Danimarka markası Bang & Olufsen-in təqdimata ehtiyacı yoxdur. 96 ildir ki, şirkət akustik cihazlar bazarında bu gün də etalon sayılan avadanlıqlar istehsal edir.
Mükəmməl səs keyfiyyəti, rahatlıq və detallara güzəştsiz diqqət ilə bu alış eviniz üçün və özünüzün zövq alacağınız ən xoş sərmayə olacaq.
Qısaca brend haqda
Bang&Olufsen elit avadanlıq istehsal edir – ev üçün dinamik sistemləri, portativ Bluetooth dinamikləri, simsiz qulaqlıqlar.
Şirkətin səs sistemləri Aston Martin, Bentley, Lamborgini kimi premium avtomobillərdə quraşdırılmışdır. Şirkətin məhsulları Nyu-Yorkdakı Müasir İncəsənət Muzeyində nümayiş olunur – tarix boyu yalnız 5 şirkət bu şərəfə nail olmuşdur.
Uğurun sirri nədir? Estetika, innovasiya və dizaynın birləşməsi. Bang&Olufsen tərtibatçıları bu üç keyfiyyəti brendin hər bir cihazında təcəssüm etdirir. Hamısını birlikdə və güzəştsiz.
Kimin üçün?
Bang&Olufsen akustikası ucuz dinamiklər və qulaqlıqların orta səviyyəli səsi ilə kifayətlənməyənlər üçün nəzərdə tutulmuşdur. Səriştəli maksimalistlər üçündür, ən yaxşısını əldə etməyə can atan, özlərini gözəl və rahat əşyalarla əhatə etməyi sevən, qadcetlərdən sadəcə təyinatları üzrə istifadə edən deyil, bu prosesdən zövq almağa üstünlük verənlər üçündür.
Söz akustikadan düşmüşkən, qəbul edin ki, musiqi ab havanı canlandırmalıdır. Onu tamamlamalıdır və təhrif edilmiş səs və ya həddindən artıq konsentrasiyalı bas ilə “yorğanı öz üzərinə çəkərək” diqqətinizi yayındırmamalıdır. Bang&Olufsen məhsulları həmişə yerinə düşən bahalı şərab kimi emosional, dolğun səslə sinonimdir. Sadəcə bir dəfə duyduqdan sonra, daha başqa heç nəyə razı olmayacaqsınız.
Dinamiki işə salıb problemlərinizi evinizin qapıları arxasında qoya, səs-küylü yerin ortasında qulaqlıqlarınızı taxıb ətrafdakı təlaşdan uzaqlaşa bilərsiniz. Portativ akustikanın köməyi ilə siz istənilən mühitdə – dağlarda çadırda, piknikdə və ya çimərlik şənliyində gözəl əhval-ruhiyyə yarada bilərsiniz.
Bang&Olufsen ilə istənilən anı özəl etmək olar.
Görünüşü və səsi başqalarından fərqlənir
Bang & Olufsen-in əsas üstünlüklərindən biri estetikadır. Brend həyat tərzinizə uyğun və evinizin interyeri ilə həmahəng olan zamansız əşyalar yaradır.
B&O cihazları gözə çarpan və parlaq dizayna malik deyil. Onların yüksək statusu detallarla vurğulanır: detallara xüsusi diqqət, Skandinaviya minimalizmi və premium materiallar. Bu cihazlara toxunmaq və onları qürurla nümayiş etdirmək istəyi doğurur.
Məsələn, Beosound 1 hər hansı digər naqilsiz ev dinamikindən fərqlənir. Konusvari gövdəsi ustalıqla işlənmiş alüminiumdan hazırlanmışdır. O, öz əks etdirən səthi sayəsində məkana nüfuz edir və onun vacib bir hissəsinə çevrilir.
Beoplay A9 audiosistemi dinamikdən çox gözəl interyer parçasına bənzəyir: minimum detallar və təbii dairəvi forma. O, bir küncə yerləşdirilə və ya xüsusi bir dayaqdan istifadə edərək divardan asıla bilər.
Bu cihazda artıq olan heç nə yoxdur: alüminium, ağac və yüksək keyfiyyətli plastikdən hazırlanmışdır. Panelin özü məşhur tekstil brendi Kvadratdan dəbdəbəli parça ilə işlənmişdir. Dinamikin forması da təsadüfən seçilməyib: səs dalğaları dairələrlə yayılır.
Səs.
Hər yeni məhsulla B&O səsin bir incəsənət ola biləcəyini bir daha təsdiqləyir. Hər bir cihazın özünəməxsus üstünlüyü var. Məsələn, dinamiklər cihazın mövqeyindən asılı olaraq səsi optimallaşdıra bilir və səs dalğası yaratmaqla, onu bütün otağa yaya və ya sizin istiqamətinizə yönəldə bilir.
BeoSound Stage səs paneli televizorunuza qoşulur və söndürüldükdə müstəqil dinamik sistemi kimi işləyir.
4 dinamik sayəsində BeoSound Stage ayrıca sabvuferi əvəz edir. Bunu xüsusilə kino həvəskarları və konsol oyunçuları bəyənəcəklər: güclü bas sizi filmdə və ya oyun süjetindəki hadisələrin atmosferinin dərinliklərinə qərq edir. Dolby Atmos sayəsində səs üçölçülü məkanda dinləyicinin ətrafında hərəkət edir. Nəticədə, ekrandakı təyyarə həqiqətən başınızın üstündən uçur və pıçıltı haradansa arxadan gəlir. Bütün bunlar film seyrindən aldığınız həzzi qat-qat artırır.
Aktiv qurultu əngəlləmə funksiyalı qulaqlıqlar bütün arzuolunmaz səsləri aradan qaldırır və musiqi, film və ya oyuna tam dalmanı təmin edir.
Bütün bunlar hər bir cari B&O məhsulunda yer alan ən son audio texnologiyası sayəsində mümkündür.
Komfort.
Yaxşı səslənən gözəl cihaz? Əladır, lakin Bang&Olufsen üçün yetərli deyil. Hər dəfə dinamiki işə saldıqda və ya qulaqlıqları əlinə aldıqda istifadəçi xoş bir məmnunluq hissi keçirməli və cihazla işləməkdən həzz almalıdır. Brend tərtibatçıları bu vəzifənin öhdəsindən layiqincə gəldilər.
BeoPlay H95 tam ölçülü simsiz qulaqlıqları götürək. Onlar Bang&Olufsen imzasını təcəssüm etdirirlər: keyfiyyətli materiallar, yumşaq oturuş və təmkinli dəbdəbə ruhunda minimalist dizayn.
Eyni zamanda, qulaqlıqlar bütün müasir texnologiyalarla təchiz edilmişdir. Onlar heyrətamiz səsə, aktiv gurultu əngəlləmə və rahat idarəetmə sistemlərinə malikdirlər. Hansı musiqini bəyəndiyiniz fərq etmir: siz tam müəllifin demək istədiyini duyacaqsınız.
İnstrumental və ya rok musiqi səsləndirdikdə səslər bir-birinə qarışmır. Bir az səsi yüksəldin və özünüzü canlı konsertin mərkəzində hiss edəcəksiniz. Həzin musiqi dinləyəndə isə elə gəlir ki, sənətçi sizinlə eyni otaqdadır və yalnız sizin üçün ifa edir.
Qulaqlıqlardan istifadə etmək xüsusi zövq verir: onlar sizi anlayır və sorğusuz itaət edir. Diski bir qədər irəli çevirin – və siz bütün səsləri eşidirsiniz, sanki heç qulaqlıq taxmamısınız. Geriyə çevirməklə qurultu əngəlləmə aktivləşir: səslər sönür və harasa uzaqlara uçur.
Bu, ən rahat və əlçatan meditasiya üsuludur: bir toxunuşla siz ətrafınızdakı dünyanı “söndürə” və SOS-yenilənmə üçün özünüzlə baş-başa qala bilərsiniz.
Daha yığcam və portativ bir şey axtarırsınız? BeoPlay E8 (3 Gen) simsiz kanaldaxili qulaqlıqlara daha yaxından baxın. Bu, müxtəlif vəziyyətlərdə musiqi dinləyənlərin cihazıdır: yürüyüş zamanı, idman zalında, işə gedərkən və ya səyahətdə.
Yığım keyfiyyəti, erqonomikası və görünüşü Bang & Olufsen-in ən yaxşı ənənələrinə sədaqətlə hazırlanmışdır. Göstərişli eksklüziv dəri qutusu sizə qulaqlıqlarınızı gün ərzində özünüzlə gəzdirmək və onları yolda şarj etmək imkanı verir. Qulaqlıqların özləri ətrafdakı gurultunu əngəlləyir, onların dəqiq oturuşu isə səsi birbaşa qulaq kanalına yönəldir.
B&O-dan akustika, ilk növbədə, səsdir – o qədər mükəmməl ifadır ki, ona baxmaq və toxunmaq istəyirsən. İstənilən iSpace mağazasında bunu edə bilərsiniz. B&O cihazları ilə tanış olmaq üçün bizə gəlin: qulaqlıqların qulaqlarınıza necə “oturduğunu” yoxlayın və premium akustika haqqında öz fikrinizi formalaşdırın.
B&O-dan qulaqlıqlar, dinamiklər, ev audio sistemləri və səs panellərini onlayn kataloqdan seçin.
