Bang&Olufsen: zamansız dəbdəbə 

Akustik brend olan Bang&Olufsen Danimarkada dunyaya gəlib – hər bir detalda ən yüksək keyfiyyətə, orijinallığa və estetikaya sadiqliyi ilə tanınan bir ölkədə. Mövcud olduğu 96 il ərzində B&O bu qaydalara əməl edir və həyatımızı rahat və xoş edən unikal audio avadanlıqlar yaradır. 

iSpace, brendin strategiyası ilə tanış olmaq və bu qədər rəğbət qazanan brend adını əldə etməkdə və zamanın sınağından keçməkdə şirkətə nəyin kömək olduğunu öyrənmək qərarına gəldi. Necə oldu ki, Bang&Olufsen adı status və dəbdəbə ilə sinonim oldu? 

B&O: dizayn və keyfiyyət qiymətdən daha üstündür 

Bang&Olufsen-in adamı başdan çıxardığını desək yalan olmaz. Siz özünüz də bunu hiss edirsiniz, deyilmi? Sizi qüsursuz keyfiyyətli akustika cəlb edirsə, sadə və, eyni zamanda, dəbdəbəli görünüşlü texnoloji yeniliklərə heyransınızsa icmalımızın nədən fikrinizi cəlb etdiyi bəllidir. Müştərinin brendə və onun məhsullarına olan simpatiyası da məhz bu üç təməl üzərində qurulur. 

Beosound Edge

Yeri gəlmişkən, Beosound Edge-də gerçək və güclü səs reproduksiyası üçün qabaqcıl akustik texnologiyadan istifadə olunur. Üstəlik, B&O-nin müxtəlif səs səviyyələrində mükəmməl bas üçün patentləşdirilmiş, dünyanın ilk Aktiv Aşağı Tezlik portu ilə təchiz olunmuşdur. 

Bang&Olufsen öz etibarını illərlə qazanmışdır. 100 ilə yaxın tarixi boyunca bu brend status, dəbdəbə, zəriflik və, əlbəttə ki, incə zövqlə assosiasiya yaratmağa başladı. Məhsul kataloquna keçməyiniz kifayətdir ki, hər şey tam aydın olsun. Təqdim olunan akustika eksklüzivdir və sahibin statusunu vurğulayır. 

Unikallıq: B&O “klonlarını” tapa bilməyəcəksiniz 

Saysız hesabsız qadcətlərlə əhatə olunan istifadəçilər aləmində istehsalçılar üçün önə çıxmaq çox çətindir. Lakin tarixlərinin ilk səhifələrindən etibarən Bang&Olufsen mühəndisləri və dizaynerləri buna nail olurlar. Həm də dəbdəbəylə!  

Məhz bu yerdə xatırlamaq yerinə düşür ki, şirkət sadəcə dünyanın ilk düymə ilə idarə olunan qəbuledicisi Master-39CH-i və ya Avropanın ilk çarxlı maqnitofonu Beocord-84U-nu yaratmaqla kifayətlənmədi. O, texnoloji tədqiqatların gözəl görünüşə sahib ola bilməyəcəyi stereotipini qırdı. Digər audio istehsalçıları öz cihazlarının dizaynı haqqında çox düşünməsələr də, macəraçılar Peter Bang və Svend Olufsen innovasiyaları vizual cəlbediciliklə birləşdirdilər. Buna necə nail olduqları haqda biz sizə linkdəki daha öncəki icmalımızda danışmışdıq. 

Beoplay M5, Beosound 1, Beosound 2, Beoplay A9, Beosound Edge

Üzərində B&O loqosu olan hər bir cihaz bənzərsiz bir interyer parçasını xatırladır. Ev audio sistemi olan Beosound Balance-a baxın. Bu cihaz güclü bas və zəngin səslənmə təqdim edən eksklüziv yeddi dinamikli akustik konfiqurasiyaya malikdir. Sistem səsi yönləndirə, həmçinin özünün otaqdakı yerini müəyyən edərək parametrləri bu şərtlərə uyğunlaşdıra bilir. Beosound Balance-ın daxilində əmrləri yerinə yetirən səs köməkçisi quraşdırılmışdır: ondan səsi artırmağı və ya azaltmağı, treki dəyişməyi, zəngli saat qurmağı xahiş edə bilərsiniz və hətta evinizdəki digər ağıllı cihazları idarə edə bilərsiniz. Nağıl kimidir! 

Lakin Londonda yerləşən Layer Design yaradıcılıq studiyasından Benjamin Hubert ilə əməkdaşlıqda hazırlanmış dizayna daha yaxından nəzər salın. Skandinaviya minimalizmi üslubunda, təbii ağacdan, alüminiumdan və trikotajdan hazırlanmış dinamik lampaya bənzəyir və buna görə də istənilən ev və ya ofis interyerinə məharətlə uyğunlaşır! İkinci beləsini görməyəcəksiniz! 

Solda – Beoplay A9, sağda – Beosound Edge, arxada – Beosound 1 və Beosound 2. 

Hər şeydə qüsursuzluq. Daha azına biz razı deyilik 

Məlumdur ki, yaxşı şeyə tez öyrəşirik. Bang & Olufsen öz işində ən yüksək standartlara sadiq qalır. Və artıq bu brendlə dostluq müddətində alıcının müəyyən gözləntiləri formalaşmışdır. B&O mühəndis və dizaynerlərinin məqsədi bu gözləntiləri doğrultmaq və ya aşmaqdır. Premium seqmentdə məhsul yaratdıqda bu çox önəmlidir. 

Bu materialdırsa, yalnız yüksək keyfiyyətli olmalıdır: anodlaşdırılmış alüminium, təbii ağac, yüksək keyfiyyətli dəri, premium tekstil. Eləsi olmalıdır ki ömürlük olsun. 

Bu səslənmədirsə, yalnız canlı, təmiz, təfərrüatlı olmalıdır. Elə olsun ki, qanınızı coşdursun. 

Bu texnologiyadırsa, ancaq müasir, öz dövrünü qabaqlayan olmalıdır. Və eyni zamanda aydın və rahat olmalıdır ki, gündəlik həyatda istifadə oluna bilsin. 

Əgər bu bir dizayndırsa, onda yalnız kult yaradan olmalıdır. Cihazınızı qürurla nümayiş etdirə və məkanınıza ahəngdar şəkildə uyğunlaşdıra biləsiniz deyə. 

Beosound Edge

Davamlılıq: B&O zamanla sınanmışdır 

Keyfiyyətli və eksklüziv məhsul yaratmaq üçün gərək öz işinizə ehtirasla bağlı olasınız. Həmçinin onu ithaf etdiklərinizi sevməlisiniz və bu yolçuluğun nəyə həsr olunduğunu anlamalısınız. Müştəriyə hörmət və həqiqi qayğı Peter Bang və Svend Olufsenə müştərilərinin sədaqətini və etibarını qazanmağa imkan verdi. 

Bəzi danışan faktları paylaşırıq. 

• Bang&Olufsen akustikası keçmişə nəzər salaraq gələcəyə baxışla istehsal olunur. 80-ci illərdə buraxılan cihazlar hələ də işləyir. Üstəlik, hələ də rəsmi servis mərkəzlərində onlara xidmət göstərilir. 
• Daha təəccüblü olan odur ki, belə hörmətli yaşda olan cihazlar daha müasir modellərlə uyğunlaşır. Onların bir çoxu Smart Home sisteminə qoşulur və səsli əmrləri başa düşür.  
• Əgər belə bir nadir əşya sizə miras qalıbsa, onunla vidalaşmağa tələsməyin, çünki illər ərzində belə vintage modellərin qiyməti nəinki enməz, hətta arta bilər. 
• Hətta brendin loqosu 1930-cu illərdə yaradılmasına baxmayaraq, aktual görünür. Sans serif şrifti onu çox müasir göstərir. Boz rəng zərifliyi göstərir, kompozisiyanın səliqəsi isə ev estetikasına sədaqətdən xəbər verir. Gördüyümüz kimi onlar bunu bacardılar. Yeri gəlmişkən, yəqin ki, təəccüblənəcəksiniz, lakin loqo dizaynı 16 yaşlı Honning Dahl Mikkelsenə məxsusdur. 

Şirkətin texnoloji tədqiqatları və istifadə olunan materiallar o qədər yaxşıdır ki, onlar möhkəmlik sınağından keçir. Dizayn həmçinin uzun illər boyu aktual olacaq. bu tam haqlı olaraq Bang&Olufsen-a simpatiya yaradır. 

Bu gün, məsələn, Beoplay A9 ev audio sistemini aldığınız zaman, böyük bir sərmayə qoyduğunuzdan əmin ola bilərsiniz. Bu, sadəcə Multiroom dinamiki deyil, həm də qonaqlarınızın diqqətini mütləq cəlb edəcək nəfis bir interyer parçasıdır. Maraqlıdır ki, bir çox alıcıda o, peyk antenası və ya atəş hədəfi təəssüratı yaradır. Panellər məşhur tekstil brendi Kvadrat ilə birgə dəbdəbəli yun qarışığı parçadan hazırlanır – onlar dəyişdirilə bilər və müxtəlif rənglərdə mövcuddur. 

Beoplay A9 Goggle Assistant, daxili Chromecast texnologiyası, AirPlay 2 və Bluetooth-u dəstəkləyir, həmçinin bu formatları dəstəkləyən istənilən dinamiklərə qoşulur. Səs güclü, həcmlidir və hər bir iSpace ziyarətçisini öz mənbəyini axtarmağa vadar edir: təbiidir, çünki orada 480 vatt gücündə rəqəmsal gücləndirmə sistemi durur. Ümumiyyətlə, Bang & Olufsen həmişə olduğu kimi tam hədəfdən vurdu! 

Beoplay A9

Müştərilərə qayğı 

Bang&Olufsen hər zaman öz müştərisinə qarşı qayğı nümayiş etdirməyə can atır və şirkət bunu müxtəlif formalarda ifadə edir. 

• Məsələn, yeni texnologiyanın işlənib hazırlanması və bazara çıxarılması zamanı şirkət mühəndisləri onun əvvəlki məhsullar və onların versiyaları ilə uyğunluğunu təmin edirlər. Beləliklə, brendin akustikası uzun illər aktuallığını qoruyub saxlayır. 
• Dizaynerlər cihazı yaradarkən ona müəyyən görünüş verdikdə alıcının onu zərif və rahat şəkildə interyerə uyğunlaşdıra bilməsi üçün çalışırlar. O, nəinki evin istənilən küncündə gözəl görünəcək, həm də meloman qonaqlarınızdan alqış da alacaq. 
• Şirkətin diqqəti həm də məhsullarının layiqli təqdimatına yönəlmişdir. Ətraflı press-relizlər, istifadəçi üçün vacib məlumatlar olan təlimatlar, həmçinin heyrətamiz videolar – onlar heyrətləndirir və tez bir zamanda yeniliyi sifariş etməyə sövq edir! 
• Yeri gəlmişkən, Bang&Olufsen brendin pərəstişkarları üçün həqiqətən maraqlı məzmun yaradır. Özünüzü səs dünyasına qərq etməyin ən rahat və əlçatan yollarından biri, hətta 2017-ci ildə British Podcast Awards qazanan Sound Matters podkastını dinləməkdir. Verilişin müəllifi, səs mühəndisi Tim Hinman dinləyiciləri təkcə audio texnologiyasının səsləri ilə deyil, həm də bizi əhatə edən səslərlə tanış edir. Ən maraqlı epizodlardan biri səslər və yaddaş arasındakı əlaqədən bəhs edir. Son mövsüm isə müxtəlif şəhərlərin səslərinə həsr olunub. Ümumilikdə, bu, həqiqətən möhtəşəmdir! 

Müştərilərinə qarşı bu diqqət və qayğı Bang&Olufsen-ə zəngin səs və dizayn irsinə malik kult brend statusunu hər il gücləndirməyə imkan verir. 

Beoplay H95

Bundan başqa, qeyd etmək istərdik ki, Bang&Olufsen öz məhsulları üzərində işləmək üçün yalnız ən yaxşılarını cəlb edir. Şirkətin tarixində Supreme, Saint Laurent, Louis Vuitton və digərləri kimi böyük şirkətlərlə uğurlu əməkdaşlıqları vardır. 

Məsələn, Louis Vuitton brendi Beosound 2 portativ rəqəmsal musiqi pleyeri üçün dəbli dəri çantanın yaradılmasında iştirak edib. Məhsul moda evində çamadan və ayaqqabıların istehsalında istifadə olunan Nomade dərisindən hazırlanmışdır. 

Kult rejissoru Devid Linçlə əməkdaşlığa nə deyirsiniz? Çox adam bunu bilmir, amma Linç həm də rəssamdır. 2017-ci ildə Beoplay A9 dinamikin qablaşdırmasının yaradılmasında iştirak etmişdir. İş o qədər uğurlu oldu ki, Bang&Olufsen təcrübəni təkrarlamaq qərarına gəldi və Lynch ilə birlikdə Paris Suite A9 dinamik sistemini buraxdı, hansı ki, Kvadrat dinamiki üçün Lynch-in məşhur Paris Suite seriyasına aid printi olan litografik örtüyə sahib oldu. Tiraj məhdud sayda idi (cəmi 30 nüsxə) və cəmi bir neçə saat ərzində satıldı. Beoplay M5 və P2 dinamiklərinin üzərində onun şəkli və lazerlə işlənmiş imzası əks olunmuşdur. Təbii ki, bu cihazlar da məhdud sayda buraxılmışdır, lakin kataloqumuzda siz bu modelləri klassik dizaynda tapa bilərsiniz. 

iSpace-ə gəlin. Gözəlliyə toxunun 

Bang&Olufsen sərgi salonları dünyanın hər yerində mövcuddur. Onların vitrinlərindən yan keçmək sadəcə mümkün deyil. Onlarda Danimarka brendinin ən məşhur cihazları göz oxşayır və sanki oraya daxil olmağınız üçün sizi səsləyir. İçəri girdikdən sonra gözlərinizi və qulaqlarınızı mümkün qədər geniş açmağa hazırlaşın! Bənzərsiz səs və parlaq, minimalist dizayn məskəninə daxil olun. 

Bang&Olufsen məhsulları ilə, o cümlədən simsiz qulaqlıqlar, ev audio sistemləri, portativ dinamiklər ilə istənilən iSpace mağazasında tanış ola bilərsiniz. Biz brendin Azərbaycanda səlahiyyətli tərəfdaşıyıq. Məsləhətçilərimiz sizə qacetlərin hətta gizli olan bütün imkanlarını göstərəcəklər. Siz əfsanəvi dizaynı öz gözlərinizlə görəcək, rahat funksionallığı təcrübədən keçirəcək və nəhayət, hər şeyi başladan özəl səsi eşidəcəksiniz.