iPhone 14 Pro və Apple Watch 8-də yeni yol-nəqliyyat hadisəsinin aşkarlanması funksiyası həmkarımızın həyatını xilas etdi. Hekayəni sizinlə paylaşırıq.
Başlıqlar
Nə baş verdi?
Əvvəlcə qeyd etmək lazımdır ki, Apple istifadəçilərinin rəqəmsal təhlükəsizliyinə böyük önəm verir. Son illər isə tərtibatçılar onların fiziki vəziyyətlərinə də diqqət yetirir. Apple Watch-un vəziyyətinizi təhlil edən, nəbzi izləyən, xəstəliklər haqqında xəbərdar edən və sahiblərinin yıxılmasını izləyə bilən funksiyalarının davamlı təkmilləşdirilməsi də elə buradan qaynaqlanır.
Lakin Kupertinoda daha da irəli gedərək Apple Watch 8 və iPhone 14-ə qəzaları tanımağı öyrətdilər. Təsadüfən həmkarımız bu yaxınlarda real şəraitdə bu funksiyanı sınaqdan keçirmiş oldu.
Hər şey çox tez oldu. O qədər tez ki, Dima özünə gəlməyə vaxt belə tapmadı, qəzadan sonra isə çox şey yaddaşından silindi. Hadisələrin ardıcıllığını yalnız hadisə şahidlərinin, eləcə də smartfondakı zənglərin və mesajların tarixcəsi sayəsində müəyyən etmək mümkün oldu. Hadisə belə oldu: Pinskdən Qomelə gedərkən yorğun və yuxusuz olan Dima sükan arxasında yuxuya gedir və qarşı zolağa çıxır. Qarşıdan gələn avtomobillə toqquşma o qədər şiddətli olur ki, kələyi kəsilir: o,huşunu itirmir, lakin travmatik şokda olur.
Dima özünü itirir Apple Watch 8 isə heç vaxt itirmir. Smart-saat yol-hərəkət hadisəsini təyin edərək iPhone-a siqnal ötürür və, o, xilasetmə xidmətini çağırır. Həmçinin fövqəladə hal zamanı əlaqə kimi göstərilən nömrəyə cihazdan avtomatik olaraq qəzanın koordinatları olan mesaj göndərilir. Təcili yardımla əlaqə saxlayan fövqəladə hal üçün qeyd olunan kontakt – anası idi – o, əvvəlcə aldığı bildirişi bir növ sistem nasazlığı zənn edir. Lakin eyni bildirişi alan həyat yoldaşı ilə əlaqə saxladıqdan sonra hər şey aydın olur: oğulları həqiqətən qəzaya düşmüşdür.
Baş verənlər nəticəsində yoldaşımız Petrikov rayon xəstəxanasının reanimasiya şöbəsinə yerləşdirilmişdir. Dima qapalı kəllə-beyin travması, beyin silkələnməsi, sol qolunda çoxsaylı sınıqlar və bütün bədənində əzik xəsarətləri almışdır. “Toyota” markalı avtomobil təmirə yararsız vəziyyətdədir.
Ancaq xoşbəxtlikdən bu hekayənin sonu yaxşı oldu. Həmkarımız sağdır və sağalır –önəmli olan da budur. Ümumilikdə isə bu sadəcə bir xoşbəxt hadisə deyildi. Burada Apple-ın yeni funksiyasını layiqincə dəyərləndirmək gərək: hər saniyənin qızıldan qiymətli olduğu bir vəziyyətdə o həyat xilas etdi.
Crash Detection funksiyası necə çalışır?
Crash Detection funksiyası minik avtomobillərində ciddi YNH-nin təyin edilməsi üçün nəzərdə tutulmuşdur. Avtomobildə sürücü və ya sərnişin qismində olmağınızın heç bir fərqi yoxdur. Texnologiya avtomobilin yuvarlanması, eləcə də ön, yan və ya arxadan toqquşmaları aşkar edir. Bu, Apple cihazlarında quraşdırılmış yüksək dinamik diapazonlu giroskop, akselerometr, GPS, barometr, mikrofon və qabaqcıl hərəkət alqoritmləri sayəsində mümkün olur.
Qəzanı aşkar etdikdən sonra iPhone və ya Apple Watch 10 saniyə ərzində həyəcan siqnalı verəcək və ekranda müvafiq xəbərdarlıq göstərəcək. Bundan sonra mexanika belədir:
- əgər köməyə ehtiyacınız varsa və əlinizi hərəkət etdirə bilirsinizsə, əməkdaş ilə danışmaq üçün təcili zəng slayderini soldan sağa sürüşdürün;
- köməyə ehtiyacınız varsa, lakin bildirişə cavab verə bilmirsinizsə, geri sayımdan sonra cihaz avtomatik olaraq xilasetmə xidmətinə zəng edəcək;
- zəng gedir, lakin sizin köməyə ehtiyacınız yoxdursa, əməkdaşın cavabını gözləyin və bu barədə ona məlumat verin;
- tibb kartında qeyd olunan fövqəladə əlaqələr də sizin koordinatlar qeyd olunan bildiriş alacaqlar.
iPhone 14-də “Qəza aşkarlaması” funksiyasını necə qurmalı?
İlk növbədə hansı iPhone və Apple Watch modellərinin “qəza aşkarlanması” funksiyasını dəstəklədiyini müəyyən etmək lazımdır. Siz həmçinin onları iOS və watchOS-un ən son versiyalarına yeniləməlisiniz: iPhone 14, iPhone 14 Plus, iPhone 14 Pro, iPhone 14 Pro Max, Apple Watch Series 8, Apple Watch SE II, Apple Watch Ultra.
Qəzanın aşkarlanması funksiyasını xüsusi olaraq ayarlamağa ehtiyac yoxdur, çünki o, standart olaraq aktivdir. Ancaq buna əmin olmaq və ya onu söndürmək istəyirsinizsə, növbəti yolu izləyin.
iPhone-da:
- “Ayarlar” tətbiqini açın.
- “Fövqəladə zəng – SOS” seçin.
- “Ciddi qəzadan sonra zəng”-i aktiv və ya deaktiv edin.
Apple Watch-da:
- iPhone-da Apple Watch tətbiqini açın.
- “Mənim saatım” əlavəsində “Fövqəladə zəng – SOS” seçin.
- “Ciddi qəzadan sonra zəng”-i aktiv və ya deaktiv edin.
Apple cihazınızın ailənizi və ya dostlarınızı hadisə barədə xəbərdar etməsi üçün Tibbi Kart və təcili yardım kontaktlarını FH üçün ayarlayın. Bunu “Fövqəladə zəng – SOS” bölümündə “Ayarlar” və ya “Sağlamlıq” tətbiqində edə bilərsiniz.
Önəmli məqam: əgər sizin smart-saatınız yox təkcə iPhone-unuz varsa, iPhone Bluetooth və ya CarPlay-ə qoşulu olmalıdır. Üstəlik, siz avtomobilinizi müəyyən məsafəyə sürməlisiniz: o zaman iPhone-dakı GPS magistral yolda hərəkət etdiyinizi göstərəcək və funksiyanın işə düşmə ehtimalı daha yüksək olacaq.
İnanmaq istərdik ki, siz heç vaxt bu məlumatdan istifadə etməli olmayacaqsınız. Lakin vəziyyət başqa cür olarsa buna hazır olun: Apple cihazlarınızı elə ayarlayın ki, onlar sizin üçün yardım çağıra bilsin.
Sizə qayğı ilə iSpace komandası.
