Bang & Olufsen haqqında yəqin ki, eşitmisiniz. Bu, Hi-End audio avadanlıqları istehsal edən Danimarka şirkətidir. Şirkətin dizayna ixtiraçı yanaşması ona texnoloji innovasiyaları gündəlik həyata ustalıqla inteqrasiya etməyə imkan verir. Detallara olan diqqət o qədər valehedicidir ki, istər-istəməz özünüzü sinfinin ən yaxşı akustikası ilə əhatə etmək istəyi yaradır. Bir vaxtlar hətta Apple qurucuları Steve Jobs və Steve Wozniak da onun təsiri altına düşərək B&O müştərisi oldular, bu isə artıq çox şey deyir.
Başlıqlar
Tarixdən bi parça: ilk tədqiqatlar çardaqda yaradılmışdır
Hər şey 1925-ci ildə iki entuziast Svend Olufsen və Peter Bəngın dostluğu ilə başladı. Sonradan Danimarkanın şimal-qərbindəki Olufsen ailəsinin çardağında laboratoriya quran gənc mühəndislər, onların əsərlərinin əfsanəyə çevriləcəyini təsəvvür belə edə bilməzdilər.
Duetin ilk ciddi işi Eliminator adlı radio qəbuledici oldu. 1926-cı ildə o, bütün Danimarkada alternativ cərəyanla işləyən yeganə qəbuledici idi – ölkədəki cihazların əksəriyyəti batareya ilə işləyirdi. Sürətlə böyüyən pərəstişkarlar ordusunu dünyanın ilk düyməli idarəetməli qəbuledicisi olacaq Master-39CH və daha sonra Avropanın ilk çarxlı maqnitofonu Beocord-84U-nun meydana çıxması gözləyirdi.
Lakin Bang & Olufsen təsisçiləri təkcə texniki yeniliklər sahəsində deyil, həm də dizayn sahəsində qabaqcıl olmağa qərarlıydılar. Çünki 50-ci illərdə Danimarka evlərinin və mənzillərinin interyeri sürətlə dəyişməyə başlamışdı, radioların görünüşü isə yenilənməyə çox ehtiyac duyurdu. Funksional və eyni zamanda gözəl qurğular yaratmaq arzusu sonrakı işlərin vektorunu təyin etdi.
Gözəl səslənir. Gözəl görünür
Hər bir Bang&Olufsen cihazı innovativliyi ilə seçilir. Hətta brendin bütün məhsullarından loqonu silsəniz belə, alıcı hansının Bang & Olufsen tərəfindən istehsal olunduğunu dəqiqliklə müəyyən edəcək. Onları heç nə ilə səhv salmaq olmaz.
Gəlin Beosound Balance-ə nəzər salaq. Bu ev sistemini yaradarkən dizaynerlər interyer əşyalarından ilham almışdırlar. Bir onun yumşaq dəyirmi siluetinə baxın – lampaya bənzəyir. Hər tərəfdən ideal hamar olan bu sistem səsi 360 dərəcədə bərabər şəkildə paylayır və onun istiqamətini dəyişə bilir. Materiallar da “isti”dir: palıd və sakit tonlarda yüksək keyfiyyətli trikotaj istənilən interyeri tatamlayacaq.
Eyni zamanda, cihaz düymələrlə yüklənməyib, sanki onlar heç yoxmuş kimi. Əslində isə idarəetmə elementləri sensordur və üst panelin çökəyində gizlənir. Bu həll sayəsində istifadəçi sadəcə xoş bir toxunuş edir, idarəetmə sistemi cihazın görünüşünü korlamır və lazımi anda əlinizin altında olur.
Dizaynın aşağı elementinin üzərində məşhur Fibonaççi naxışı gizlənmişdir. İlk baxışdan bu sadəcə gözəl dizayn elementi kimi görünə bilər, lakin əlavə olaraq aşağı tezliklər üçün hava kanalı funksiyasını daşıyır. Məhz bu şəkildə Bang & Olufsen texnologiyanı dizayna inteqrasiya edərək, mükəmməl şəkildə cihazları gündəlik həyatımıza daxil edir.
Portativ qurğular arasında Explore dinamikini qeyd etmək istərdik. Termal fincana bənzəyir. Bu da əbəs yerə deyil: dizaynerlər dinamikin yüngül (cəmi 631 qram), davamlı (cızılmağa, həmçinin toz və suya davamlıdır), yığcam və həmişə əl altında olduğuna işarə edirlər.
Maraqlıdır ki, iki belə cihaz stereo cütlük təşkil edir. İki dinamiki Bluetooth vasitəsilə sinxronlaşdırırsınız və möhtəşəm səs əldə edirsiniz! Bu formatda hər bir spiker sol və sağ dinamik kimi çıxış edəcək. Səs səviyyəsini iki dəfə artırmaqla yanaşı, səs mənbələrinizin hərəkət etdiyini hiss edəcəksiniz. Bir “dinamik” fikrinizi alətlərə, ikincisi isə səsə yönəldir, buna görə səs çox balanslıdır və sanki havada süzülür.
Qüsursuz səs hər evdə: Kub laboratoriyası, kor testlər və Nyu Yorkdakı Müasir İncəsənət Muzeyində sərgi
Bang & Olufsen akustikası ilk notlardan tük ürpədir. Şirkətin mühəndislərinin bu qədər dolğun və aydın səs yaratmağı necə bacardıqlarını anlamaq üçün onların Danimarkanın Struer şəhərindəki qərargahına baş çəkmək lazımdır. Burada bir neçə laboratoriya var. Bu, tavanının altında sınaqdan keçirilən akustik sistemin quraşdırıldığı nəhəng bir kub və hətta rəflərdəki kitabların sayının dəqiq tənzimləndiyi bir neçə standart otaqdır. Portativ dinamiklər üçün həm də açıq havada testlər keçirilir.
Yeri gəlmişkən, bəzi testlər şirkət işçilərinin üzərində gözü bağlı keçirilir. Qüsursuz eşitmə ilə yanaşı, onlarda iştirak üçün ilkin şərt qiymətləndirmələrin minimal səhvlərlə təkrarlamaq bacarığıdır. Əgər işçi birinci testdə dinamikə 9 bal veribsə və bir neçə həftə sonra onun balı 0,5 baldan çox dəyişərsə, o, fokus qrupundan çıxarılır. Statistikaya görə, hər 20 nəfərdən yalnız biri belə mükəmməl eşitmə qabiliyyətinə malikdir.
Yuxarıdakı fotoşəkillər şirkətin ən təsirli məhsullarından birinin – Beoplay A9 ev audiosisteminin sınaqdan keçirilmə anını əks etdirir. Əlbəttə ki, onun güclü texniki potensialı var: sensor və səslə idarəetmə, özünəməxsus detallaşdırılmış səs və 480 vatt rəqəmsal gücləndirmə sistemi, quraşdırılmış səsin otağa adaptasiyası sistemi.
Ancaq eyni zamanda qeyri-adi bir interyer parçası kimi görünür. Belə bir cihazı otağın uzaq küncündə gizlətmək olmaz, onu göz önündə tutmaq istəyirsən. Və hətta yetərincə böyük ölçülərinə baxmayaraq (A9-un diametri 701 mm-dir), o, çox minimalist görünür. Taxma torların müxtəlif rəng seçimləri sistemi olduqca universal edir: aşağıdakı şəkillərdə Beoplay A9-un iki tamamilə fərqli interyerə necə ustalıqla uyğunlaşdığı görünür. Heyrətamiz görünür, deyilmi?!
Yeri gəlmişkən, məşhur mühəndislər, memarlar və dizaynerlərlə əməkdaşlıq öz bəhrəsini vermişdir. 1978-ci ildə Bang & Olufsen Nyu Yorkdakı Müasir İncəsənət Muzeyində öz sərgisini təşkil etmişdir. Muzeyin daimi kolleksiyasında hələ də ona yaxın layihə təmsil olunur ki, bu da özlüyündə böyük nailiyyətdir.
Hər şey qayğıdan başlayır. Onunla da bitir
Bir çox hallarda texnologiyalar görünür dərəcədə həyatımızı çətinləşdirir, hərçənd ki, asanlaşdırmaq üçün yaradılmışdır: innovasiya burulğanıyla ayaqlaşmaq və başımızı itirməmək çox çətin olur. Bang & Olufsen zamanla ayaqlaşmaq (hətta bəzən onu qabaqlamaq) və müştərilər üçün aydın və rahat qalmaq arasında tarazlıq tapmağı bacarır.
Bu, portativ dinamik Beolit 20-dir. O, piknik səbətinə bənzəyir və sanki onu gəzinti və ya şənliyə aparmağınız üçün sizə yalvarır. Dizaynın özü dinamikin daşınmasının rahatlığına işarə edir: o, anodlaşdırılmış alüminiumdan hazırlanmışdır, ona görə də davamlı və nisbətən yüngüldür (2,7 kq), bitki ilə aşılanmış dəri kəməri isə daşınmanı xeyli asanlaşdırır.
Bu portativ dinamikin ilk baxışdan görünməyən və çox faydalı xüsusiyyəti – onu Power Bank kimi istifadə etmək imkanıdır. Üst panelində xüsusi çökəyi var, mərkəzində yuvarlaq “şarj” simvolu. Hətta bu funksiya haqqında bilmədən belə, siz şüuraltı olaraq smartfonunuzu oraya qoymaq istəyirsiniz ki, o, masanın üstündəki kimi göz önündə olsun. Səthi poliuretandan hazırlanmışdır, ona görə də, sürüşməyəcək və istənilən çirk asanlıqla təmizlənəcək. Şəbəkəyə çıxışı olmayan şəhərdən kənar bir yerdə olsanız belə əlaqəsiz qalmaq ehtimalınız yoxdur.
İstifadəçilərə olan qayğı həm də akustikanın xüsusi tətbiq vasitəsilə idarə oluna bilməsində özünü göstərir. Treki dəyişmək üçün cihaza yaxınlaşmağa ehtiyac yoxdur. iPhone və ya iPad -inizə Bang & Olufsen tətbiqini yükləyin və musiqidən məhdudiyyətsiz həzz alın. O, çox sadədir, ona görə də onunla tanış olduqdan dərhal sonra sistemi yandırıb-söndürə, dinləmə rejimini dəyişdirə, səsin həcmini tənzimləyə və bəzi modellərdə onun istiqamətini dəyişə biləcəksiniz.
Digər heyrətamiz bir özəllik – otağa uyğunlaşma funksiyasıdır. Sistem cihazın otaqdakı yerini təhlil edir. Dinamik müxtəlif tezliklərdə xüsusi səs çıxarır, daxilindəki dinamik isə səthlərdən əks olunmuş bu səsi geri qəbul edir. Harada yerləşdiyini – divarın dibində və ya, məsələn, boş yerdə – anladıqdan sonra cihaz ən uyğun parametrləri qəbul edir. Yəni sizə heç nəyi düşünmədən səslənmədən zövq almaq qalır
Nəticə özünü göstərir.
Bang & Olufsen, həmin o nadir hallardan biridir ki, texnologiya mane olmur, əksinə zərif şəkildə gündəlik həyatınıza daxil olur. Bundan əlavə, onlar diqqət və heyranlığa layiqdirlər. Mağazalarımıza gəlin, və ya linkdən istifadə edərək kataloqdan sifariş verin. Sizi bir az daha xoşbəxt edəcək birini alın. Mütəxəssislərimiz düzgün seçim etməkdə sizə kömək edəcəklər.
