Yeni il üçün hədiyyələr seçirik: Apple texnikası üçün hansı aksesuarları hədiyyə etmək olar

Yeni il yaxınlaşır və bu, artıq işıqlı bəzəkləri çıxarmağın, arzular siyahısını tərtib edib dostlarınızla bölüşməyin vaxtı deməkdir. Bəs hansı hədiyyə həm xoş təəssürat yaradacaq, həm də gündəlik həyatda faydalı olacaq? Uğurlu seçim – Apple texnikasıdır. iSpace mağazasında iPhone, iPad, Mac, Apple Watch və AirPods-un ən son modellərini tapa bilərsiniz. Hədiyyə edəcəyiniz şəxsin artıq əsas cihazları varsa, brendin yükək keyfiyyətlə hazırlanmış aksesuarları da çox yaxşı seçimdir. 

Apple üçün aksesuar seçərkən nələrə diqqət etmək lazımdır? 

Amerika istehsalçısının texnikası üçün aksesuarların çeşidi kifayət qədər genişdir. Bu qədər məhsul arasında düzgün hədiyyəni tapmaq vacibdir – elə bir aksesuar seçilməlidir ki, həmin şəxs onu istifadə etdikcə sizi xatırlasın. Seçim zamanı aşağıdakı meyarlara diqqət yetirmək tövsiyə olunur: 

• Apple cihazının tipi və modeli. 

• Aksesuarın praktik faydası. 

• Şəxsin maraqları və üstünlükləri. 

Məsələn, əgər dostunuz tez-tez rozetkadan uzaqda qalır, səfərlərə yollanır və ya uzun yürüşləri sevirsə, ona simsiz powerbank hədiyyə etmək məqsədəuyğundur – qoy yeni ildə daim əlaqədə olsun. Planşetlə işləyən dizayner və ya tatu ustası üçün isə Apple Pencil Pro çox yaxşı seçimdir. Stilus təzyiqə həssasdır və eskizlərin çəkilməsi, həmçinin qrafik layihələrin hazırlanması üçün ideal hesab olunur. 

Yeni il üçün universal hədiyyə 

Bir neçə universal hədiyyə variantı mövcuddur – xüsusilə həmkar üçün suvenir seçmək lazım gəldikdə onlar ideal hesab edilir. Bu hədiyyələrə aşağıdakılar daxildir: 

• Enerji adapteri – güclü və keyfiyyətli şarj qurğusuna ehtiyacı olanlar üçün (üstünə etibarlı brendin kabelini də əlavə etmək olar). 

• Bir neçə porta malik hub – Mac istifadəçilərinin demək olar ki, həmişə çatışmayan port problemini həll edir. 

• Ev üçün səs sistemi – filmlərdə, musiqidə və podkastlarda təmiz səsi qiymətləndirənlər üçün. 

Bu cihazlar Apple texnikasından istifadə edən demək olar ki, hər kəs üçün uyğundur. Onlar gündəlik tapşırıqları asanlaşdırır, işi daha rahat edir və həmişə aktual qalır. 

Uşaqlar üçün uyğun hədiyyə 

Uşaqlar üçün həm faydalı olan, həm də onların maraqlarına uyğun gələn məhsul seçmək daha məqsədəuyğundur. Məsələn, smartfon üçün örtük və qoruyucu şüşədən ibarət bir dəst hazırlamaq olar – belə komplekt təsadüfi düşmələr zamanı və ya telefon cibdə açarla və digər kiçik əşyalarla birlikdə daşındıqda yaxşı qoruma təmin edir. Oleo-fob örtüyə diqqət yetirmək vacibdir – bu qat barmaq izlərinin yaranmasının qarşısını alır və ekranı aktiv istifadə zamanı belə təmiz və hamar saxlayır. 

Qızlar və oğlanlar üçün müxtəlif rəng palitrasında təqdim olunan çexolları seçmək mümkündür. Sürprizi korlamamaq üçün uşağın zövqünü əvvəlcədən diqqətlə öyrənmək və ona xoş olacaq variantı seçmək tövsiyə olunur. Həmçinin daha universal bir seçim də etmək mümkündür. 

Oğlana nə hədiyyə etmək olar? 

Kişi üçün hədiyyə seçərkən imic, praktik fayda və emosional dəyər arasında düzgün balans yaratmaq mümkündür. Əgər o, vaxtının böyük hissəsini kompüter və ya planşet qarşısında keçirirsə, ergonomik formaya malik simsiz siçan yaxşı seçimdir – belə olduqda bilək uzun iş saatlarında yorulmur.  

Yaxşı və büdcəyə uyğun hədiyyə variantlarından biri bir neçə cihaz üçün induksiya üsulu ilə işləyən şarj qurğusudur. Bu cür qurğu həm smartfonu, həm qulaqlıqları, həm də ağıllı saatı eyni anda enerji ilə doldura bilir. Üstəlik, aksesuar səliqəli görünür və iş masasının qarışıq olmasının qarşısını alır. 

Əgər həmin şəxs kontent yaradırsa (məsələn, yayım edir), qaçış zamanı səsə diqqət yetirirsə və ya tez-tez yolda olurursa, Bluetooth vasitəsilə qoşulan və 30 saata qədər fasiləsiz işləyən tam ölçülü qulaqlıqlar da çox yaxşı seçimdir. 

Qıza Yeni il üçün nə hədiyyə etmək olar? 

Qız üçün artıq sahib olduğu cihazları fərdiləşdirən məhsullar seçmək mümkündür; məsələn, çexol yaxşı seçimdir. Əgər o, tez-tez planşetdə işləyirsə, cihazın funksionallığını simsiz klaviatura ilə genişləndirmək olar – klaviatura həm kompakt, həm də tam ölçülü variantda mövcuddur. Əgər o, əyləncələr təşkil etməyi və ya dostları ilə meşədə istirahət etməyi sevirsə, portativ səs kolonkası hədiyyə etmək münasibdir. 

Hədiyyə qablaşdırması üçün ideyalar 

Yeni il sürprizinin təsirini artırmaq üçün hədiyyənin qablaşdırılmasını da unutmamaq lazımdır. Həmkarlar üçün dizayner kartonundan hazırlanmış qutu və klassik dekorla tamamlanan rəsmi variant uyğundur. 

Sevdiyiniz insan üçün isə içində əlavə hədiyyələr olan çoxqatlı qutular seçə bilərsiniz – şirniyyatlardan tutmuş sertifikatlara qədər müxtəlif kiçik sürprizlər yerləşdirmək mümkündür. Dostlara isə tez-tez zarafat üslubunda bəzədilmiş hədiyyə dəstləri təqdim olunur. Klassik tək rəngli kağız əvəzinə coğrafi xəritələrdən və ya köhnə qəzetlərdən istifadə etmək olar – həm orijinal görünür, həm də maraq oyadır. 

Nəticə 

Yaşından asılı olmayaraq, həm uşaqlar, həm də böyüklər bayramları səbirsizliklə gözləyir. Bu dövrdə biz həm xoş sürprizlər almağı, həm də onları başqalarına təqdim etməyi sevirik. Apple texnikası üçün aksesuarlar arasında isə hər kəs üçün dəyərli və uyğun hədiyyə tapmaq olduqca asandır. Əgər sizə universal variant lazımdırsa, 250 ₼-dən başlayan hədiyyə sertifikatlarımız mövcuddur – qoy hər kəs özünə ehtiyac duyduğu məhsulu seçə bilsin. 

Orijinal Apple aksesuarlarını və digər tanınmış brendlərin məhsullarını iSpace-dən əldə etmək mümkündür. Şirkət Azərbaycanda Apple Premium Partner statusu ilə fəaliyyət göstərir. Sualınız yarandıqda Bakıda yerləşən fiziki mağazalarımıza yaxınlaşa və ya saytımızdakı çata yazaraq müraciət edə bilərsiniz – mütəxəssislərimiz seçim prosesində sizə məmnuniyyətlə kömək edəcəklər. 

Tez-tez verilən suallar 

Əgər insanın artıq bütün əsas Apple cihazları varsa, hansı aksesuarlar uyğundur? 

Cihazları fərdiləşdirməyə imkan verən məhsulları (çexollar, qoruyucu şüşələr, ağıllı saat üçün kəmərlər) və ya istifadəni rahatlaşdıran praktiki aksessuarları seçmək olar. Bu kateqoriyaya simsiz şarj qurğuları, kabellər, powerbanklar və digər faydalı məhsullar daxildir. 

Əgər uşaq üçün bahalı Apple qadceti alınmırsa, Yeni il üçün nə hədiyyə etmək olar? 

Aksesuarlar arasında çoxlu faydalı və münasib seçim mövcuddur. Qadcetin qorunması üçün çexol və ya ekran qoruyucusu seçmək olar; daim əlaqədə qalmaq üçün isə MagSafe dəstəyi olan powerbank yaxşı variantdır. 

Qız və oğlan üçün həm faydalı, həm də maraqlı Apple aksesuarlarını necə seçmək olar? 

Oğlanlara xarici akkumulyator və ya portativ səs kolonkası hədiyyə etmək mümkündür. Qızlar üçün isə rəngarəng ağıllı saat kəmərləri, qadcet çexolları və smartfon üçün qoşulan kəmərlər daha uyğundur. 

Yeni il üçün yaxınlara Apple aksesuarı seçərkən yanılmamaq üçün nə etmək lazımdır? 

Hədiyyə alacağınız şəxsin maraqlarına və aksesuarın real faydasına diqqət yetirin. Universal seçim kimi iPad, iPhone, Mac və ya AirPods üçün çexolları göstərmək olar – həm praktiki, həm də hər gün istifadə olunan aksessuarlardır. 

BUNLARI DA OXUYUN

Yeni il hədiyyələri üçün ideyalar: Apple texnikasından nə seçmək olar

2025-ci ildə hansı MacBook-u almaq olar? Özünüzə və ya yaxınlarınıza Yeni il hədiyyəsi seçirik

Yeni il üçün hansı iPad-i hədiyyə etmək olar: fərqli tələblər üçün cihaz seçirik