Apple ID necə yaratmaq lazımdır? 

iPhone almağınız münasibətilə sizi təbrik edirik! Yaxın gələcəkdə sizi yeni cihazla maraqlı tanışlıq gözləyir – yeri gəlmişkən, bloqumuz bu işdə sizə çox kömək edəcək. Ancaq ilk növbədə Apple ID hesabınızı qeydiyyatdan keçirməlisiniz. Bunu necə edəcəyinizi sizə izah edirik. 

Apple ID nə üçün lazımdır? 

Apple ID Apple ekosistemində unikal bir identifikatordur. O olmadan siz cihazınızı tam istifadə edə bilməyəcəksiniz. Buna görə yeni bir cihazı ayarlayarkən sizdən Apple ID və şifrənizi daxil etməyiniz tələb olunacaq. 

Onun köməyi ilə siz: 

– bütün Apple cihazlarını sinxronlaşdıra (əminik ki, siz sadəcə iPhone almaqla kifayətlənməyəcəksiniz) və istənilən cihazdan bütün şəxsi məlumatlara giriş əldə edə biləcəksiniz: kontaktlar, qeydlər, sənədlər, fotolar və videolara iCloud bulud yaddaşı vasitəsilə baxmaq olar; 

– App Store-dan ödənişli və ödənişsiz kontenti yükləyə biləcəksiniz: proqramlar, oyunlar, musiqi və s.; 

– FaceTime ilə ödənişsiz audio və video zənglər edə biləcəksiniz; 

– pulsuz iMessage multimedia mesajlarını (mətnlər və şəkillər) göndərib və qəbul edə biləcəksiniz.  

iPhone və ya iPad-də yeni Apple ID-ni necə yaratmaq olar? 

Cihazın aktivləşdirilməsi zamanı: 

1. “Şifrənizi unutmusunuz və ya Apple ID–niz mövcud deyil?” seçin. 
2. “Ödənişsiz Apple ID yaradın” üzərinə klikləyin. 
3. Doğum tarixinizi və adınızı daxil edin. “İrəli” klikləyin. 
4. Mövcud e-poçt ünvanından istifadə edin və ya yenisini yaradın. 
5. Sonra, ekrandakı göstərişləri təqib edin: e-poçt ünvanınızı təsdiqləyin, etibarlı şifrə yaradın, regionunuzu seçin və iki faktorlu autentifikasiyanı ayarlayın. Lakin bu addımı ötürsəniz belə bunu daha sonra “Ayarlar”-da edə bilərsiniz. 

Cihazınız artıq aktivdirsə: 

1. App Store-u açın və “Hesabım” düyməsini sıxın.  
2. “Yeni Apple ID yaradın” üzərinə klikləyin. Bu seçimi görmürsünüzsə, iCloud-dan çıxdığınızdan əmin olun.  
3. Yeni Apple ID-niz olacaq e-poçt ünvanınızı daxil edin.  
4. Şifrə yaradın və cihazın regionunu qeyd edin. 
5. Ödənişli Apple kontenti üçün ödəniş üsulunu seçin və “İrəli” düyməsini sıxın. Lakin siz “Xeyr” cavabını da seçə bilərsiniz. 
6. Telefon nömrənizi təsdiq edin. Bu, şəxsiyyətinizi təsdiqləməyə və zəruri hallarda hesabınızı bərpa etməyə kömək edəcək. “İrəli” klikləyin. 
7. E-poçtu yoxlayın. Apple-dan e-poçt ünvanınızı təsdiqləməniz üçün elektron məktub alacaqsınız. 
   
   

MacBook-da Apple ID necə yaradılır? 

1.  Apple menyusunu seçin. Bunu etmək üçün, səhifənin yuxarısında yerləşən alətlər panelindəki alma işarəsinə klikləyin. 
2. “Sistem Ayarları”na keçin. 
3. Yan menyuda “Apple ID ilə daxil olun” seçin. 
4. Açılan səhifənin aşağısında “Apple ID yaradın” düyməsini sıxın. 
5. Bundan sonra, yuxarıda ətraflı təsvir etdiyimiz ekrandakı göstərişləri yerinə yetirin. 

Brauzer vasitəsilə bir Apple ID necə yaradılır? 

1.  applied.apple.com ünvanına keçin. 
2. “Apple ID yaradın” seçin. 
3. Ekrandakı göstərişləri yerinə yetirin: e-poçt ünvanınızı daxil edin, şifrə təyin edin və yaşadığınız regionu seçin. Bu electron ünvan şəxsi hesabınıza girmək üçün sizin “login”-niz olacaq. 
4. Daimi çıxışınız olan telefon nömrəsini daxil edin. 
5. Apple yeniləmələrinə abunə olmaq və ən son şirkət xəbərlərindən xəbərdar olmaq istəyirsinizsə, xanaları işarələyin. 
6. “Davam et” seçin. 
7. E-poçt ünvanınızı və əlaqə nömrənizi təsdiqləyərək hesab yaratma prosedurunu tamamlayın. 

Bəzən yeni istifadəçilər yeni hesabı qeydiyyatdan keçirməkdə çətinlik çəkirlər. iSpace mütəxəssisləri sizə cihazınızın ayarlanması və istifadəsinin bütün incəliklərini məmnuniyyətlə izah edəcəklər. Bundan əlavə, yeni bir cihazla işləmək üçün tam bir təlim kursu ala bilərsiniz. Hədiyyə sertifikatları da mövcuddur.