Təsəvvür edin ki, pul kisənizə yerləşməyən kartlarınızın hamısını biri ilə əvəz etmək mümkündür. Beləsi, əlbəttə ki, hələ icad edilməyib, ancaq Apple öz istifadəçiləri üçün ənənəvi pul kisəsini əvəz edəcək universal tətbiq ərsəyə gətirib.
Hazır tətbiq bonusları və bank kartlarını elektron şəkildə saxlama imkanı yaradır. Amerika və Avropadan olan istifadəçilər daha da şanslıdırlar: onlar hətta kinoteatr bileti, gediş kartları, mehmanxana və restoran rezervasiyaları və s. detalları belə tətbiqə əlavə etmək fürsətinə sahibdirlər. Son dərəcə rahatdır, elə deyilmi?
Wallet kartı nə üçün lazımdır?
Wallet kartı daimi müştərilərimizə Alma Store icmasının bir parçası olmaq imkanı verir. Kartın olması əhəmiyyətli üstünlüklər gətirir:
- Apple dünyasındakı irəliləyişlər və texniki yeniliklər barədə məlumat almaq;
- Alma Store-dakı yeni məhsullar və cari kampaniyalardan ilk xəbərdar olmaq;
- bonus xalları toplamaq və onları mağazalarımızda alış-veriş üçün istifadə etmək;
- müxtəlif sahələr üzrə dəvət olunmuş ekspertlərin iştirakı ilə keçirilən tədbirlərdə və master-klasslarda iştirak etmək.
Wallet kartı üçün qeydiyyatdan necə keçmək olar?
iPhone -unuzun iOS 9 və ya daha yeni versiyada işlədiyinə əmin olun. Daha sonra smartfonunuzun proqramlar kitabxanasını açın və siyahıda Wallet tətbiqini tapın. Sadəcə bir neçə asan addım – və iPhone-nunuzda loyallıq kartınız hazırdır!
- QR-kodu skan edin. Kod eyni zamanda bütün Alma Store mağazalarının kassa zonalarının yaxınlığındakı hissələrdə qeyd olunub.
- iPhone-unuzda Wallet proqramına qeydiyyat kartı əlavə edin. Bunun üçün “Əlavə et” düyməsinə klikləyin və müvafiq xananı işarələməklə “Müqavilə”nin şərtlərini qəbul edin.
- Şəxsi məlumatlarınızı əlavə edib qeydiyyatdan keçin.
- Sonda Alma Store-un xüsusi təklifləri, kampaniyaları və tədbirləri barədə məlumat almaq istəyib-istəmədiyinizi bildirin.
Hər hansı çətinliklə üzləşsəniz, vizual ipucuları ilə hazırlanmış addım-addım bələdçidən istifadə edin. Bələdçiyə keçid üçün bu link üzərinə klikləyin.
Wallet kartında bonusları necə əldə etmək olar?
Siz Wallet kartı üçün qeydiyyatdan keçməklə avtomatik olaraq loyallıq proqramımızın üzvü olursunuz. Bundan sonra isə Alma Store-da alış-veriş zamanı sadəcə olaraq iPhone-unuzda Wallet tətbiqini açın, sizə lazım olan kartı seçin və kassada onu skanerə toxundurun. Beləcə, hesabınızda bonuslar qazanacaqsınız. Topladığınız bonusları daha sonra istənilən mağazamızda gələcək alış-verişlərdə endirim kimi istifadə edə bilərsiniz.
Vacib. Endirimin miqdarı seçilmiş məhsulun dəyərinin 30%-dən çox ola bilməz. Bir bonus 1 AZN-ə bərabərdir. Yığılmış bonuslar hər bir məbləğin aktivləşdirildiyi andan etibarən 3 il ərzində aktiv qalır. Bonuslar sürətli şəkildə hesablanır, lakin satışdan 2 həftə sonra istifadəçi üçün əlçatan olur. Həmçinin unutmamaq lazımdır ki, kredit, taksit və ya kampaniya ilə satın alınan məhsullar üçün bonus təqdim olunmur.
Hər zaman xəbərdar olun!
Göndərilmələrə abunə olun, yeni aksiyalar və xüsusi qiymətlər barədə ilk məlumatları əldə edin!
