M3 çipli MacBook Pro oyunlar üçün uyğundurmu? 

MacBook-un qrafika imkanları hər yeni nəsil Apple Silicon çipləri ilə təkmilləşdirilir. Misal üçün, M3 seriyasında Apple təkmilləşdirilmiş qrafik arxitekturasına keçdi və aparat şüalarının izlənməsini əlavə etdi. Bundan əlavə, GPU Mesh Shading və Dynamic Caching funksiyaları ilə təchiz edildi – bu, daxili qrafikanın arxitekturasını əhəmiyyətli dərəcədə yaxşılaşdırdı. 

Məqsədiniz oyundursa, M3 çipli MacBook Pro almağa dəyərmi? İrəlidə söhbət bundan gedir.  

Ailədə üç yeni çip 

M3 – kristal üzərində ARM arxitekturasına malik bir sistemlər seriyasıdır. Buraya M3, M3 Pro və M3 Max çipləri daxildir. Onların hamısı yeni 3 nanometrlik texnologiya ilə istehsal olunmuşdur (əvvəllər 5 nanometr idi). Bunun sayəsində prosessor M1 ilə eyni gücə malikdir, lakin enerjini iki dəfə az sərf edir. 

M3 ilə işləyən MacBook Pro yüksək səviyyəli Intel əsaslı Mac-dan 11 dəfə daha sürətlidir. 

Bu güc həm şarj zamanı, həm də avtonom rejimdə özünü göstərir. Məhz buna görə də bu yenilik oyun üçün ən yaxşı MacBook Pro-dur. 

Özəl 16 nüvəli Neural Engine 60% daha sürətli oldu və media emal modulu AV1 kodekini (əvvəllər H.264, HEVC, ProRes və ProRes RAW) dəstəkləyir. Kodek dəstəyi sizə videoları YouTube və digər axın platformalarında enerjiyə qənaət edən formatda oynatmağa imkan verir. 

Enerji səmərəliliyindən danışarkən qeyd edək ki, M3 çipləri ilə təchiz edilmiş MacBook Pro-lar bir dəfə şarj etməklə 22 saata qədər işləyir. Bu, Mac tarixində ən uzun batareya ömrüdür! 

Oyun üçün Apple notbuku: çiplər arasındakı fərq nədədir 

M3 ailənin baza çipidir. Mərkəzi prosessora 8 nüvə daxildir, onlardan 4-ü məhsuldar, 4-ü isə enerjiyə qənaətcildir. GPU-nun 10 nüvəsi var və onlar M2-dəki nüvələrdən 20%, M1-dəki nüvələrdən isə 35% daha sürətlidir. 24 GB-dək birləşmiş yaddaşı dəstəkləyir. M3 çipin özü 25 milliard tranzistor ilə təchiz olunmuşdur.  Müqayisə üçün qeyd edək ki,  M2-də 20 milliard idi. Quraşdırılmış ekrana əlavə olaraq daha bir ekran əlavə etmək mümkündür. 

M3 Pro daha güclüdür. Təkmilləşdirilmiş CPU–ya 12 nüvəyə qədər, GPU-ya isə – 18 nüvə (6 məhsuldar və 6 enerjiyə qənaətcil) daxildir. M1 Pro cip ilə müqayisə etsək, mərkəzi prosessor 20%, qrafik prosessor isə 40% sürətlənmişdir. M3 Pro-da 37 milyard tranzistor vardır, 36 GB-a qədər birləşdirilmiş yaddaş dəstəklənir. Eyni anda iki ekrana qədər qoşulmaq mümkündür. 

M3 Max – Apple Silicon tarixindəki ən güclü çipdir. Onunla olan notbuk isə oyun üçün ən güclü MacBook sayılır. İçində 16 nüvəli CPU var (12 məhsuldar və 4 enerji qənaətcil). Qrafik sürətləndirici 40 nüvəlidir (maksimum konfiqurasiyada), bu da onu M1 Max-dan 50% və ya M2 Max-dan 20% daha sürətli edir. 128 GB-a qədər birləşdirilmiş yaddaşa malikdir və 4 xarici monitora qədər qoşulma imkanı verir. Tranzistorların sayı heyrətləndirir: 92 milyard. 

• M3 çipi MacBook Pro (14-düym) və iMac-də (24-düym) mövcuddur.
• M3 Pro və M3 Max çipi – yalnız MacBook Pro-da (14 və 16 düym). Yeri gəlmişkən, onlar xüsusi anodlaşdırılmış barmaq izinə qarşı örtüklə, eksklüziv Space Black rəngində mövcuddur.

Daxili qrafikanın təkmilləşdirilmiş arxitekturası 

İlk dəfə olaraq Apple Silicon prosessorlarında yeni Ray Tracing və Mesh Shading texnologiyaları təqdim edilmişdir. Onların sahəsində MacBook-u oyun üçün istifadə etmək xüsusi zövq verir. 

Şüalarının aparat izlənməsi sizə minimal yükləmə ilə oyunlarda real kölgələr və əkslər göstərir. “Mesh shader” texnologiyası tapşırıqları mərkəzi prosessordan qrafik prossesora köçürmək üçün lazımdır. Bu, kiçik detalları, obyektləri tez emal etməyə və 3D qrafikasında mürəkkəb səhnələr yaratmağa imkan verir. 

Dynamic Cashing – M3 çiplərinin daha bir yeniliyidir. Dinamik keşləmə texnologiyası yeni qrafik arxitekturanın mərkəzi nüvəsi oldu. O, real vaxt rejimində prosessorun yüklənməsini təhlil edir və konkret tapşırığı yerinə yetirmək üçün lazım olan dəqiq yaddaş həcmini ayırır. Bir sözlə, Dynamic Cashing qrafik nüvəsinin imkanlarını artırır və oyunlarda keyfiyyətli təkmilləşmələrə zəmanət verir 

macOS Sonoma-da oyunçular üçün yeniliklər 

Apple özü MacBook üçün həm aparat, həm də proqram təminatı hazırlayır. Buna görə də onlar birlikdə əla işləyir və bir-birinin imkanlarını ortaya çixarırlar. Yeni macOS-da xüsusi oyun rejimi vardır, hansı ki, oyunlara CPU və GPU-ya ən yüksək prioritet girişi təmin edir və fon tapşırıqları üçün resurslarını azaldır. Bu, hamar şəkillər üçün davamlı olaraq yüksək kadr tezliyini təmin edir. Həmçinin, simsiz aksesuarları – gamepad və qulaqlıqları birləşdirən zaman giriş və səs gecikməsini azaldır. 

Oyun üçün MacBook almağın daha bir səbəbi Game Porting Toolkit utilitidir. Onun köməyi ilə tərtibatçılar minimum səylə Windows oyunlarını macOS-a köçürə bilərlər. Məsələn, alət DirectX 12-ni Metal 3-ə “çevirməyə” imkan verir. Əlbəttə ki, oyunçular əvvəllər də oyunları Apple platformasına daşımaq üçün CrossOver və Wine-dan istifadə edirdilər. Lakin, indi macOS-un özündə oxşar alətlər mövcüddur və bəzi Windows oyunları Mac-a köcürmək üçün heç bir kod dəyişikliyi etmədən “uçur”. 

Oyun üçün MacBook almağa dəyərmi? 

Bəli, çünki M3 çipinin təkmilləşdirilmiş qrafik arxitekturası sayəsində Mac kompüterləri hətta tələbkar oyunlar üçün uyğundur. Və “Bəli!”, əgər siz notbukunuzda təkcə oynamağı yox, həm də işləməyi planlaşdırırsınızsa: demək olar ki, performans baxımından bunların tayı bərabəri yoxdur. 

Qrafik potensiala 14 və ya 16 düymlük Liquid Retina XDR ekranı, 6 dinamikli səs sistemini, studiya keyfiyyətli 3 mikrofonlu massivi, jestləri dəstəkliyən trekpadi və aşınmaya davamlı alüminium korpusu əlavə edin. 

Buna görə də, bu, təkcə oyun üçün deyil, ümumiyyətlə həyat üçün güclü MacBook-dur. 

MacBook-un oyunlara gücü çatırmı? 

MacOS üçün uyğunlaşdırılmış istənilən oyun MacBook Pro M3 oyun kompüterində “uçacaq”. Dota 2, Shadow of the Tomb Raider, Myst, Baldur’s Gate 3, Lies of P, Death Stranding Director’s Cut, həmçinin Steam-dən olan oyunları M3 çipi asanlıqla dəstəkləyir. Hətta təqdimat zamanı Apple söz vermişdi ki, böyük blokbasterlər tezliklə Mac-da əlçatan olacaq: Death Stranding, World of Warcraft: Dragonflight, Resident Evil Village: Winters’ Expansion, No Man’s Sky və s. Böyük ehtimalla bu siyahıya mütəmadi olaraq əlavələr olunacaq, çünki Apple öz platformasına fəal şəkildə oyun tərtibatçılarını cəlb edir. 

Nəticə 

MacBook Pro-nun Apple-ın oyun notbuku olduğunu deməyəcəyik. Şirkət özü də onları oyun cihazları kimi təqdim etmir. Lakin, 5 il öncə istifadəçilər MacBook-u oyun notbuku kimi müzakirə etdikdə skeptik yanaşırdılarsa, bugün bu artıq keçmişdə qaldı. Müasir Apple notbukları təkcə iş üçün deyil, həm də gündəlik həyat üçün nəzərdə tutulmuşdur. Oyunlar isə onun ayrılmaz hissəsidir. 

M3, M3 Pro və M3 Max çipli MacBook Pro modellərini iSpace-dən alın. Bu, Apple şirkətinin Azerbaycanda rəsmi nümayəndəsinin mağazalar şəbəkəsidir. Bütün konfiqurasiyalar anbarda mövcuddur, bundan başqa isə fərdi modelləri sifariş etmək imkanımız da var. 

MacBook Pro M3-ü əldə etmək üçün iSpace-ə gəlin və ya Azerbaycanın istənilən yerinə çatdırılma ilə onlayn sifariş verin!