iPhone soyuqda sönərsə və açılmazsa nə etməli? 

Gözlənilməz fakt: Qışda Eyfel qülləsi 15 sm kiçilir. Səbəb isə istilik genişlənməsidir: hava soyuyanda polad sıxılır, temperatur artanda isə ilkin vəziyyətinə qayıdır. 

Çoxlu metal elementlərdən və mikrosxemlərdən ibarət ultra nazik iPhone necə olsun! Bundan əlavə, o, litium-ion batareya ilə təchiz olunub: o da soyuğa həssasdır. Aşağı temperaturun smartfonunuza necə təsir etdiyini və bununla bağlı nə edəcəyinizi sizinlə paylaşırıq. 

iPhone soyuqda niyə sönür? 

Əksər hallarda səbəb litium-ion batareyadır. Soyuqda ionlar xüsusiyyətlərini itirir və daxili müqavimət artır. Nəticədə batareya tutumu azalır. Batareya smartfonun işləməsi üçün lazım olan cərəyanı artıq verə bilmədiyindən iPhone sönür. Bu, hətta 20-30% şarj qaldıqda belə baş verir. 

Soyuqda hansı iPhone-lar sönür? 

Smartfon müntəzəm olaraq temperatur diapazon xaricində istifadə olunarsa – hamısı. Amma soyuqdan ən çox əziyyət çəkən köhnə modellərdir. Çünki onların batareyası daha “köhnəlmişdir”. 

iPhone batareyaları haqqında olan məqaləmizdə standart litium-ion batareyanın 500 şarj dövrü üçün nəzərdə tutulduğunu demişdik. Bu, təxminən 2 il aktiv istifadə deməkdir. Bu həddə çatdıqda batareyanın tutumu 15–20% azalır.  80% -ə düşdükdə isə ​​batareyanın dəyişdirilməsi lazımdır: çünki o daha prosessorun gücünü dəstəkləyə bilmir və bu, dərhal qözə çarpır: iPhone soyuqda sönür, performansını itirir və ümumiyyətlə batareyanın tutumu tez azalır. 

Buna görə də, eyni şəraitdə, iPhone 11 batareyası soyuqda yeni iPhone 15-dən daha sürətli boşalacaq. 

iPhone hansı temperaturda sönür? 

Apple iPhone-un işləmə temperaturunun 0–35°C arasında olduğunu iddia edir. Onu daha aşağı (və ya daha yüksək) temperaturda istifadə etdikdə cihaz özünü başqa cür aparır. Məsələn, hətta -1°C-də performans azala bilər və ya iPhone-un şarjı tez boşalmağa başlaya və sonra, o, sönə bilər. 

Xoşbəxtlikdən, bütün bu narahatlıqlar müvəqqətidir. Sadəcə iPhone-u isitmək lazımdır və, o, yenidən işləməyə başlayacaq. 

Niyə iPhone şaxtada sönür, digər smartfonlar isə yox? 

Bu yanlış fikirdir: litium-ion batareyası olan bütün smartfonlar soyuğa xəssasdır. Amma burada bir qeyd etmək lazımdır: iPhone-lar metal və şüşədən hazırlanmış nazik korpusla təchiz olunmuşdur. Onlar gözəl görünüşə malikdir, lakin tez donurlar. Öz növbəsində, bir çox Android qacetləri plastik korpusa malikdir. O, istiliyi alüminium və şüşədən daha pis ötürür, buna görə də telefonlar daha aşağı temperaturlara tab gətirə bilir. Bundan əlavə, Apple-dan fərqli olaraq, bazarda çoxlu qalın Android cihazları var: bu da şaxtaya davamlılığı artırır. 

iPhone açılmırsa nə etməli? 

Onu isitmək lazımdır: telefon optimal mühitə çatdıqda, normal iş vaxtı bərpa olunacaq. Ancaq unutmayın: gacetlər temperatur dəyişimini sevmir, buna görə “donmuş” cihazı istilik batareyasının üzərinə qoymaq və ya avtomobildə isti havanın qarşısında saxlamaq olmaz çünki kondensat yarana bilər. Həmçinin, cihazı dərhal şarj etmək məsləhət deyil. Əgər iPhone sönür və açılmırsa, “özünə gəlməsi” üçün onu otaq temperaturunda 10–15 dəqiqə saxlayın. Yalnız bundan sonra onu şarj edin. 

Soyuq havada iPhone “ilişir” 

Şaxta cihazın işləməsinə təsir göstərir, hətta onun sönməsinə qədər. Lakin bəzən istifadəçilər başqa problemlərlə qarşılaşırlar. Çox aşağı temperaturda ekran sensoru düzgün işləməyə bilər. Bəzi sahiblər kameranın soyuqda daha pis işləməsi ilə üzləşir. Məsələn, şəkil yerinə qara ekran görünür və ya flaş və ya fokus işləmir. 

Tanışdır? Telefonu qızdırın və onun performansı bərpa olunacaq. 

Soyuqda iPhone-un sönməsinin qarşısını necə almaq olar? 

1. Evdən çıxmazdan əvvəl cihazınızı 100%-dək şarj edin. Çox bəsitdir: cihaz nə qədər çox doldurulsa, bir o qədər gec boşalacaq. 
2. Telefonla danışarkən qulaqlıqdan istifadə edin. Smartfon isə isti cibinizdə qalsın. 
3. Çexollardan istifadə edin. Qışda onlar nəinki iPhone-u zərbələrdən qoruyur, həm də dərhal donmasının qarşısını alırlar. 
4. Smartfonu çöldə saxlanılan avtomobildə qoymayın. Hətta qısa müddətlik olsa belə. 
5. iPhone-u bədəninizə yaxın saxlayın: cins şalvarın cibində və ya gədəkcənin daxili cibində. Çantanıza və ya kürək çantanıza qoymayın. 
6. Köhnə modeldəki batareyanın gücü 80%-dən aşağıdırsa onu dəyişdirin. Bunu, Azərbaycandakı iSpace servis mərkəzində edə bilərsiniz. 
7. Trade-in-lə köhnə iPhone-u yenisi ilə dəyişdirin. Onda siz nəinki zəif batareya problemindən xilas olacaqsınız, həm də performasli cihaz əldə edəcəksiniz. 

Nəticə 

İndi iPhone-un şaxtada niyə söndüyünü bilirsiniz. Şüşə və alüminiumdan hazırlanmış nazik korpus tez donur, bu da akkumulyatordakı kimyəvi reaksiyaları ləngidir. Nəticədə, smartfon “ilişir” və batareyanın tez tükənməsi səbəbindən sönə bilir. Bundan xüsusilə köhnə modellər əziyyət çəkir. 

“Bütün iPhone-lar soyuqda sönürmü?” sualına birmənalı cavab vermək çətindir. Bu, bir çox amillərdən asılıdır: temperatur, modelin yaşı, smartfonun sarj səviyyəsi və hətta çexolun materialından. 

Əgər iPhone şaxtada sönür və açılmırsa, onu isti yerə aparın və orada bir az saxlayın. Telefonun funksionallığı bərpa olunacaq. Ancaq unutmayın: elektronika qəfil temperatur dəyişimini sevmir, buna görə cihazı istilik batareyasının üzərinə və ya sobaya qoymayın. “Donmuş” iPhone-u şarj etməyin 

Soyuqda iPhone sönürsə nə etməli? Ən effektiv metod batareyanın dəyişdirilməsidir. “Parametrlər” > “Batareya” > “Batareya tutumu və şarj” bölməsinə keçin. “Maksimal tutum” 85-80% -dən azdırsa, xidmət mərkəzinə müraciət etməyin vaxtı gəlib çatıb. 

iSpace-ə müraciət etməyi tövsiyə edirik – bu, Azərbaycanda səlahiyyətli Apple servis mərkəzidir. Burada mühəndislər korporasiya standartlarına uyğun işləyirlər: bu, təmirin etibarlılığına və keyfiyyətinə zəmanət verir. İş üçün peşəkar avadanlıq və orijinal komponentlərdən istifadə olunur: iSpace onları birbaşa Apple-dan alır. 

Ümumiyyətlə, istehsalçının zavodunda yeni iPhone-larda istifadə olunan batareyanın eynisinin cihazınıza quraşdırılmasını istəyirsinizsə, iSpace-ə müraciət edin. Hissənin qiyməti telefon modelindən asılıdır. Sonda isə görülən işlərə zəmanət alacaqsınız. 

Əlaqə nömrələri, təmir mərhələləri və iPhone-un servisə hazırlanması barədə təlimatlar buradadır. 

iSpace servis mərkəzləri sizi aşağıdakı ünvanlarda gözləyir: 

Yeni Hayat Plaza
Mob.+994 (50) 766-00-25
Tel.+994 (12) 493-54-34
Be – B: 08:00 – 21:00
B: 10:00 – 21:00