Apple yeni Double Tap funksiyası ilə Apple Watch Series 9 və Apple Watch Ultra 2-ni təqdim etdi

Apple-ın yeni ağıllı saatı istifadəçilər üçün yeni innovasiya imkanları təqdim edir. Milyonlarla insanın həyatını daha rahat edən cihaz artıq  daha da məhsuldar, etibarlı və rahat oldu. İndi Apple Watch tarixindəki ən güclü S9 SiP çipi, təkmilləşdirilmiş enerji səmərəliliyi, iki dəfə toxunma jesti, Siri və təhlükəsiz giriş və sağlamlıq haqqında məlumatlarının qeydinə malikdir. Bunların hamısı haqqında sıra ilə danışacayıq.

S9 SiP çipi

Bu, Apple-ın yeni ən yaxşı prosessorudur. O, sistem miqyasında təkmilləşdirmələr və iki dəfə toxunma jesti və Siri kimi fusiyaları birbaşa saatınıza gətirir. 4 nüvəli Neural Engine sayəsində yeni saat maşın öyrənmə tapşırıqlarını əvvəlki Series 8 modeli ilə müqayisədə iki dəfə tez həll etmə gücünə malikdir. Enerji səmərəliliyi də yüksəkdir, belə ki, yeni S9 Sip çipi Apple Watch 9-a 18 saata qədər oflayn işləməyə imkan verir.

Apple Watch Ultra 2 performansı daha da yaxşıdır: 36 saata qədər aktiv istifadə, aşağı enerji rejimində isə 72 saata qədər dözümlüdür. Bu, ekstremal fəaliyyətləri sevənlər üçün ideal saatdır. Onlar hətta dalğıc, uçurtma sörfinqi və veykbordinq üçün də uyğundur. Ultra 2 seriyalı saatlar 40 metr dərinliyə qədər fəaliyyətini aktiv saxlaya bilir.

Daha parlaq ekran

S9 Sip çipi tərtibatçılara yeni Apple Watch-da daha böyük ekran parlaqlığına nail olmağa imkan verdi. Apple Watch 9-da ekranın maksimal parlaqlığı 2000 nit-ə qədərdir ki, bu da Series 8-in imkanlarından iki dəfə çoxdur.

Apple Watch Ultra 2 modelində isə – 3000 nit-ə qədər, bu, 1-ci nəsil Ultra-dan 50% daha parlaqdır.

İndi istifadəçilər parlaq günəş işığında istənilən mətni daha rahat oxuya biləcəklər. Minimum parlaqlıq dəyəri 1 nitdir. O, qaranlıq otaqda oxumaq üçün və ya məsələn, səhər tezdən, o anda yaxınlıqdakıları narahat etmək və ya diqqətini çəkmək istəmədiyiniz zaman uyğundur.

Yeri gəlmişkən, Apple Watch Ultra 2-də fənər də təkmilləşdirilib: Digital Crown-un fırlanması yolu daha yaxşı işıqlandırmaq üçün parlaqlığı müvəqqəti olaraq ikiqat artırır.

İki dəfə toxunma jesti

Hər bir yeni nəsil saat istifadəçi təcrübəsini daha da heyrətamiz və zövqlü etmək üçün hazırlanmışdır. Səsi söndürmək üçün klikləmək, sürüşdürmək, biləyini qaldırmaq və örtmək kimi jestlərə indi Double Tap (iki dəfə toxunma) jesti də daxildir. Funksiya cihazın özünə toxunmadan saatınızı idarə etməyə imkan verir. Aşağıdakı fotoda olduğu kimi baş və şəhadət barmağınızın uclarına iki dəfə toxunmaq kifayətdir. İki dəfə toxunma tətbiqdəki əsas düyməni idarə edir. Bu, sizə zənglərə cavab verməyə və ya əksinə zəngləri bitirməyə, musiqi qoşmağa, həyəcan siqnallarını dayandırmağa, fotoşəkil çəkməyə və s. funksiyalara imkan verir.

İki dəfə toxunma jesti daha sürətli Neural Engine sayəsində həyata keçirildi. O, akselerometr, giroskop və optik ürək sensorundan məlumatları emal edir. Alqoritmlər barmaqlar bir-birinə iki dəfə toxunduqda biləyin mikro hərəkətlərini və qan axınındakı dəyişiklikləri qeyd edir.

Siri birbaşa saatınızda

Daha bir gözəl yeniləmə ilə qarşınızdayıq: Siri sorğuları indi birbaşa cihazda işləmək imkanı verir. İnternetə çıxış tələb etməyən sorğulara cavablar daha dəqiq və operativ olacaq. Məsələn, bir məşqə başlamaq üçün bir sorğu, taymer təyin edilməsi və s. Bundan əlavə, Neural Engine sayəsində komanda (saat ilə kontakt) da daha dəqiq olub – Apple Watch 8 ilə müqayisədə tam 25% daha artıq!

Ağıllı saatlarda məlumatların işlənməsi tamamilə məxfi və təhlükəsizdir. Siri isə Health proqramından məlumat əldə etmək üçün istifadə edilə bilər. Səsli köməkçidən istifadə edərək istifadəçi dünən gecə necə yatdığı və aktivlik halqalarının bağlı olub-olmaması barədə məlumat istəyə, həmçinin çəki parametrlərində və istifadə etdiyi dərmanlarda dəyişiklik edə bilər.

Daha dəqiq iPhone axtarışı

Bu, Apple Watch və iPhone cütlüyünün istifadəçiləri arasında ən sevimli xüsusiyyətlərdən biridir. Çox vaxt smartfonu harasa atıb onu tapa bilmirik. Ancaq sadəcə saatda axtarış funksiyasını aktivləşdirin səs və işıq siqnalları cihazın harada olduğunu sizə xəbər verəcəkdir. 2-ci nəsil UWB çipi iPhone 15 seriyası üçün axtarışı daha dəqiq edir. Dəqiq tapma funksiyası məsafəni və istiqaməti aşkar edir və çatışmayan elementlər üçün vizual, toxunma və audio ipuclarını təmin edir. Hətta başqa otaqda olsa belə bu funksiya rahatlıqla işləyir.

Mövcud rənglər və ölçülər

Apple Watch Series 9 41 mm və 45 mm ölçülərdə heyrətamiz rənglərdə təqdim olunur: Çəhrayı, Ulduz işığı, Gecə yarısı, Gümüş, alüminium korpusda (PRODUCT)RED, həmçinin qızıl, gümüş və qrafitdə paslanmayan polad korpus seçimləri ilə. 

Müştərilərə həmçinin Hermes və Nike qayışlarının yeni kolleksiyası təklif olunacaq. Bu əməkdaşlıq çərçivəsində “Apple” təkcə gözəl və rahat aksessuarlar deyil, həm də ekoloji cəhətdən təmiz aksesuarlar hazırlamağı qarşısına məqsəd qoyub. Və bu, ekoloji problemlərdən narahat olanlar üçün çox xoş xəbərdir. Apple planına sadiq qalır və 2030-cu ilə qədər məhsullarının istehsalında karbon izinin tamamilə yox olmasını əldə etməyi planlaşdırır.

Apple Watch Ultra 2 təkrar emal edilmiş titan korpusu ilə 49 mm ölçüdə mövcuddur. Yeri gəlmişkən, saatın qablaşdırmasındakı yeni loqo indi belə karbon neytrallığından danışır.

 
Xatırladaq ki, “Apple” şirkətinin yeni məhsullarının təqdimatı sentyabrın 12-də axşam saatlarında baş tutub. Şirkətin yeni məhsulları arasında təkcə Apple Watch Series 9 və Apple Watch Ultra 2 deyil, həm də iPhone 15 seriyası var. Çox yaxında bütün yenilənmiş cihaz modelləri bütün iSpace mağazalarında satışa çıxarılacaq. Alışınızı öncədən sifariş etmək və çoxdan gözlənilən cihazları ilk əldə etmək üçün bloqumuzu və Instagram postlarımızı izləyin.