Ən məşhur planşet modellərindən biri istehsalda böyük sıçrayış etdi. Apple, Kupertinoda güclü A12 Bionic Neural Engine prosessorlu 8-ci nəsil iPad modelini təqdim etdi. Yeri gəlmişkən, tarixdə ilk dəfə olaraq iPad süni intellektə malik Neural Engine çipini əldə etdi.
“Biz müştərilərimizə daha sürətli və güclü planşet təklif edirik! Yüksək keyfiyyətli 10,2 düymlük Retina displeyi, müasir kameralar və ən əsası təkmilləşdirilmiş məhsuldarlıq hesabına 8-ci nəsil iPad tapşırıqlarınızı həll etməyə kömək edəcək güclü, universal, həmçinin büdcəli planşetə çevriləcək”, – qlobal marketinq üzrə Apple şirkətinin vitse-prezidenti Greg Joswiak bildirib.
Yeni iPad-ın məhsuldarlığı, həqiqətən, xeyli təkmilləşib: A12 Bionic planşetin məhsuldarlığını 40%, qrafik imkanlarını isə 2 dəfə artıtıb. 1-ci nəsil Apple Pencil ilə şəkillər çəkmək, qeydlər aparmaq, sənədləri redaktə etmək və s. tapşırıqları yerinə yetirmək mümkündür.
Artıq qeyd edildiyi kimi, 8-ci nəsil iPad Neural Engine maşın tədrisi texnologiyası ilə təchiz olunan ilk planşetdir. Məsələn, cihaz artırılmış reallıq tətbiqlərində insanları və ya hər hansı hərəkətləri izləyə bilir.
Gün ərzində aktiv iş və ya dərs üçün tam şarj kifayət edir. Bundan əlavə, yeni iPad qiqabit tutumlu LTE şəbəkəsinin dəstəyi ilə ultra sürətli naqilsiz məhsuldarlığa malikdir.
Touch ID: sensora bir toxunuşla cihazı asanlıqla və sürətlə kiliddən aça bilərsiniz. Məlumatlarınız, həmişə olduğu kimi, təhlükəsizlikdədir.
Dizayna gəldikdə isə Apple hər kəsin sevdiyi klassik görünüşü təqdim edir: zərif xətlər, davamlı materiallar və portativlik.
