Kompüterdə bir şey göstərmək lazımdırsa, bunu ekran görüntüsündən istifadə edərək etmək daha yaxşıdır. MacOS-da onu yaratmaq üçün klaviaturada qısayol mövcuddur. Həm bütün ekranın, həm də onun üzərində seçilmiş ərazinin skrinşotunu çəkə bilərsiniz.
İndi sizə bunu necə edəcəyinizi izah edəcəyik.
Mac-da ekran görüntüsünü (skrinşot) necə çəkməkolar?
- Shift, Command və 3 düymələrinə eyni anda basın.
Mac-da ekranın müəyyən bir hissəsinin skrinşotunu necə çəkmək olar?
- Shift, Command və 4 düymələrinə eyni anda basın.
- Kursor xüsusi bir işarəyə çevriləcək. Mausun sol düyməsini (və ya trekpad) basıb saxlayın və ekranda istədiyiniz sahəni seçin. Şəkil çəkmək üçün düyməni buraxın.
- “Escape” düyməsi ilə skrinşot yaradılmasını ləğv edə bilərsiniz.
Mac-da bir pəncərənin skrinşotunu necə çəkmək olar?
- Skrinşot çəkmək istədiyiniz menyunu və ya pəncərəni açın.
- Shift, Command, 4 və Spacebar düymələrini eyni vaxtda basıb saxlayın. Kursor kamera simvoluna çevriləcək.
- Skrinşot çəkmək üçün menyu və ya pəncərəyə klikləyin.
Mac-da skrinşotlar harada saxlanılır?
Bir qayda olaraq PNG formatında masaüstündə.
MacOS Mojave-dən başlayaraq və əməliyyat sisteminin sonrakı versiyalarında saxlanılan ekran görüntülərinin yeri dəyişdirilə bilər. Bunu etmək üçün “Screenshot” proqramında “Options” menyusuna keçin.
Mac-da skrinşotu necə redaktə etmək olar?
Ekrana şərhlər, başlıq, xətlər, oxlar və digər obyektlər əlavə edə bilərsiniz. Həm də şəklin ölçüsünü dəyişdirə və rəngini tənzimləyə bilərsiniz. Bütün bunlar macOS-un daxili funksionallığından istifadə etməklə həyata keçirilir.
Redaktəyə davam etmək üçün sağ alt küncdəki skrinşotun kiçik şəklinə klikləyin (onu yaratdığınız zaman görünəcək) və ya iş masasında şəkli açın və “Markup” düyməsini basın.
