Hibrid formatda iclaslar təşkil edə bilmək üçün 9 tövsiyə

Koronavirus pandemiyasından sonra tədbir məkanı anlayışı həmişəlik dəyişdi. İndi bir çox şirkət hibrid görüş formatından aktiv şəkildə istifadə edir, oflayn və onlayn əməkdaşları eyni masada bir araya gətirir. 

Belə tədbirləri necə keçirmək olar? Hər şey necə baş verir? Kameranı qoşmaq, yoxsa qoşmamaq? Gəlin bu barədə ətraflı oxuyaq. 

Çoxsaylı araşdırmalar göstərir ki, onlayn zənglər zamanı kameranın işə salınması iştirakçıları məşğul saxlayır. Eyni zamanda, digər ekspertlər insanların Zoom və digər veb-görüş proqramlarından bezdiyini iddia edirlər. Hətta belə bir termin də var «Zoom fatigue» – onlayn videokonfransla əlaqəli zehni tükənmə mənasına gəlir. 

Sağlam hibrid görüşlər yaratmaq üçün bu ifratlar arasında tarazlıq yaratmalısınız. Bu işdə sizə kömək edəcək 9 tövsiyəmiz var. 

1. Hər kəs bərabər səviyyədədir: kamera ya açıqdır, ya da sönülü. Hər hansı birini seçməlisiniz, çünki kimsə görüşdə olduqda və kimsə iştirak etmədikdə, mövcud vəziyyər narahat bir mühit yaradır. Təsəvvür edin: bütün həmkarlar sizi görür və necə reaksiya verdiyinizi başa düşürlər. Başqalarının reaksiyasını bilmirsən və sanki boşluğa danışırsan. Üstəlik, kamerası söndürülən şəxs “aktiv” həmkarları ilə müqayisədə dialoqa daha az qatılır. Həmçinin o, diqqət çəkmək üçün daha çox səy göstərməlidir.

2. Vacib görüşlər və təkbətək zənglər zamanı həmişə kameranızı yandırın. Vacib məsələləri müzakirə etmək, hər hansı pis xəbəri demək və ya sadəcə rəy bildirmək üçün zəng etdiyiniz zaman kamera açıq olmalıdır. Fakt budur ki, bir-birimizi başa düşməyimiz daha çox həmsöhbətin üz ifadələrini şərh etmə bacarığından asılıdır. Xüsusilə duyğularla əlaqəli siqnallar. Buna görə də emojilər mövcuddur. Həmsöhbətlər bir-birinin üzünü görmədikdə ünsiyyətdəki boşluğu onlarla doldururlar.

3. Hibrid – şən tədbirlər üçün pis formatdır. Əgər görüşün məqsədi hər hansı bir əla xəbəri qeyd etməkdirsə, onda iştirak edən hər kəs ya onlayn, ya da oflayn olmalıdır. Bu cür hadisələrin necə işlədiyini yada salın: ofisdəki insanlar eyni anda danışır, gülür və əl çalırlar. Virtual iştirakçılar isə yalnız onların əyləncələrini izləyə bilərlər. Həmkarlarının arxasını görürlər, amma nə danışdıqlarını, nə zarafat etdiklərini eşitmirlər. Həmçinin söhbətlərdə rahat iştirak edə bilmirlər. Odur ki, hər kəsi görüşdə şəxsən iştiraka cəlb edə bilmirsinizsə, onda hamı üçün virtual edin.

4. Onlayn timbildinqlər üçün kameralar mütləq işə salınmalıdır. Əgər görüşün məqsədi komanda arasındakı əlaqəni gücləndirməkdirsə, o zaman kamera açıq olmalıdır. Digər bütün hallarda kamera söndürülə bilər.

5. Qarşıdan gələn zəngdə kameraların işə salınması lazımdırsa, komandanı əvvəlcədən xəbərdar edin. Bu, görüşə dəvət məktubunda qeyd edilə bilər. Beləliklə, heç kim təəccüblənməyəcək. Zəng başlayanda həmkarlarınızdan kameralarını yandırmalarını xahiş edin. Bunun vacib bir görüş olduğunu vurğulaya bilərsiniz və hər kəsin rahat danışmasını istəyirsiniz. Axı siz kompüterlə deyil, insanlarla işləyirsiniz. 

Amma kameranı yandırmaq qərarını iştirakçıların ixtiyarına buraxmaq pis fikirdir. Çünki bunu etməmək istəkləri ortaya çıxacaq. Həqiqətən, distant əməkdaşlar üçün söndürülmüş kamera pijamada qalmaq və ofis paltarı geyinməmək imkanı deməkdir.

6. Kameradan qaçmaq əməkdaşların özləri üçün elə də yaxşı bir fikir deyil. Görünüşünüzə diqqət yetirməyin özümüzə olan güvənə təsir etdiyini sübut edən bir çox araşdırma var. Amma bəzən insan rahatlaşır: evdəyəm, kamera sönür, məni heç kim görmür – niyə gözəl geyinib, özünə qulluq edirsən? Bu müntəzəm olaraq baş verərsə, gələcəkdə özünüzə qayğı göstərmək üçün motivasiya yoxa çıxa bilər. Bu, şüursuz şəkildə baş verir. Və ya əksinə: xarici görünüşümüzə arxayın olanda və hər an kameranı işə salmağa hazır olduğumuz zaman özümüzü daha yaxşı hiss edirik.

7. Hibrid görüşlərdə əvvəlcə virtual qoşulan iştirakçılar danışmalıdır. İnsanlar şəxsən tanıdıqları və yaxınlıqda olan şəxsləri daha çox qiymətləndirirlər. Bu, virtual olaraq görüşdə iştirak edən həmkarlarına qarşı qərəz yarada bilər. Onlar ilkin olaraq əlverişsiz vəziyyətdədirlər. Beləliklə, hər dəfə sual vermək və öz fikrinizi bildirmək vaxtı gələndə onlayn iştirakçılara üstünlük verin. Beləliklə, aranızdakı məsafəni kompensasiya edə və daha bərabər şərait yarada bilərsiniz.

8. Hibrid görüşdə virtual iştirakçılarının nə gördüyünü bir düşünün. Əgər siz veb-kamera ilə görüş otağında onlayn görüş keçirirsinizsə, o zaman heç kimin ondan üz döndərməyəcəyinə əmin olmağa çalışın. Bu, virtual həmsöhbətlərə arxanızı dönüb dayanmaqla eynidir. 

Kiçik, orta və böyük iclas otaqları üçün texnoloji həllər Logitech brendi tərəfindən təklif olunur. Onların daxil olduğu kameralar avtomatik çərçivələmə funksiyası ilə təchiz olunub. Siz bütün otağı çəkmək, aktiv dinamiki vurğulamaq və ya hər ikisini birləşdirməyi seçə bilərsiniz. Avtomatik miqyaslama sayəsində heç kim pərdə arxasında qalmayacaq. Videolar kinematoqrafiya keyfiyyətində yayımlanır və güclü ətraf səslə müşayiət olunur. 

9. Komandanın bir hissəsi onlayndırsa, adi fiziki lövhələr uyğun deyil. Görmək çox çətindir və virtual üzvlər görünüşə mane olan nəsə varsa, hərəkət edə bilməzlər. Buna görə də bir çox mütərəqqi şirkətlər öz iclas otaqlarını virtual lövhələrlə təchiz edirlər. 

Müasir bir həlli yenidən Logitech – Scribe-də tapmaq olar. Süni intellekt sayəsində sistem lövhədəki məzmunu yüksək dəqiqliklə videokonfransın bütün iştirakçılarına yayımlayır. Hətta virtual iştirakçılar da masada ən yaxşı yeri tuta biləcəklər.

Nəticə 

Dünya çoxdandır ki, yeni “normal”da yaşayır. Onlayn görüşlər artıq ekzotik görünmür və insanlar ən vacib məsələlərin belə uzaqdan həll oluna biləcəyinə öyrəşiblər. Komanda bu məqalədə göstərilən hibrid görüş etiketinə əməl etdiyi müddətcə. 

İstər yüksəksəviyyəli danışıqlara ehtiyacınız olsun, istərsə də hibrid iş mühitiniz olsun, biz Logitech-in həlləri ilə məhsuldar iş mühiti yaratmağınıza kömək edə bilərik. Onların imkanlarını ofisinizdə pulsuz sınaqdan keçirə bilərsiniz. Biz sizə demo dəsti gətirəcəyik, onu qoşacaq və hər şeyin necə işlədiyini sizə göstərəcəyik.