Apple iyun ayında özünün M2 çipli 13 düymlük MacBook Pro notbukunu təqdim etdi. M1 ilə müqayisədə daha parlaq və daha məhsuldardır. Həmçinin şarj etmədən düz 20 saatadək işləyə bilir.
Yeni məhsul haqda bilməli olduğunuz hər şeyi aşağıda sizinlə bölüşürük:
Bu Apple notbukları içərisində ən portativ və peşəkar olanıdır. Özü də indi daha da yaxşıdır!
Yeni M2 prosessoru A15 Bionic texnologiyası hazırlanıb və ikinci nəsil 5 nm texnologiyası əsasında qurulub. İndi M1 ilə müqayisədə 25 % daha çox – 20 milyard tranzistoru sahibdir. Tranzistorların əlavə sayı bütün çipin işini yaxşılaşdırır.
M2 çipi 8 performans və 10 qrafik nüvəsinə (M1çipindən 2 ədəd çox) sahibdir. Sələfindən 1,4 dəfə sürətlidir. Intel kompüterlərdən isə 6 dəfə.
Qrafikaya gəldikdə isə yeni MacBook Pro sadəcə möcüzələr yaradır. 10 nüvəli GPU hər vattda qrafika gücünü 2,3 dəfə artırır. M1 ilə müqayisədə etsək, eyni güc səviyyəsində 25 %-dək, maksimumda isə 35 %-dək artış. Eyni zamanda M2 çipindəki qrafik prosessor M1 çipindəkindən 5 dəfə az enerji sərf edir.
M2 çipindəki Neural Engine saniyədə 15,8 trilyon əməliyyat işləyə bilir ki, bu da M1 çipindən 40 % daha çoxdur.
Sadə dillə desək, bütün bunlar nə deməkdir? Sistem hətta Baldur’s Gate 3 kimi güclü oyunları oynayarkən belə oflayn şəkildə işləyə və isti qala bilər. Hətta RAW formatlı şəkillərin üzərindən işləyərkən belə.
M2 çipindəki yüksək performanslı Media Engine ProRes üçün kodlaşdırma və dekodlaşdırma prosesini dəstəkləyir. Videoları ProRes formatına çevirmək isə əvvəlkindən 3 dəfə daha sürətli olacaq. Yeni ISP təkmilləşdirilmiş təsvirin işlənməsini də təmin edir.
Retina Displey: ən yaxşısını görün
Etalon displeyləri həmişə Apple kompüterlərinin güclü tərəfi olub və yeni Mac da bu mövzuda istisna deyil. Retina Displey tünd qara və parlaq ağ çalarlar təqdim edir. Geniş rəng qamması (P3) sRGB ilə müqayisədə 25 % daha parlaq yaşıl və qırmızı çalarlara zəmanət verir.
Kontent mümkün qədər ətraflı və təbii görünəcək. True Tone texnologiyası daha təbii görüntünü formalaşdırır. İşıqlandırmanızın temperaturundan asılı olaraq bəyazlığı avtomatik tənzimləyir.
Uzun müddət şarj etmədən işləyir
M2 çipli MacBook Pro notbukunun batareya ömrü peşəkar kompüter üçün təəccüblü dərəcədə uzundur.Belə ki, iki iş günü ərzində şarj etmək barədə düşünməyəcəksiniz: 20 saata qədər davamlı istifadə. Bu dözümlülük daha yüksək performans və təkmilləşdirilmiş soyutma sistemi ilə əlaqəlidir.
Aktiv soyutma sistemi
Notbuk daha “ağır” işlərə yönəlib, bu da təəccüblü deyil ki, Apple onu xüsusi soyutma sistemi ilə təchiz edib. Aktiv soyutma sistemi prosessorun tıxanmasının qarşısını alır və işıq sürəti ilə öz performansını qoruyur. Siz saatlarla rahat bir şəkildə işləyərkən həm CPU, həm də GPU öz intensivliyini qoruyacaq.
Müasir kamera, mikrofon və dinamiklər
Daxili FaceTime HD kamerası qabaqcıl təsvir siqnal prosessorundan istifadə edir, bununla da siz videozənglər zamanı mükəmməl görünəcəksiniz. Studiya keyfiyyətində olan 3-x aranjemanlı mikrofon sistemi sizə hətta studiyaya ehtiyac olmadan belə podkastları yazmağa imkan verir: yüksək şəkildə və tam aydın eşidiləcəksiniz. 6 dinamikli Hi-Fi sistemi səsin aydınlığını və səsin ayrılmasını yaxşılaşdırır. Həmçinin Dolby Atmos sistemini də dəstəkləyir. Musiqiləri və videoları yüksək keyfiyyətlə dinləyəvə və izləyə bilərsiniz.
Nəticə:
Görünüş olaraq MacBook Pro dəyişməyib. Hər şey eynidir: Thunderbolt/USB 4 konnektorları, klaviaturadakı Touch Bar və 3,5 mm cek. Bütün dəyişikliklər notbukun daxilindədir.
- Yeni Apple A15 Bionic çipi.
- Əlavə 2 GPU nüvəsi.
- 8K-dək keyfiyyətdə H.264, HEVC və ProRes formatda videoların dekodlanması üçün təkmilləşdirilmiş Media Engine.
- RAM 24 GB-dək artırıla bilər.
- 2 TB-dək daxili yaddaşın həcmi (SSD)
- Uzunmüddətli işləmə müddəti – şarj etmədən 20 saatadək.
- 14 və 16 düymlük MacBook Pro kimi yüksək empedanslı qulaqlıqlara dəstək.
- Adapter 67 Vt (Əvvəlki model 61 Vt idi).
Son bloqlar
Təhsil üçün sizə lazım olan hər şey:
- 10.08.2024
- 9 min read
Ağıllı saatlar: Apple Watch-u necə düzgün təmizləmək
- 09.08.2024
- 7 min read
Trade-in ilə necə sərfəli şəkildə iPhone almaq
- 09.08.2024
- 4 min read