Qeyri rəsmi iPhone aldıqda rastlaşa biləcəyiniz 5 çətin situasiya

iPhone – publikanın sevimlisidir. Onu millionlarla insan istifadə edir, onun loqotipi isə məşhur serial və filmlərdə tez-tez gözümüzə dəyir. Təəccüblü deyil ki, məşhur smartfonu əldə etmək istədikdə bir çoxları diqqətsizliyə yol verir.  Axı, hətta yeni orijinal iPhone, hazır olmadığınız sürprizlər təqdim edə bilər.
 

Qeyri rəsmi iPhone nədir və onun hiyləsi nədədir?

Bu, qeyri-qanuni olaraq satış məqsədi ilə Azərbaycana gətirilən orijinal Apple smartfonudur. Məsələn, Çin, Yaponiya, BƏƏ, ABŞ və ya AB ölkələrindən. Qeyri rəsmi satıcılar “iPhone”ları guya şəxsi istifadə üçün alır və sərhədi keçərkən heç bir sənəd doldurmur və vergi ödəmir. Bütün bunlar onlara müştərilər üçün qiyməti aşağı salmağa imkan verir. Ancaq nəyin bahasına? Risklər çoxdur və hamısı müştərilərin çiyinlərinə düşür.

• Satıcının minimal öhdəliyi. Normal vəziyyətdə, cihazınızla bağlı probleminiz yarandıqda mağazaya gedirsiniz. Xidmət mərkəzi ilə bağlı problemləri həll etmək onun vəzifəsidir. Sonda isə sizə mümkün variantlar barədə məlumat verilməlidir: iPhone təmiri, dəyişdirilməsi və ya pulun geri qaytarılması.

  Lakin qeyri rəsmi satıcılarla hər şey bu qədər asan deyil. Məsələn, mağaza öz hüquqi şəxsini dəyişə bilər və o zaman özünüz öz probleminizi həll etməli olacaqsınız. Və ya satıcının servis mərkəzi problemi boynuna almaqdan imtina edəcək və nasazlığın alıcının günahı olduğunu deyəcək (hərçənd ki bu belə deyil).

• Məhdud zəmanət. Bu o deməkdir ki, servis mərkəzi qanuni olaraq qeyri rəsmi iPhone-nunuza xidmət etməkdən imtina edə bilər. Apple öz saytında da xəbərdarlıq edir:

«Apple Məhsulunuzu satın aldığınız ölkədən başqa ölkədə xidmət seçimləriniz məhdud ola bilər. Əgər Apple Məhsulu üçün xidmət bu ölkədə mövcud deyilsə, Apple xidmət göstərməzdən əvvəl tətbiq oluna biləcək hər hansı əlavə göndərmə və daşıma xərcləri barədə sizə məlumat verəcəkdir.».

• iPhone cihazında fərqlər. Bunlar 5G, dəstəklənən LTE diapazonları və digər modulların fəaliyyəti ilə əlaqəli ola bilər.
  
• Funksional məhdudiyyətlər: operator kilidi, eSim-in və ya əksinə, SİM kart üçün fiziki slotun olmaması.
• Yenisi kimi təqdim olunan saxta və ya bərpa olunmuş iPhone-a rast gəlmək riski. Satıcı sərhəddən telefonu keçirərək qanunu pozmuşdur. Bir daha aldadacağına zəmanət varmı? Belə hallar da olur ki, dələduzlar saxta telefon olan qutunun üzərinə başqa – aktivləşdirilməmiş və orijinal iPhone haqda məlumat yapışdırırlar. Nəticədə seriya nömrəsi və IMEI Apple saytında əks olunsa da qutuda tamam başqa telefon olur.

İnsanların qeyri rəsmi iPhone alıb peşman olduqları 5 hekayə

Real insanların rəyləri Apple şirkətinin Azərbaycandakı rəsmi tərəfdaşı olan iSpace tərəfindən paylaşılıb.

Situasiya №1: bezdirici

“Mənim eSim-i dəstəkləməyən bir Çin iPhone 12 modelim var idi. Görünüşü “Avropalı” ilə eyni idi, yeganə fərq fiziki SİM kartlar üçün ikili slot idi. Diqqətlə baxsanız, bunların slotunda yay var və kartlar hər iki tərəfdən daxil edilə bilir. Həmin iPhone orijinal idi, o, Apple saytında qeydiyatda idi – hər şey qaydası üzrə.

Satıcı yerində mənə izah etsəydi ki, “Çin”dəki eSim nəinki öz vətənlərində, ümumiyyətlə başqa yerdə də işləmir, mən bu iPhone-u almazdım. Çünki iş üçün daim əlaqə saxlamalıyam. Və mən işgüzar səfərlərə və ya tətillərə gedəndə eSim almaq üçün adətən proqramda yerli kartla qeydiyyatdan keçirəm. Adi bir iPhone 8 virtual SİM kartı dəstəkləyir, siz onları dəyişə bilərsiniz. Amma məndə cəmi ikisi var və onlar dəyişdirilməli olan fiziki kartlardır.

Bəlkə də kimin üçünsə bu bir problem deyil, lakin mənim üçün belədir. Sonunda kağız kliplərindən və operator köşkləri axtarmaqdan təngə gəldim və yeni iPhone aldım.”

Məlumat: eSim dəstəyi iPhone XS-dən başlayaraq bütün Apple smartfonlarında mövcuddur. İstisna kontinental Çin üçün istehsal edilən iPhone-lar, həmçinin Honq-Konq və Makao üçün bəzi modellərdir. eSim-ə qoyulan qadağa Çin hakimiyyətinin tələbi ilə bağlıdır. Texnologiyanı hətta başqa ölkələrdə də açmaq mümkün deyil. Bunun əksi də var: iPhone 14 və iPhone 15 xətləri yalnız eSim-i dəstəkləyir. Onlarda ümumiyyətlə fiziki SİM kartlar üçün slot yoxdur.

Hekayə №2: çürük

“İlk iPhone-umu ikinci əldən almışam. O vaxtlar bunun necə işləməli olduğunu bilmirdim, ona görə də hər şeyin qaydasında olduğunu düşünürdüm. Bir müddət sonra akkumulyatoru dəyişmək üçün servis mərkəzinə müraciət etdim. Elə onda da bəlli oldu ki, mənim iPhone-um bərpa edilmişdir. Özü də hardasa çində, qeyri rəsmi: usta onun içərisindəki hissələrin üzərində xeyli ieroqliflər yazılmış əyri yapışqanların olduğunu göstərdi. Bəzi hissələr ümumiyyətlə orijinal deyildi.»

Məlumat: rəsmi olaraq bərpa olunan iPhone-larda bir qəbahət yoxdur. Onlar açıq şəkildə Apple saytında satılırlar, lakin onların Azərbaycana çatdırılması yoxdur. Məsələ ondadır ki, onların adı altında zirzəmilərdə bərpa olunan qeyri orijinal hissəli iPhone-lar satılır. Ya da ümumiyyətlə saxta olanlar. Əyər siz Apple aləmində ekspert deyilsinizsə, servisi ziyarət edənə qədər surroqat əldə etdiyinizin fərqində olmaya bilərsiniz. Daha bir tez-tez rast gəlinən situasiya – yeni iPhone adı ilə bərpa olunmuş. Hər bir halda alıcı aldadılmış olur: siz bir şeyə görə ödəyib başqa şey alırsınız.

Hekayə №3: ibrətamiz 

«Bir neçə il öncə tanışım mənə Amerikadan yeni iPhone gətirdi. Kilidli olduğu ortaya çıxdı: müəyyən bir operatorun Sim kartı ilə işləyirdi. Belarus Sim kartımı dəstəkləmirdi. Məlum oldu ki, dostum saytdakı əlavə məlumatı anlamadan telefonu onlayn alıb. Bu, uşaq tapmacasına bənzəyirdi: armud asılı, yeməyi yasalı. Təmirdə mənə xüsusi, Simkarta əlavə olunan mikroçipi məsləhət gördülər. Ona da əlavə xərcim çıxdı.”

Məlumat: bir kilidlənmiş iPhone-u rəsmi olaraq yalnız rabitə operatoru aça bilər. Hətta Apple-ın buna səlahiyəti çatmır. Bunun üçün operatora sorğu göndərmək (bəzi hallarda isə borcu da ödəmək) lazımdır. Bir də qeyri-rəsmi üslub var – Turbo Sim vasitəsiylə. Bu, SİM kartla birlikdə yuvaya daxil edilən və blokdan keçməyə kömək edən adapterdir. Bu, ödənişli bir üsuldur, üstəlik, ciddi mənfi cəhətləri var.

Hekayə №4: gözlənilməz 

«Mən Yaponiyadan istifadə olunmuş iPhone aldım – kamera rəzəsinin səsini söndürmək mümkün deyil. Səsi çox ucadan çıxır! Belə baxanda xırda bir şeydir, lakin fotoqraflar üçün deyil. Sadəcə təsəvvür edin: avtobusda gedirəm və gözəl bir kadr tutmaq istəyirəm. Telefonu çıxardıram, şəkil çəkirəm və bütün salon çönüb mənə baxır! Və hamı çaşqındır: “o, mənim şəklimi çəkirdi?” Və bu, hər zaman baş verir! Yaxşı şəkil nadir hallarda ilk dubldan alınır, bu “vjık”-lar isə sırayla təkrarlandıqda ətrafdakılar qıcıqlanır. Mən də onlarla bərabər. Odur ki kontent çəkirsinizsə “yapon” modelini almadan öncə iki dəfə düşünün.

Məlumat: Yaponiya qanunları gizli çəkilişi qadağan edir. Buna görə də bu bazar üçün nəzərdə tutulmuş bütün iPhone-larda kamera rəzəsinin səsini söndürmək mümkün deyil. O hətta səssiz rejimdə və ya qulaqlıqları istifadə etdikdə belə səslənəcək. iPhone aktiv edilməyibsə məsələni bizim operatorların Sim kartları vasitəsiylə həll etmək olar. Dərd odur ki, hər qeyri rəsmi satıcının bundan xəbəri yoxdur və alıcıları xəbərdar edə bilmirlər.  

Hekayə №5: təxmin edilə bilən 

“Mən qeyri rəsmi mağazadan yeni və aktivləşdirilməmiş iPhone 11 aldım. Demək istəyirəm ki, mən bu satıcını artıq tanıyırdım, ondan AirPods və Apple Watch sifariş etmişdim. Onlar hələ də işləyirlər, amma mənim iPhone-da bəxtim gətirmədi: alındıqdan qısa müddət sonra sensor toxunuşlara cavab vermədi. 100% brak idi. Rəsmi Apple Servis Mərkəzi qeyri-qanuni olduğu üçün telefonu zəmanətlə qəbul etmədi.

 Satıcı ilə əlaqə saxladım, o, öhdəliklərini yerinə yetirməkdən imtina etmədi. Amma xəbərdarlıq etdi ki, proses uzun çəkəcək: iPhone “avropalıdır”, ona görə də onu xaricdəki servis mərkəzinə aparmaq lazımdır və bir müddət sonra onu götürməyə getməlisən. Bu məni qane etmədi, çünki onun əvəzinə başqa normal telefonum yox idi. Özbaşına bu vəziyyətdən çıxış yolu axtaramağa məcbur oldum: dostum tez-tez AB-də olurdu və mənim telefonumu yerli servisə apardı. Bu halın zəmanətli olduğunu qəbul etdilər və problemi aradan qaldırdılar. Lakin mənə dərs oldu: hətta çox keyfiyyətli texnika belə xarab ola bilər və zəmanətin olması yaxşıdır.»     

Məlumat: Apple texnikası nadir hallarda xarab olur, lakin gözlənilməz hadisələrdən heç kim sığortalanmayıb. iPhone ilkin satıldığı ölkədə – “ağ” olduğu ölkədə zəmanət altında qəbul ediləcək. Digər ölkələrdə isə bu səlahiyyətli xidmət mərkəzinin qərarına bağlıdır. Buna görə də, qeyri rəsmi iPhone qüsurlu olarsa, onu xaricə aparmalı və ya yerli ustalara etibar etməli olacaqsınız. Və əslində ödənişsiz almalı olduğunuzu öz hesabınıza alacaqsınız.  

Qeyri rəsmi iPhone-u necə ayırd etmək olar?

Apple texnikasını rəsmi resellerlərdən əldə etdikdə bununla məşğul olmağa məcbur qalmayacaqsınız. Çünki onlar yalnız “ağ” iPhone-lar satır. Belə iPhone-ların qutusunun üzərində ölkəmizə import edən tədarükçü barədə azərbaycan dilində məlumat olan stiker var.

Əyər siz yoxlanmamış satıcılardan və ya ikinci əldən iPhone alırsınızsa etiketləməyə diqqət yetirin. “CE” işarəsi Avrotestin sertifikatlaşmasını və cihazın Avropa standartlarına uyğun olduğunu göstərir. “EAC” isə cihazın Gömrük ittifaqına daxil olan dövlətlərdə: Ermənistan, Belarus, Qazaxstan, Qırğızıstan və Rusiyada satışı üçün sertifikatlaşdırılmış olduğunu. “CCC” isə Çin sertifikatlaşdırılmasının göstəricisidir.

Sizin iPhone-un hansı region üçün istehsal olunduğunu modelin nömrəsindən öyrənmək olar. Apple saytında açıqlaması var.

Başqa bir yol, seriya nömrəsini Apple-ın Azərbaycandakı rəsmi tərəfdaşı olan iSpace saytından əldə etməkdir.

iPhone aldıqda necə səhvə yol verməyək?

Problemlərdən qaçmağın ən sadə yolu – iPhone-u ancaq rəsmi resellerlərdən əldə etməkdir. O zaman siz yerli bazar üçün orijinal və sertifikatlaşdırılmış, heç bir problem olmadan zəmanətlə xidmət olunacaq telefon aldığınızdan əmin olacaqsınız.

Apple-n Azərbaycanda rəsmi partnyoru – iSpace şəbəkəsidir. Brend mağazalarında bütün aktual iPhone-lar açıq masada təqdim olunmuşdur: özünüz onlarla yaxından tanış ola bilərsiniz. Məsələn: hansı ölçünün əlinizə daha çox yatdığını müqaisə edə, kameranı və funksiyaları test edə bilərsiniz. Məsləhətçilər isə sizə seçim etməyə kömək edəcəklər.

iSpace-in daha bir üstünlüyü – rahat ödəniş variantlarıdır. Siz iPhone-u taksitlə, hissəli ödənişlə, eləcə də Trade-in ilə ala bilərsiniz. Bu sistem sizə yeni iPhone-u köhnə smartfonunuzun dəyərini çıxmaqla əldə etmək imkanı verir.

Mağazalara gəlin və ya onlayn ispace.az saytından ölkənin istənilən nöqtəsinə çatdırılma ilə əldə edin.