Hansı daha yaxşıdır: iOS yoxsa Android? Bütün “müsbət” və “mənfi” cəhətlər

Egər mübahisələr əsasında əbədi mühərrik icad etmək olsaydı iki kateqoriya qalib gələrdi: yolda hansı sürücü haqlıdır və hansı daha yaxşıdır – iOS yoxsa Android. Bu gün biz ikinci situasiyanın üzərində dayanacağıq və hər iki əməliyyat sisteminin mənfi və müsbət cəhətlərini ortaya qoyacağıq. Sonra isə nəticə çıxaracağıq.

Android vs iOS: toxunulmazlıq

iOS – qapalı koda malik əməliyyat sistemidir. Bu o deməkdir ki, ona Apple özü xidmət edir və iPhone istifadəçiləri cihazlarında proqram təminatına müdaxilə edə bilməz. Bu iOS-un zəif yerlərinin axtarışında xakerlərin işini çətinləşdirir.

Bundan başqa, iOS-un yeni versiyaları eyni interfeys və funksiyalar toplusuna malikdir. Odur ki, iPhone-u dəyişsəniz “şəkil” eyni qalacaqdır. İstisna – köhnə iPhone-lardır ki, onlar da sadəcə olaraq aparat yeniliklərini dəstəkləmirlər: Always-On Display, Dynamic Island və s.

Android – tərtibatçılara öz qilaflarını və modifikasiyalarını əlavə edərək mənbə kodunu dəyişməyə imkan verən açıq əməliyyat sistemidir. Çeşidlilik üçün istifadəçilər təhlükəsizlikdən ödünc verirlər: sistemə müdaxilə etmək imkanı zərərli proqram tərtibatçılarını cəlb edir.

Bundan başqa hər istehsalçı Android əməliyyat sistemi üçün fərdi ayarlarını və vizualını təklif edir. Məsələn, siz Samsung-dan Xiaomi-yə keçsəniz interfeysə yenidən öyrəşməli olacaqsınız.

iOS-dan Android-ə keçid: yeniləmələrin dəstəklənməsi

Apple öz smarfonlarını uzun müddət dəstəkləyir: model buraxıldıqdan sonra ortalama 6 ilədək. iOS-un hər yeni versiyası təhlükəsizlik və funksiya yeniləmələrini ehtiva edir. Sadəcə düşünün: iPhone aldıqdan sonra 6 il ərzində ən son proqram təminatı ilə “uçacaq”. İnsanların çoxu smartfonları daha tez-tez dəyişir!

Müqaisə üçün: Samsung öz telefonları üçün 4 əsas versiya və 5 il təhlükəsizlik yeniləməsi təklif edir, Xiaomi (xəttin sinfindən asılı olaraq) – 3 ilə yaxın Android yeniləməsi və 4 il təhlükəsizlik yeniləmələri, Sony 2 il Android yeniləməsi təminatı və 3 il təhlükəsizlik yeniləmələri verir.

Buna görə də gələn dəfə sizdən “niyə iPhone?” deyə soruşanda deyin ki, siz iOS 17-ni buraxıldığı gün hətta 2018-ci il buraxılış olan iPhone XS-də tətbiq edə bilərsiniz.

App Store – seçilmiş tətbiqlər mağazası

Bu bənd birinci ilə bənzərdir, lakin biz Android-dən iOS-a keçiddən danışırıqsa bu məqamda daha ətraflı dayanmağa dəyər.

iPhone istifadəçiləri tətbiqləri təxminən 2 milyon tətbiq ehtiva edən Apple şirkətinin xüsusi xidməti App Store-dan yükləyirlər. Onların hər biri Apple mütəxəssisləri tərəfindən yoxlanılır: zərərli proqram təminatının mövcudluğunu yoxlayır, quraşdırma və ya istifadə zamanı sındırılma risklərini qiymətləndirir. Şirkət potensial zəiflikləri aşkar edərsə, proqram təkmilləşdirilməsi üçün geri göndərilir. Məsələn, təkcə keçən il Apple məxfilik tələblərinə cavab verməyən 215 mindən çox proqramı rədd edib. iOS uyğunluğu ilə bağlı problemlər də aradan qaldırılıb: bütün iPhone-lar App Store-da olan proqramları dəstəkləyir.

Android-smartfon sahiblərinin isə tətbiq seçimi daha genişdir: təkcə Google Play-də 3 milyondan çoxdur. Üstəgəl kənar saytlardan da yükləmə imkanı var. Lakin müxtəliflik özündə risklər daşıyır. Açıq sistem və proqramları Google Pay-dən kənarda quraşdırmaq imkanı potensial təhlükələrə yol açır. Mətbuatda Android əməliyyat sistemli smartfonlara düşən virusların qanunsuz əməliyyatlar həyata keçirdiyi və istifadəçinin davranışları haqda məlumat topladığı barədə hekayələrə rast gəlmək olar.

Digər Apple qacetləri ilə qüsursuz inteqrasiya

Məlumatların Android-dən iPhone-a köçürülməsinin daha bir səbəbi – rahat ekosistemdir. Təbii ki, bu sizin digər Apple cihazına artıq sahib olduğunuzda və ya gələcəkdə əldə etmək niyyətiniz varsa aktualdır.

Məsələn, qeydlərin, təqvimlərin, fotoşəkillərin, şifrələrin avtomatik sinxronizasiyası, həmçinin iPhone-da işə başlamaq, Mac və ya iPad-də davam etmək imkanı – ekosistemin potensialı heyran edir.

Bu necə işləyir? Siz Apple-da istehsal olunan iPhone alırsınız. Onda da həmçinin Apple tərəfindən istehsal olunan iOS-sistemi quraşdırılmışdır. İş masasında siz Apple tərəfindən hazırlanmış və şirkətin digər cihazlarında təkrarlanan proqramları tapırsınız. Sadəcə bir Apple ID ilə daxil olun – alqoritmlər ətrafınızda olan qadcetlərinizi birləşdirəcək.

Digər qadcetlər buna bənzər bir şey təklif edirmi?

Məhsulun dəyəri illər keçsə də azalmır

iPhone yüksək qalıq dəyərinə malikdir. Bu o deməkdir ki, hətta bir neçə il istifadə etdikdən sonra da mənfəətlə satıla və ya Trade-inlə təhvil verilə bilər. Uzun “ömür” eyni anda bir neçə amillə əlaqələndirilir: yüksək keyfiyyətli quraşdırılma və materiallar, bir neçə il üçün performans ehtiyatı olan sürətli çip, qabaqcıl kamera, müntəzəm iOS yeniləmələri. iPhone alındıqdan bir neçə il sonra “yavaşlamağa” başlamır və yeniləmələr hətta köhnə versiyalara da “ikinci nəfəs” verir.

Özünüz də görə bilərsiniz ki, işlənmiş iPhone eyni səviyyəli və istehsal ili olan smartfonlardan daha bahadır: sadəcə olaraq istənilən elanlar saytında qiymətləri müqayisə edin.

Təhlükəsiz eyniləşdirmə sistemi

Android-dən iOS-a keçməyin başqa bir səbəbi Face ID-dir. Bu smartfonun ekran blokunu açmağın və ya Apple Pay-də ödəniş zamanı əməliyyatın təsdiqlənməsinin ən təhlükəsiz yollarından biridir. Ağıllı texnologiya saç düzümünüzü dəyişsəniz, papaq, eynək və ya kontakt linzalar taxsanız belə üzünüzü tanıyır. O, həm də qaranlıqda əla işləyir – bu məqsədlə sistem İR kamera ilə təchiz olunub.

Face ID-nin üstünlüyü ondan ibarətdir ki, sensorlar fəzada üzün üçölçülü şəklini skan edir. Bunun üçün bir neçə min görünməz nöqtəni təhlil edən xüsusi bir proyektor istifadə olunur. Neyral Mühərrik nəticədə alınan xəritəni daha öncə qeydə alınmış məlumatlarla müqayisə edilən riyazi təsvirə çevirir. Başqasının Face ID istifadə edərək iPhone-un kilidini açmaq şansı 1.000.000-da 1-dən azdır.

Android telefonları oxşar funksiyalara malikdir, lakin autentifikasiya sisteminin necə işlədiyinə diqqət yetirmək lazımdır. Məsələn, bir çox smartfonlarda dərinlik xəritəsi yaratmaq üçün nöqtə proyektoru yoxdur. Bu o deməkdir ki, onlar 3D əvəzinə düz təsviri skan edirlər. Belə halda, sahibinin video və ya fotoşəklindən istifadə edərək sistemi aldatmaq riski var. Həmçinin nəzərə almaq lazımdır ki, aparatlar sahibini selfi kamerası vasitəsilə tanıyırlar. Telefonda IR işıqlandırması yoxdursa, üz ilə kiliddən çıxarma funksiyası zəif işıqlandırmada və qaranlıqda yararsız olacaq.

Geniş aksesuar seçimi

Yəgin ki, heç bir smartfon üçün iPhone qədər çexol istehsal edilmir. Silikon, dəri, tekstil, plastik. Hətta ağacdan, gülləkeçirməz Kevlardan və ekoloji cəhətdən təmiz mikrotvildən hazırlanmış aksesuarlar var – seçim sizindir.

Yeni çexol yenilik istəyinizi təmin etməyin əla yoludur, həmçinin smartfonu mühitə uyğunlaşdırmanın da. Məsələn çimərlikdə istirahət üçün sukeçirməz olanı seçə bilərsiniz. Aktiv istirahət üçün – tutacaq halqalı – avtomobilin, qatarın pəncərəsindən boylanaraq iPhone-la şəkil çəkmək və ya sadəcə uçurumun kənarında dayanmaq qorxulu olmasın deyə.

Android-dən iPhone-a necə keçməli?

Keçməyin çətin olub-olmaması sualı bir əməliyyat sistemindən digərinə keçən bütün insanları maraqlandırır. Amma bu, o qədər də qorxulu deyil. Kontaktları, təqvimləri, fotoşəkilləri, videoları, mesajları və bəzi tətbiqləri Android-dən iPhone-a köçürməyə imkan verən xüsusi bir proqram var. Onun adı “iOS-a keçiddir” və onu Google Play-dən yükləmək mümkündür.

Beləliklə, məlumat ötürmək üçün:

1. Android cihazına “iOS-a keçid” tətbiqini yükləyin;
2. Hər iki telefonu şarja qoşun, Wi-Fi-ya qoşulun;
3. iPhone-u yandırın və hər iki telefonu yan-yana qoyun;
4. İPhone-da təlimatları olan bir pəncərə açılacaq – onlara əməl edin. Sürətli Başlanğıc ekranında “Manual configuration” seçin;
5. “Tətbiq və məlumat” menyusu görünəndə “Androiddən məlumatların ötürülməsi” seçin;
6. Android-də “iOS-a keçid” tətbiqini açın > “Davam et” və istifadə şərtlərini qəbul edin;
7. iPhone-da “Davam et” düyməsini sıxın. 6 və ya 10 rəqəmli kod görünəcək. Onu Android smartfona daxil edin. Zəif internet bağlantısı haqda xəbərdarlıq gələrsə əhəmiyyət verməyin;
8. iPhone müvəqqəti Wi-Fi şəbəkə yaradacaq. Android-cihazı ona qoşmaq üçün sorğunu gözləyin və “Qoşul” seçin;
9. “Məlumatların köçürülməsi” pəncərəsi açıldıqda Android-smartfonda köçürülməsi gərəkən məlumatı seçin. “Davam et” seçin. iOS-da yüklənmə indikatoru tamamlanınca gözləyin. Ona qədər Android-də prosesin başa çatması haqda xəbərdarlıqlara önəm verməyin.

Android-dən iPhone-a keçid çox vaxtınızı almayacaq. Prosesin vaxtı məlumatların həcmindən asılıdır. Unutmayın ki, məlumatın köçürülməsi zamanı hər iki smartfon şarja qoşulmalı və yan-yana olmalıdırlar.

Hər hansı mərhələdə probleminiz yaranarsa iSpace-ə müraciət edin. Mütəxəssislərimiz cihazlar arasında məlumat ötürülməsində sizə kömək edəcəklər.

Yekun: Android–dən iOS–a

Beləliklə, bir ƏS-dən digərinə keçməyə dəyərmi? Bu suala aydın cavab yoxdur. Hər iki sistemin pərəstişkarları daha yaxşısını istifadə etdiklərindən əmindirlər, lakin rəqib bir çox cəhətdən uduzur. Ancaq bu məqalədə təsvir olunan məqamlar sizin üçün önəmlidirsə, sınamağa dəyər.

Android-dən iPhone-a keçid xoş təcrübə olacaq: iOS hamar və stabildir və onun interfeysinə öyrəşdikdən sonra hər bir elementin istifadəçinin rahatlığı üçün düşünülmüş olduğunu görəcəksiniz.

Həyatınız boyu Android-dən istifadə etmiş olsanız belə, Samsung, Xiaomi və ya digər markalardan Apple smartfonlarına keçid asan olacaq. Hansı modelə keçdiyinizin heç bir fərqi yoxdur: iPhone 11, iPhone 13 və ya ən son iPhone 15 olsun – iOS interfeysi eynidir.

HƏMÇİNİN OXUYUN

iPhone 14 vs iPhone 15: keçməyə dəyərmi, fərq nədədir
iOS 17 çıxdı: nə yenilik var və yeniləməyə dəyərmi?