Dünən baş tutan Apple Event, pərəstişkarlarına çoxdan gözlənilən iPhone modellərini təqdim etmədi: yenilənmiş smartfonlar oktyabr ayında gözlənilir. Lakin developerlər istifadəçiləri Apple Watch Series 6, daha büdcəli Apple Watch SE, iPad Air və 8-ci nəsil iPad ilə sevindirdilər.

Pandemiya səbəbindən tədbir yenə də tamaşaçısız baş tutdu. Təqdimatın özü Apple şirkətinin qərargahının həyətinin ətrafında, kameraların möhtəşəm çəkilişi ilə başladı. Apple Watch-un gündəlik həyatda sahiblərini nə qədər kömək etdiyini vurğulayan şirkət rəhbəri, Tim Kuk, təqdimatı açıq elan etdi.

Apple Watch Series 6 

Cihaz, ekranın heç vaxt sönməməsi texnologiyası ilə təchiz edilmişdir – bu da o deməkdir ki, ağıllı saatı istifadə etmədikdə ekranın rəngi solur. Yeni versiyada Apple saatın enerji qənaət qabiliyyətini təkmilləşdirdi: eko rejimdə ekran 2,5 dəfə çox parıldadığı üçün bütün bildirişlərə rahatlıqla baxa bilərsiniz.

Ümumilikdə, bu Apple Watch Series 5 modelinin inkişaf etmiş versiyasıdır. Əsas fərqlər yeni prosessor, nəbz oksimetrinin və yeni növ rənglərin olmasıdır.

Beləliklə, altıncı seriyadakı S6 çipi əvvəlki modeldən 20-25% daha sürətlidir. Həm də sürətli şarj imkanı da yarandı – tam şarj üçün bir saatdan bir az çox vaxt tələb olunur.

Qanda oksigen səviyyəsini ölçmək üçün sensor gələcəkdə xəstəliyin ilkin mərhələlərində qrip və koronovirusun aşkarlanmasına kömək edəcək, lakin hələlik istifadəçi üçün yalnız ölçmə tarixi mövcud olacaq.

Və sonuncu xüsusiyyət – saat üçün yeni qırmızı və göy rəngli korpusların olmasıdır. Əlbəttə ki, klassiklərin tərəfdarları üçün ənənəvi – gümüşü, tünd boz və qızılı rənglər mövcud olacaq. Kəmərlər isə yalnız silikondan deyil, həmçinin toxunuşlu olacaq.

Apple Watch SE

iPhone SE kimi Apple Watch SE də çox əlverişli olacaq. Bu vaxta qədər ən büdcəli model Apple Watch Series 3 hesab olunurdu. Beləliklə, yeni saat S5 prosessoru istifadə olunur ki, bu da onu Series 3 modelindən iki dəfə sürətli edir.

Saat yalnız alüminium korpusda və artıq qeyd olunan klassik rənglərdə mövcud olacaq.

Yeri gəlmişkən, Apple Watch üçün yeni Fitness+ xidməti hazırlanıb, lakin bu haqda ayrıca danışacağıq.

8-ci nəsil iPad

İki saat təqdim edən Apple, iki iPad modelini də dünyaya təqdim etmək qərarına gəldi. Səkkizinci nəsil iPad 10,2 düymlük Retina displey və maşın tədrisini dəstəkləyən A12 Bionic prosessoruna malikdir.

Apple, 8-ci nəsil iPad modelinin Windows noutbuklarından iki qat daha güclü olduğunu bildirdi. Yeni A12 çipi planşetin məhsuldarlığını 40% artırmağa imkan verdi. Bundan əlavə, bu model birinci nəsil Apple Pencil ilə işi dəstəkləyir.

iPad Air

Bu məhsul bir neçə səbəbdən istifadəçiləri xoş təəccübləndirdi. Birincisi, planşet ilə birlikdə şirkət A14 Bionic prosessorunu təqdim etdi. Bu 6 nüvəli prosessor sayəsində iPad Air məhsuldarlığını 30-40% artırmış oldu.

İkincisi, planşet beş – gümüşü, boz, yaşıl, çəhrayı və mavi rənglərdə təqdim olunub.

10,9 düymlük Retina displeyi istifadə olunur. Developerlər Touch ID barmaq izi skanerini planşetin üst panelindəki düymədə gizlədiblər. Skaner cihazın kiliddən azad etməklə yanaşı, eyni zamanda avtorizasiyanı təsdiqləmək və onlayn alış-veriş üçün ödəniş etmək kimi funksiyaları özündə birləşdirir.

Sonda qeyd etmək lazımdır ki, arxa panel təkmilləşdirilmiş 12 Mp kamera ilə təchiz olunub. Kamera 4K video və yüksək sürətli Wi-Fi 6 bağlantısını dəstəkləyir.

 

Bundan əlavə, Apple Fitness+ və Apple One xidmətləri təqdim olunub. Bir az sonra onları sizlə tanış edəcəyik. Yaxın vaxtda isə dünənki tədbirdə təqdim olunan yeni məhsullarla bağlı ətraflı press-relizlər gözləyin.

Hər zaman xəbərdar olun!

Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir