iOS 17: hansı yeniliklər var və yeniləməyə dəyərmi?

iOS 17-nin çıxmasını gözləyirdinizmi? Nəhayət! Bu yaxınlarda Apple iPhone əməliyyat sistemi üçün ən böyük yeniləməni təqdim etdi. Gəlin əsas yeniliklərdən danışaq!

Kontaktların fərdiləşdirilməsi: Zəng etdiyiniz zaman insanların nə görəcəyini fərdiləşdirin

Siz zəng zamanı həmsöhbətlərinizin görə biləcəyi öz posterinizi yarada bilərsiniz. Qalereyadan foto, Memodji seçə və hətta şrifti belə ayarlaya bilərsiniz. Əyər siz foto istifadə edirsinizsə işıqlandırma, obyektin fondan ayrılması və digər parametrlər üçün əlavə ayarlar açılacaq.

Öz divar kağızınızı fərdiləşdirmək üçün “Contacts”-ı açın, öz adınızın üzərinə toxunun > “Edit”-i seçin.

“In touch”  funksiyası: avtomatik olaraq istifadəçinin təyinat nöqtəsinə çatdığını bildirir.

Valideynlər və onların övladları üçün faydalı funksiyadır. İndi iPhone övladlarınızın təyinat nöqtəsinə çatması barədə avtomatik olaraq sizi məlumatlandırır. Məsələn, məktəbə, evə və ya nənə gilə qədər. Seçimi aktivləşdirsəniz, smartfon real vaxt rejimində istifadəçinin hərəkətini izləyəcək. Hərəkət dayanarsa, “itki” haqqında vacib məlumat tərkibli bir bildiriş alacaqsınız: coğrafi mövqe, batareya səviyyəsi və mobil siqnal. Yeni “In touch”  funksiyası iMessage funksionalının bir hissəsidir.

Funksiyanı aktiv etmək üçün Mesajlar (iMessage) tətbiqinə keçin. Sonra kontaktla çat açın (onda da iOS 17 olmalıdır), “+” > “More > “In touch”.

Yenilənmiş AirDrop və yeni funksiya – NameDrop

İndi bir iPhone-dan digərinə fayl atmaq üçün sadəcə onları bir-birinə yuxarı hissələri ilə yaxınlaşdırın. Eyni üsulla telefon nömrələri və elektron ünvanları da ötürmək olar – bu funksiyanın adı NameDrop-dur. Yeri gəlmişkən, o Apple Watch-la da işləyir.

Faylları paylaşmaq üçün onları seçin sonra isə “Share” > AirDrop və cihazları bir-birinə yaxınlaşdırın. Bundan sonra ekrana yenilənmiş animasiya gəlir.

StandBy: ağıllı bloklama rejimi

Bu əməliyyat sisteminin ən önəmli yeniliklərindən biridir. və o gecələr telefonu şarjda saxlayanlar üçün faydalı olacaq. Sadəcə iPhone-u yana çevirin – vidcetlər olan smart-saat tərzli yeni interfeys açılacaq.

Önəmlidir: StandBy yalnız iPhone 14 Pro və daha sonrakı modellərlə tam işləyəcək, çünki sadəcə onlarda “Always On” funksiyası mövcuddur. Digər iPhone-ların ekranları gözləmə rejimində sönəcək. Və bu funksiya sadəcə smartfonun yuvaya qoşulduğu zaman aktivləşir.

Funksiyanı aktiv etmək üçün, “Settings”> “StandBy”. Vidcetləri birbaşa bloklama ekranından seçmək olar.

İnteraktiv vidcetlər: bir toxunuşla idarə edin

İndi artıq vidcetlərin köməyi ilə əsas ekranda müxtəlif əməliyyatlar həyata keçirmək olur: yerinə yetirilmiş işləri qeyd etmək, işığı söndürmək, musiqini oxutmaq və sair. Bunun üçün sadəcə interfeysə toxunmaq kifayətdir. Əvvəllər vidcetə toxunduqda birbaşa tətbiq açılırdı.

Şəxsi səsiniz: mətnləri öz səsinizlə səsləndirin

iPhone-da mətn çap edib onu öz səsinizlə səsləndirin. Funksiyanı aktiv etmək üçün əvvəl o səsi formalaşdırmaq lazımdır. Bunun üçün 150-yə yaxın cümlə oxumağa ehtiyac var. Buna təxminən 15 dəqiqə vaxt sərf edəcəksiniz. Daha sonra məlumat emal olunur və iPhone mətnləri sizin səsinizlə səsləndirə biləcək.

Funksiyanı aktiv etmək üçün «Settings» > «Universal access» > «Personal voice».

Safari-də inkoqnito rejimi üçün müdafiə

Indi «Fərdi giriş» rejimində panellərə baxmaq üçün siz Face İD və ya şifrə daxil edərək identifikasiyanı keçməlisiniz. Bu rejimdən çıxdığınız və ya iPhone ekranını blokladığınız halda identifikasiyanı yenidən təkrar etməli olacaqsınız.

Hətta siz telefonu blokdan çıxarıb digər şəxsə versəniz belə sizin sirləriniz əmində qalacaq. Həmçinin Apple proqressiv texnikaların köməyi ilə saytlarda fəaliyyətin izlənməsinə qarşı müdafiəni təkmilləşdirdi.

Önəmli məqamlar üçün yeni Journal tətbiqi

Bu xüsusi Apple tətbiqi iPhone-da gündəliyin aparılması üçün nəzərdə tutulmuşdur. Analoqlarından fərqli olaraq, Journal ekosistemdəki digər proqramlarla güclü şəkildə sinxronlaşdırılacaq və ağıllı təkliflər daxil edəcək. Onlar maşın öyrənməsi vasitəsilə yaradılacaq. Məsələn, keçirdiyiniz gün haqda məlumat mesajlardan, musiqidən, fotoşəkillərdən, məkandan, məşqlərdən və s. götürülə bilər.

Tətbiq hətta tənbəl insanlar üçün də uyğundur. Məsləhətlərin köməyi ilə, sözün əsl mənasında bir kliklə bir qeyd yarada biləcəksiniz. Qalereyadan fotoşəkillər, həmin gün dinlədiyiniz musiqi və atılan addımların sayı ilə başqa şəhərə səyahətinizi avtomatik qeyd edəcəksiniz.

Journal-ı bir müddət sonra, 2023-cü ilin sonuna yaxın yükləyə biləcəksiniz.

iMessage-də səs yazıların transkripsiyası

iOS 17-nin çıxma tarixini ən azından bu yenilik üçün gözləməyə dəyərdi. Düzdür, hələ ki bu yenilik yalnız iMessage-də mövcuddur. İndi siz artıq münasib olmayan situasiyada səsli mesajları dinləmək məcburiyyətində qalmayacaqsınız: iPhone avtomatik olaraq onları səs yazısının altında əmələ gələn mətnə çevirir.

Live Voicemail: həmsöhbətin nitqinin mətnə çevrilməsi

Yeni funksiya daxil olan səsli poçt mesajlarını real vaxt rejimində mətnə ​​köçürür. Bunu etmək üçün hətta telefonu götürməyə ehtiyac yoxdur. Bu funksiya hazırda ABŞ və Kanadada yalnız ingilis dilində mövcuddur.

İstənilən tətbiq üçün fərdi stikerləriniz

iOS 17 yeniləməsini yükləmək üçün daha bir səbəb – fərdi stikerlərinizdir. Onları Emojini dəstəkləyən istənilən tətbiqdə istifadə etmək mümkün olacaq. Sadəcə foto və ya rəsmdəki obyektə toxunmaq və “Add sticker” seçməyiniz kifayətdir. Neyron şəbəkələrin köməyi ilə sistem avtomatik olaraq obyekti fondan ayıracaq və sonra isə onlar stiker menyusunun “Tez-tez istifadə olunanlar” bölməsində peyda olacaqlar.

iOS 17-də nə əlavə olunub

Sadalananlardan savayı digər maraqlı funksiyalar da var. Qısaca sadalayaq.

• Yeni zəng melodiyaları və bildiriş səsləri.
• Kameradan istifadə edən tətbiqlərdə effektlərin ayarlanması. Məsələn, Teleqramda çevrənin qeydə alınması zamanı siz eyni anda iki effekti aktivləşdirə bilərsiniz: aydınlığın dərinliyi və studiya işıqlandırması.
• iMessage-də axtarış filtrləri.
• Telefonu çevirərkən landşaft rejimində gələn bildirişlər. Onlar ekranın eninə göstərilir.
• Siri «Siri» kəlməsi ilə aktiv olur. Artıq köməkçiyə “Hi Siri” deməyə ehtiyac yoxdur.
• FaceTime-da zəng buraxıldığı zaman video və audio yazma imkanı.
• Apple TV-də
• SharePlay (birlikdə film izləmək üçün) iPhone və ya Apple Watch ilə sadə toxunuş.
• Təkmilləşdirilmiş avtokorreksiya funksiyası: indi nəinki ayrı-ayrı sözlər, həm də kontekst nəzərə alınmaqla ifadələr düzəldilir.
• Mental sağlamlığınıza qayğı. Güclü emosiyalar və əhval dəyişikliyi haqqında məlumatı daxil edin və sistem sizin mental durumunuza nəyin təsir etdiyini və stressin səbəbini müəyyən edə biləcək. Sonra isə sizə faydalı məsləhətlər verəcəkdir.
• İnternet olmadan Xəritələrdə mərhələli naviqasiya.
• Real vaxtda hadisələri izləmək üçün Live Activities rejimi. İrəliləyiş ekranda göstəriləcək.
• Notes proqramında PDF faylların redaktə edilməsi.

Hansı iPhone-lar iOS 17 əldə edir

2018-ci ildən başlayaraq buraxılan bütün aktual modellər. Cihazların tam siyahısını təqdim edirik:

• iPhone 15, 15 Plus, 15 Pro və15 Pro Max;
• iPhone 14, 14 Plus, 14 Pro və14 Pro Max;
• iPhone 13, 13 Mini, 13 Pro və 13 Pro Max;
• iPhone 12, 12 Mini, 12 Pro və12 Pro Max;
• iPhone 11, 11 Pro və11 Pro Max;
• iPhone XS, XS Max, XR və SE (2-ci nəsil və daha yeni).

Vacibdir: yeniləməni siyahıdakı bütün cihazlara tətbiq etmək olsa da iOS 17-dəki bəzi yeniliklər bütün modellərdə işləməyəcək. Məsələn, iPhone-u dayaqlı saata çevirən StandBy rejimi iPhone 14 Pro və Pro Max-dan başlayaraq tətbiq oluna biləcək.

iOS 17 barədə “Nə yenilik var?” sualına qısa cavab vermək olar. Biz yeni əməliyyat sisteminin yenilikləri ilə hələ uzun müddət tanış olmağa davam edəcəyik. Yeniləməni yükləmək üçün “Settings” > “General” > “Software Update” seçin.