iPhone 14 vs iPhone 15: keçməyə dəyərmi və fərq nədədir

Sentyabrda Apple 2023-cü ilin ən çox gözlənilən və müzakirə olunan smartfonlarını – iPhone 15 xəttini təqdim etdi. Bu gün biz baza modeli iPhone 15 və 15 Plus-da olan yeniliklərə nəzər salacaq, eləcə də onların öncəki modellər – iPhone 14 və 14 Plus ilə fərqlərini müəyyən edəcəyik.

5 yeni rəng

Satış ərəfəsində iPhone 15 və 15 Plus 5 pastel çalarda təqdim olunur: sarı, çəhrayı, mavi, yaşıl və klassik qara. Yəqin ki, altı aydan sonra daha bir rəng əlavə olunacaq – bu, Apple-da istifadə olunan bir təcrübədir.

iPhone 14 zəngin qara, ağ, mavi, bənövşəyi, qırmızı (Product RED) və sarı rənglərdə təqdim olunmuşdur.

Yenilənmiş dizaynı və mat “arxası”

Apple-ın iPhone dizaynına xüsusi yanaşması var: bir neçə il öncə şirkət uğurlu bir konsepsiya təqdim etmişdi və indi sadəcə onu təkmilləşdirir. Buna görə də yeni iPhone 15 və 15 Plus özündən öncəki modellərdən zahirən çox da seçilmir: alüminium korpus və diaqonal yerləşən iki kameralı modul. Lakin fərq yenə də var. Ələlxüsus da bir əlinizə iPhone 14, digərinə isə iPhone 15 alanda.

Kənarları daha da yuvarlaq oldu, ekranın ətrafındakı çərçivə isə kiçildi. Smartfonu əldə saxlamaq daha da xoş oldu – bu hissi sözlə ifadə etmək çətindir. Təbii ki, yeni rənglər də təravət qatır. Yeri gəlmişkən, yeni nəsil iPhone-lar daha mat oldular – uzun zamanda ilk dəfə. Hələ iPhone XR vaxtlarından bəri Apple baza versiyaları əl izləri saxlayan, rəngli, parlaq örtüklə təchiz edirdi. Artıq bu məslə həll olundu.

“Tel” əvəzinə Dynamic Island

Flaqman iPhone 14 Pro və 14 Pro Max-ın eksklüziv özəlliyi indi artıq baza versiyalarda da mövcuddur. Və bu əladır, çünki Dynamic İsland sadəcə TrueDepth kamera və sensorlar olan “telin” əvəzi deyil. Bu bildirişləri və fon fəaliyyətlərini göstərən rahat interfeys elementidir. Məsələn, siz Safari-də otura bilərsiniz və “ada” dinlədiyiniz musiqinin simvolunu və yandırdığınız taymeri göstərəcək.

Dynamic Island interaktivdir, buna görə də tətbiqləri və zəngləri birbaşa oradan idarə etmək olar – sadəcə toxunun. “Adanın” ölçüsünün tapşırıqlardan asılı olaraq dəyişməsi də çox rahatdır. Məsələn aktiv olmadıqda, o, kiçikdir, fəaliyyətə keçdiyi zaman isə böyüyür. Maraqlısı odur ki, “dinamik adanın” eksklüziv texnologiyası o qədər uğurlu alınıb ki, digər smartfon istehsalçıları dərhal onu təqlid etməyə başladılar.

Xatırladaq ki, iPhone 14 baza modellərində, ələlxüsus da köhnə Apple smartfonlarında, ön kameranın yerində artıq köhnəlmiş “teldir”.

Sərhədləri aşan 2000 nitədək ekran parlaqlığı

iPhone ekranı öz sinfində ən yaxşılardan biri sayılır, bu il isə hətta skeptiklər təəccübləndi. iPhone 15 və 15 Plus OLED üzərində 6.1 düymlük Super Retina ХDR ekranla təchiz olunub – 2000 nitədək parlaqlığa malik matris üzərində. Bu, baza modelləri üçün möhtəşəm göstəricidir: ötən il bu yenilənmə sadəcə flaqman olan 14 Pro modellərində vardı.

Rəqəmlər sizdə heç bir fikir yaratmırsa təsəvvür edin ki, siz yay vaxtı günorta qızmar günəşin altında dayanmısınız. Və siz gözlərinizi ekrana zilləməli və ya ekranı əlinizlə kölgələndirməli deyilsiniz. Çünki iPhone-da hər şey aydın görünür – sanki siz otaqdasınız.

Ekran oleofob örtüklə əl izlərindən və kosmetikadan qorunur. Onun fiziki qorumasını isə Ceramic Shield paneli təmin edir. Tərkibində şüşənin təsir gücünü artıran matrisə daxil edilmiş nanokristallar var. Bu, ekranın cızılmasını və ya qırılmasını çətinləşdirir.

Xatırladaq ki, iPhone 14-ün pik parlaqlığı 1200 nit təşkil edir. Ceramic Shield ilk dəfə yalnız iPhone 12-də peyda olmuşdu.

А16 Bionic çipi – Pro-verisyalardakı kimi

Keçən ilin Pro modellərindəki A16 Bionic çipi iPhone 15-ə köçüb. Bortunda 6 CPU və 5 GPU nüvəsi var. Rəsmi 16 nüvəli Neural Engine tamamlayır. 4-nanometrlik texproses ilə hazırlanan bu çip ilkin olaraq böyük performans ehtiyatı ilə hazırlanıb, ona görə də növbəti 4-5 il üçün kifayət edəcək. iPhone-un tələbkar tətbiqlərinin və oyunların, eləcə də verilən tapşırıqların öhdəsindən asanlıqla gəldiyini görəcəksiniz. Oyun zamanı isə daha hamar qrafikanın fərqinə varacaqsınız.

Yeni məhsul, həmçinin zənglər zamanı manual aktivləşdirilə bilən təkmilləşdirilmiş səs-küy azaltma sistemi də əldə edib. Əvvəllər avtomatik aktivləşirdi.

Müqayisə üçün qeyd edək ki, iPhone 14 5 nanometrlik proses texnologiyasından istifadə etməklə hazırlanmış A15 Bionic çipsetlə təchiz olunub. Onunla müqayisədə yeni məhsullardakı çip daha məhsuldar və enerjiyə qənaətlidir.

Lightning yerinə USB-C çıxış

Mac, iPad və yeni AirPods sahibləri üçün şad xəbər: indi iPhone-u bir kabel ilə şarj etmək mümkündür. Bütün iPhone 15 xətti 2.0 versiyada USB-C çıxışı ilə təchiz olunmuşdur.

Hərçənd ki, hətta siz uzun illər boyu sadəcə Lightning konnektorlu iPhone istifadə etmişsinizsə belə və Apple texnikasından daha heç bir cihazınız yoxdursa – yeni konnektor yenə də yaxşıdır. Çünki bazar USB-C çıxışı olan digər cihazlarla doludur: simsiz şarj cihazları, saatlar, elektrik açarlar, diş fırçaları və s. Yəqin ki, haradasa uyğun adapterlər və kabelləriniz var. Onlar həmçinin yeni Apple smartfonlarını da şarj edə bilərlər.

Type-C-nin daha bir üstünlüyü ondadır ki, o, həm də periferiyalı avadanlıqların qoşulması üçün uyğun gəlir: monitorlar, xarici disk, klaviatura və digərləri.

Bundan başqa, iPhone 15-in köməyi ilə digər cihazları da şarj etmək mümkün olacaq: məsələn АirPods. Sehrin baş verməsi üçün kabelin bir ucunu AirPod-larınıza, digər ucunu isə digər cihaza qoşun.

iPhone 14-lə iPhone 15-in kameralarının müqayisəsi

Kameranın xüsusiyyətlərinə baxdıqda, birinin digərindən necə fərqləndiyini dərhal görə bilərsiniz. iPhone 15 və 15 Plus-da üç kamera var: iki əsas və bir ön kamera. Ultra geniş bucaqlı və 12 meqapiksellik ön kamera, lakin geniş bucaqlı kameralar 48 meqapiksellik sensorla təchiz olunub! Müqayisə üçün: iPhone 14 12 meqapikselə malik idi.

Maraqlıdır ki, iPhone-un baza modelləri tam 48 meqapiksel görüntü imkanı ilə çəkə və şəkilləri HEIF formatında saxlaya bilər (JPG-dən fərqli olaraq, eyni keyfiyyətlə daha az yer tələb edir). Əvvəllər 48 meqapiksellik görüntü imkanıyla çəkiliş yalnız Apple ProRAW formatında mümkün idi. Yeri gəlmişkən, ProRaw və ProRes-də çəkiliş etmək yenə də Pro-versiyaların üstünlüyüdür. Lakin əksər istifadəçilərin heç buna ehtiyacı da yoxdur: bu professional emal formatıdır.

Fotoqrafiya sənətindən uzaq olsanız belə, iPhone 15 sizə incə detalları çəkən ultra kəskin fotoşəkillər və videolar bəxş edəcək. Onların müqayisəsi fotoşəkillər olmadan natamam olardı, ona görə də aşağıda çoxlu şəkillər olacaq. Diqqətlə baxın: Onların hər biri iPhone 15-lə çəkilib.

İlk dəfə olaraq, əsas versiyalar 0.5x, 1x və 2x-də çəkə biləcəklər. Özü də iki kameralı bir sistemdə! Keyfiyyət itkisi olmadan 2x böyütmə aparat və proqram təminatının ağıllı inteqrasiyası ilə təmin edilir. Xatırladaq ki, iPhone 14-lə yalnız 0,5x və 1x-də çəkmək olurdu.

Xüsusi heyranlıq hissini iPhone 15 və 15 Plus-la çəkilən portretlər yaradır. Dəqiq detallar, dərin kölgələr və hətta mürəkkəb işıqlandırmada belə təhrif olmayan əlvan rənglər.

iPhone 14-dən fərqli olaraq 15-ci xətdə portret rejimə avtomatik keçid peyda oldu. İndi smartfon kadrda insanı, iti və pişiyi tanıya bilir və daha təsirli foto çəkmək üçün portret rejiminə keçir. Keçidi ekrana toxunmaqla təxirə salmaq olar.

Artıq fotonun sonradan emalı zamanı fokusu dəyişmə imkanı peyda olub. Bunun üçün “Portret” rejimində çəkmək lazımdır. iPhone 14-də fokusu yalnız videoda (“Kinoeffekt” rejimində) dəyişmək mümkün idi.

Apple həmçinin Photonic Engine alqoritmini təkmilləşdirdi. Hətta çəkiliş zamanı xüsusi işıqdan istifadə etmədən sistem ön və arxa səhnələrin rənglərini düzgün emal edir.

Zəif işıqlandırmada şəkil çəkmək daha xoş və daha sürətli oldu. Birincisi, gecə rejimində portret rejimi əlavə olundu. İkincisi isə, iPhone 15 şəklin emalına daha az vaxt tələb edir. Özü də yetərsiz işıqlandırma şəraitində kamera daha çox detalı əhatə edir və rəngləri dəyişmir.

Rəng ötürməsindən söz düşmüşkən: iPhone 15 öncəki versiyadakı Smart HDR 4-ə qarşı Smart HDR 5-i dəstəkləyir.

iPhone 15 və 15 Plus-u bazarın ən yaxşısı edən başqa özəllikləri də var:

• Yaddaş həcmi 128, 256 и 512 Gb;
• Sürətli şarjı dəstəkləyir: 30 dəq. ərzində 50% ( 20 Vt və daha yuxarı adapterlərlə);
• Sudan və tozdan qoruma üzrə IP68 sertifikatı;
• Canlı ekran üçün 1170 x 2532 piksel təsvir ölçüsü.
• Yeniləmə tezliyi 60 Hz.
• Qabaqcıl Ultra Genişzolaqlı (UWB) çipi. Hər regionda işləmir.
• Mükəmməl batareya ömrü: 20 saata qədər video oxutma və 80 saat audio oxutma.

Nəticə: iPhone 15 yoxsa iPhone 14?

iPhone 15 – gündəlik istifadə üçün əla smartfondur. Qabaqcıl kamerası, güclü prosessoru və 1,5 gün aktiv işə kifayət edən “uzunömürlü” batareyası ilə. O, köhnə modelləri demirik, hətta hal-hazırda iPhone 14-dən istifadə edənləri belə xoş təəccübləndirəcək xüsusiyyətlərə malikdir. Məsələn, interartiv olan “ekranda ekran” Dynamic İsland və öncəki modellərdən ikiqat daha çox olan 2000 nitədək ekran parlaqlığı.

iPhone 15-ə keçməyə dəyərmi?

Bəli, əyər sizin üçün texnologiya, yenilik və yüksək iş sürəti önəmlidirsə. Birmənalı şəkildə dəyər, əyər siz kontent çəkirsizsə – iPhone kamerası bazarda ən yaxşılardan biridir. Və, əlbəttə ki, öz köhnə smartfonuna yeni rahat və funksional əvəz axtaranlar üçün iPhone 15 ən yaxşı seçim olacaq.

Haradan alaq?

Azərbaycanda iPhone 15-i iSpace-dən almaq olar: bizdə bütün rənglər və istənilən yaddaş həcmi mövcuddur. Mağazalarda yeniliklər açıq şəkildə təqdim olunub: gəlin gözdən keçirin və nəyi seçəcəyinizə qərar verin: 6.1 yoxsa 6.7 düym. iSpace-də görüşənədək!

HƏMÇİNİN OXUYUN