Əgər iPad almağa hazırlaşırsınızsa və ya artıq iPad istifadə edirsinizsə, onda sizə əlavə aksesuar lazım ola bilər. Dizayn, rəssamlıq, şəkil və mətn redaktəsi ilə məşğul olanlar üçün Apple Pencil bu işdə kömək olacaq.
Şirkət rəqəmsal qələmin 2 versiyasını hazırlayıb. 1-ci nəsil Apple Pencil 2015-ci ildə, 2-ci nəsil Apple Pencil isə 2018-ci ildə təqdim olunub. Bugünki icmalda qələmləri dizayn, məhsuldarlıq, qiymət və digər modellərlə uyğunluq cəhətdən müqayisə edəcəyik.
Uyğunluq
Hər planşet modeli iki qələmdən yalnız biri ilə işi dəstəkləyir. Bu, məhsulun qiymətinə əhəmiyyətli dərəcədə təsir edir və seçimi asanlaşdırır. 1-ci nəsil Apple Pencil 6-cı nəsil iPad, 8-ci nəsil iPad, 7-ci nəsil iPad, 3-cü nəsil iPad Air, 5-ci nəsil iPad mini, 1-ci və 2-ci nəsil iPad Pro 12,9 , iPad Pro 10,5 və iPad Pro 9,7 modellərinə uyğundur.
2-ci nəsil Apple Pencil 4-cü nəsil iPad Air, 1-ci və 2-ci nəsil iPad Pro, 3-cü və 4-cü nəsil iPad Pro 12,9 modelləri ilə işi dəstəkləyir.
Dizayn və erqonomika
1-ci nəsil Apple Pencil görünüş cəhətdən ən adi qələmə bənzəyir. Parlaq plastik örtük (AirPods-da olduğu kimi), yuvarlaq forma, maqnit qapaq – ilk baxışdan bildiyimiz qələm kimi görünür.
İkinci versiya isə qələmlə daha çox oxşarlığa sahibdir və daha yığcamdır. Mat örtüyə malik üfüqi kənarlı cihaz rəsm çəkərkən onu əldə tutmağı daha asanlaşdırır. Əldə sürüşmə və ya istifadə zamanı masadan düşmə problemi keys əldə edərək asanlıqla aradan qalxa bilər.
Rəqəmsal qələmlərin ölçüsü çox fərqlənmir: 1-ci nəsil Apple Pencil uzunluğu 175,7 mm, 2-ci nəsil isə 166 mm, diametr və çəki isə eynidir – 8,9 mm və 20,7 qram.
Məhsuldarlıq və enerji
Apple Pencil modellərinin məhsuldarlığı bir çox xüsusiyyəytlərinə görə oxşardır. Hər iki versiya təzyiqə qarşı həssasdır, əyilmə dərəcəsini tənzimləyir və əl hərəkətinin inanılmaz dəqiqliklə təkrar edir. Burada hər şey istifadə edəcəyiniz cihazdan da asılıdır: məsələn, iPad Pro ekranı, şəkil çəkmək və digər işlər görmək üçün mükəmməl uyğundur.
2-ci nəsil Apple Pencil öncəki modeldən fərqli olaraq daha geniş idarəetmə imkanlarına malikdir. Belə ki, bir toxunuşla işə başlamaq olar, sönülü ekrana toxunduqda isə avtomatik olaraq qeyd pəncərisi açılacaq. Mühəndislər ikinci versiyanı sadə jestləri aşkar etməyə “öyrədiblər”. Məsələn, cihazın aşağı hissəsinə iki dəfə toxunaraq fırçanı pozana dəyişə bilərsiniz. İstədiyiniz təqdirdə bu funksiyanı digərilə əvəz edə bilərsiniz.
Şarj üsulları isə bir-birindən tamamilə fərqlənir. 1-ci nəsil Apple Pencil şarjı üçün istifadəçilər qələmi planşetin kənar hissəsinə daxil etməlidirlər.
Buna görə 2-ci nəsil Apple Pencil şarj üçün daha rahat və asan oldu. Qələm iPad –in sağ hissəsinə maqnitlənir. Bunun sayəsində rəqəmsal qələmi itirməkdən qorxmadan onu özünüzlə apara bilərsiniz.
Hər iki model 12 saatadək fasiləsiz işi dəstəkləyir. Əgər bu qədər vaxt sizin üçün kifayət etmirsə, onu sürətlə şarj etmək olar – 15 saniyə 30 dəqiqə işə bərabərdir.
Dəst və qiymət
1-ci nəsil Apple Pencil ilə qutuda Lightning adapteri və qələmə uzunmüddətli işi təmin edəcək əlavə başlıq olur. Qiymət: 260 AZN
2-ci nəsil Apple Pencil dəsti isə daha yığcamdır – yalnız rəqəmsal qələm. Zəmanətlə birlikdə qələmin qiyməti: 340 AZN
Hansı modeli seçmək sizdən asılıdır, bizim icmal isə sizə bunda kömək edəcək.
