Apple cihazlarını güclü batareyalarla təchiz edir və hər il əməliyyat sistemini optimallaşdıraraq cihazların enerji səmərəliliyini artırır. Lakin istənilən yenidən doldurulan batareyanın resursu məhduddur və onun ömrü bir sıra amillərdən asılıdır. MacBook, iPhone və iPad-in batareyasının ömrünü necə uzatmaq olar? Bunu bloqumuzda oxuyun.
MacBook-un batareya ömrünü necə uzatmaq olar?
MacBook-un batareyası təxminən 1000 tam doldurma dövrünə hesablanıb. Bu say bitdikdən sonra batareyanın resursu tükənmiş sayılır. Orta hesabla bu, aktiv istifadədə 3-5 il ərzində baş verir. Lakin yanlış istifadə edildikdə, batareya daha tez deqradasiyaya uğrayır. Bunu necə qarşısını almaq olar:
Mac-ın tam enerjisiz qalmasına imkan verməyin. Optimal enerji səviyyəsi 20%-dən 80%-ə qədərdir.
Daimi həddindən artıq qızmadan çəkinin – bu, batareyanın ömrünü qısaldır. Ventilyasiya dəliklərini bağlamamağa çalışın (məsələn, yataqda istifadə edərkən) və Mac-ı birbaşa günəş şüaları altında doldurmayın.
İstifadə olunmayan tətbiqləri bağlayın. Arxa planda işləyən proseslər sistemi yükləyir və MacBook-un batareyasını daha tez boşaldır.
MacBook-da batareya vəziyyətini necə yoxlamaq olar?
Qalan enerji dövrlərinin sayını özünüz yoxlaya bilərsiniz: Option düyməsini basılı saxlayın və ekranın sol üst küncündəki Apple loqosuna klikləyin. Daha sonra “Sistem məlumatları” > “Aparat təminatı” > “Batareya məlumatı” bölməsini seçin.
MacBook-un batareyasını necə qorumaq olar?
Optimallaşdırılmış enerji yığma funksiyasını aktiv edin. Bu funksiya sistemə kompüterinizi hansı saatlarda enerji ilə təmin etdiyinizi analiz etməyə imkan verir və optimal enerji səviyyəsini qoruyur: Mac enerji mənbəyinə qoşulu olduğu zaman 80%, siz onu ayırmazdan əvvəl isə 100%. “Batareyanın vəziyyətinə nəzarət” funksiyasını aktivləşdirmək üçün macOS parametrlərində “Enerjiyə qənaət” bölməsinə keçin.
iPhone-un batareya ömrünü necə uzatmaq olar?
iPhone 14 və daha əvvəlki modellərin batareyası 500 tam enerji dövründən sonra ilkin tutumunun təxminən 80%-ni qoruyur. Yeni iPhone modelləri isə 1000 dövr keçdikdən sonra eyni səviyyəni saxlayır. Lakin bu göstəricilər ideal şəraitdə mümkündür.
iPhone-un batareyasının ömrünü uzatmaq üçün:
- Enerji səviyyəsini 20-80% aralığında saxlayın.
- Keyfiyyətli enerji cihazlarından istifadə edin.
- iPhone-u birbaşa günəş şüaları altında, yastıq altında və ya radiator üzərində enerji ilə təmin etməyin. Həddindən artıq qızmadan çəkinin.
- Optimallaşdırılmış enerji yığma funksiyasını aktiv edin: “Ayarlar” > “Batareya” > “Enerji yığma“.
iPhone-un batareyası nə qədər müddət işləyir? Təxminən 2-3 il aktiv istifadə zamanı stabil qalır. Bu müddətdən sonra isə enerji saxlaması tədricən azalmağa başlayır.
iPad-in batareya ömrünü necə uzatmaq olar?
iPhone-da olduğu kimi, iPad-in batareyası da 1000 enerji dövründən sonra ilkin tutumunun 80%-ini qoruyur. Dəqiq göstərici isə planşetdən istifadə intensivliyinə və enerji ilə təmin etmə tezliyinə bağlıdır.
iPad-in batareya ömrünü uzatmaq üçün:
Planşeti daim maksimum parlaqlıqda istifadə etməməyə çalışın.
“Enerjiyə qənaət rejimi”ni aktiv edin: Bunun üçün “Ayarlar” > “Batareya” bölməsinə keçin.
“Enerji limiti” funksiyasını aktiv edin (yalnız iPad Pro M4 və iPad Air M2 modellərində mövcuddur). Batareyanın daha gec aşınması üçün iPad-in tam enerji ilə işləməsi aradan qaldırılır. 80%-dən yuxarı enerji yığmanı məhdudlaşdırmaq üçün “Ayarlar” > “Batareya” > “Batareyanın vəziyyəti” bölməsinə keçin.
iPad-i 35°C-dən yüksək temperaturda istifadə etməyin. Məsələn, çimərlikdə birbaşa günəş altında və ya saunada. Həmçinin, yüksək temperaturda enerji ilə təmin etməkdən çəkinin.
Əlavə tövsiyələr
iPad-i uzun müddət istifadə etmədikdə, onu 50% enerji səviyyəsində saxlayın. Batareyanın tam boşalması və ya uzun müddət 100% dolu qalması ömrünü qısalda bilər. Orijinal və keyfiyyətli enerji cihazlarından istifadə edin. Uyğun olmayan adapterlər batareyanın qızmasına və tez sıradan çıxmasına səbəb ola bilər. iPad-in proqram təminatını daim yeniləyin. Yeni versiyalar batareyanın səmərəli işləməsi üçün optimallaşdırmalar təqdim edə bilər. Arxa planda işləyən tətbiqləri və avtomatik yeniləmələri məhdudlaşdırın. Bunun üçün “Ayarlar” > “Ümumi” > “Arxa planda tətbiq yeniləməsi” bölməsinə keçərək uyğun tənzimləmələr edin. Ekran vaxtını optimallaşdırın: istifadəyə ehtiyac olmadıqda ekranın avtomatik sönmə müddətini azaldın.
BUNLARI DA OXUYUN:
2025-ci ildə Apple Watch-u necə seçmək olar? Ən yaxşı modellərin bloqu
Biz açıldıq! Yeni formatda olan iSpace artıq Port Baku Mall-da!
Beş qabaqcıl kameralı iPhone modeli — 2025-ci ildə anları əldən verməyin
2025-ci ildə hansı MacBook-u almaq olar? Özünüzə və ya yaxınlarınıza Yeni il hədiyyəsi seçirik
Yeni il üçün hansı iPad-i hədiyyə etmək olar: fərqli tələblər üçün cihaz seçirik
