılması çox önəmlidir: başınıza gələnləri qeydə almaqla siz həmin hadisələri dərk edir və “tamamlayırsınız”. Mental sağlamlığınız üçün bu çox önəmlidir.
Rəqəmsal gündəlik Day One – iPad üçün ən yaxşı həyat tərzi proqramıdır. O, 15 milyon dəfə yüklənib və bütün dünyada 200.000 əla reytinq qazanıb. Tətbiq incəliklərinədək düşünülmüşdür və həyatınızı nizama salmağa imkan verir. Fikirlərinizi qeydə alın, gününüzlə bağlı foto və ya videolar əlavə edin, fiziki aktivlik, dinlədiyiniz musiqi, məkan və hətta həmin günə olan hava haqqında məlumatı da əlavə edin. İndi bu, sizə hisslərinizə köklənməyə kömək edəcək, bir müddət sonra isə yaşadığınız anlara qayıtmağa imkan verəcək.
Day One müəllifliyiniz altında rəqəmsal jurnal kimi görünür. Onu “vərəqləmək” həqiqətən çox xoşdur. Vaxtaşırı tətbiq xatirələrinizi yeniləmək üçün “Bu gün” bildirişləri göndərəcək. Bundan başqa, Əsas ekranda gözəl bir sitat var: cüzi bir şeydir, lakin yenə də gözəldir.
5. A Soft Murmur. İstirahət üçün fon
Bu proqram ətraf mühitin səs-küyünə həssas olanlar üçün qurtuluşdur: ofisdəki söhbətlər, qonşudakı drelin səsi, ictimai nəqliyyatda ağlayan uşaq və s. A Soft Murmur kolleksiyası təbiətin 10-dan çox fon səslərini ehtiva edir: göy gurultusu, külək, sisəklər, çatırtılı ocaq, quşların nəğməsi, sahilə çırpılan dalğaların səsi, yağış və s. Onları miks edə, həcmini və intensivliyini dəyişdirə, həmçinin kolleksiyanıza əlavə edə və hətta “treki” sosial şəbəkələrdə paylaşa bilərsiniz. Tətbiqdən istifadə etmək çox asandır və İnternet bağlantısı olmadan işləyir.
Fon səsləri səs-küylü mühitdə diqqətinizi işə və ya təhsilə cəmləməyə kömək edir və təbiət səslərinin sədaları altında daha tez rahatlaşıb yuxuya getməyə imkan verir. Yuxuya getdiyiniz zaman isə iPad-i söndürmək üçün siz taymer təyin edə bilərsiniz.
6.Notion. Vaxtınızı nizamlamaq üçün
Bu, işlərin sadə və aydın təşkili üçün bir tətbiqdir. Onun prinsipi ondan ibarətdir ki, sizə lazım olan hər şey həmişə əlinizin altında olsun. Buna görə də, Notion Evernote, Trello və Google Docs kimi digər məşhur tətbiqləri asanlıqla əvəz edir.
Notion ağıllı bloknot kimidir: siz tapşırığa aid olan hər şeyi bir səhifəyə əlavə edə bilərsiniz, məsələn, mətn, şəkillər, audio, fotoşəkillər, videolar, linklər, cədvəllər, kodlar və digər məzmunları. Səhifələri öz aralarında asanlıqla qruplaşdırmaq və bir-birinə bağlamaq olur. Bir layihə üzərində fərdi şəkildə və ya komanda ilə birlikdə işləyə bilərsiniz.
Notion məqalələr yazmaq, mudbord lövhələri yaratmaq, büdcəni aparmaq və izləmək istədiyiniz filmləri yadda saxlamaq üçün əlverişlidir. Siz burada portfolio və ya şəxsi məlumatlarınızı, həmçinin müştəri məlumat bazasını saxlaya və sifarişlər üçün ödənişlərə nəzarət edə bilərsiniz. Ümumiyyətlə, Notion-un istifadə sahəsi çox genişdir. Buna görə də, bu tətbiq Nike, Tinder, McDonald’s kimi nəhənglər tərəfindən istifadə olunur. Məsələn, Figma şirkəti, Notion-da işçilər üçün bilik bazasına malikdir.
7. Feedly. Bütün xəbərlər bir tətbiqdə
Hər gün biz böyük məlumat axını ilə qarşılaşırıq ki, onun içində itmək asandır. Yeni xəbərləri axtarmaq üçün bir neçə dəfə eyni saytlara daxil oluruq, müxtəlif mənbələrdən xəbərləri oxuyuruq və ixtisaslaşmış saytlardan məlumat alırıq və bu, çox vaxtımızı aparır.
Feedly baxdığınız bütün saytları birləşdirəcək tətbiqdir: sevdiyiniz jurnallar, KİV, YouTube kanallar, bloqlar, veb saytlar – hamısı bir yerdə. Yalnız bir dəfə mənbəyə abunə olmaq kifayətdir, bundan sonra yeniləmələr xəbər lentinizdə əks olunacaq. Rahatlığınız üçün saytları qruplara bölmək olar: iş, əyləncə, xəbərlər. Siz həmçinin tətbiqin şriftini dəyişə, tünd temanı seçə bilərsiniz (əgər qaranlıqda oxuyursunuzsa). Maraqlı olan mövzularda faydalı məqalələrə əlfəcin qoymaq də rahatdır.
Feedly-nin RSS aqreqatoru ingilis dilində mövcuddur, lakin interfeys o qədər aydındır ki, hətta təcrübəsiz istifadəçi də baş çıxaracaq.
Bu məqalədəki bütün tətbiqlər iPhone-da da mövcuddur, buna görə də onlardan alınan məlumatlar həmişə əlinizin altında olacaq. Lakin bu tətbiqlərin potensialı ən yaxşı şəkildə iPad-də aşkar edilir. Çünki smartfonda displey çox kiçikdir Mac-də isə əl ilə yazmaq imkanı yoxdur.
iPad-ləri iSpace mağazalarından əldə edin: bizdə cari modellərin bütün çeşidləri mövcuddur. Onların hamısı açıq vitrində təqdim olunmuşdur: satın almadan əvvəl gəlib cihazlarla tanış ola bilərsiniz.
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
